Dugnad lørdag 26. nov. kl. 10.00
Det blir dugnad lørdag 26. nov. frå kl. 10.00. Aktuelle arbeidsoppgåver er:
   - generell klargjering for vinteren, sjekk av grøfter osv.
   - snekring, taklegging og anna rundt klubblokalet
   - gjennomgang og sjekk av utstyr
Vi håpar mange kan vera med slik at vi får gjort dette på ein effektiv måte. Har du spørsmål kan du ta kontakt med Steinar på årsmøtet eller på tlf. 90061073. Det er uansett fint om du kan gi eit vink at du kjem, slik at vi kan planleggja arbeidet litt for å få utnytta dagen best mulig.

Innspel til diskusjonar på årsmøtet
Som det går fram av innkallinga til årsmøtet, skal formelle forslag til årsmøtet sendast til leiaren i styret innan tirsdag 15. nov. slik at styret kan gi si vurdering av forslaget. Vi oppfordar alle til å koma med innspel og delta i diskusjonane. Dette er den viktigaste arenaen til å sei di meining av kva NMK Vikedal skal driva med og kva vi skal prioritera. Som kanskje nokon har fått med seg, har det vore livleg diskusjon på internett om RCN sin posisjon i Vestlandsmesterskapet. Har du innspel på kva NMK Vikedal skal meina om dette, gi det til kjenne på årsmøtet, så vil det bli tatt med vidare i planlegginga for neste år.

Årsmøte og årsfest 19. november i Ølen
Innkallinga til årsmøte og årsfest er no sendt ut i posten til alle registrerte medlemmer. Årsmøtet er ope for alle interesserte, men det er berre medlemmer som har talerett. Årsfesten er open for funksjonærar og andre motorsport-interesserte som har lyst til å vera med, men medlemmer vert prioritert.
-- Innkalling til årsmøte --
-- Innbydelse til årsfest --

Oppdatering av annonsene
Det har vore litt dårlig med oppdateringar på annonsene, men nå er det lagt ut ein god del annonser, både for bilar og utstyr. Ta ein titt ved å velgja "Kjøp & sal" i menyen til venstre.

Rune Lutsi Vestlandsmester i RCN inntil 2400 ccm.
Rune Lutsi vann endeleg eit velfortjent vestlandsmesterskap. I finalen måtte han sjå seg slått av Frode Leirhol, NMK Valdres, og Tom Engh, NMK Gjøvik, men det heldt likevel til å gå forbi John Vatland.
     I store supernasjonal klarte ikkje Svein Bjarte Holten å vinna finalen. Dermed vart han nr. 2 bak Stian Haugan.

Stian Haugan (t.h.) klarte å halda Svein Bjarte Holten bak seg og kunne jubla for eit nytt Vestlandsmesterskap.
-- Les meir --

Spennande før finalen i Vestlandsmesterskapet
Det vert ein spennande finale i Vestlandsmesterskapet lørdag 15. oktober.
-- Les meir --

Favorittane heldt stand
Favorittane klarte å forsvara sine posisjonar under finalen i NMK Vikedal Cup 2005 på søndag, og Steinar Stokke, Arnt Olav Lillesund og Lars Reidar Frøyland fekk fortjente premiar og laurbærkransar for innsatsen.
-- Les pressemeldinga etter løpet her .. --

Favorittane vant i NMK Vikedal cup
Det var favorittane som tok hand om laurbærkransane i NMK Vikedal cup 2005. Arnt Olav Lillesund var klar som vinnar på førehand i bilcross junior, men vann likegodt løpet i dag og. Joakim B. Hansen vart nr. 2 i cupen og Ørjan Strand Eikeland nr. 3. I bilcross senior havna dei som har gjort det best så langt i år utanfor pallen. Dermed klarte Johannes Holten Leifsen å kapra tredjeplassen bak Lars Reidar Frøyland og Martin Tveit. I rallycross nasjonal vann Steinar Stokke cupen framfor Geir Harald Skeie. Rune Lutsi, som vann løpet i dag, sikra seg tredjeplass.
Sluttstillinga i NMK Vikedal cup 2005 finn du under linken over.

Resultatliste, bilcross, 9. oktober 2005
Resultatliste, rallycross nasjonal, 9 oktober 2005

Foreløpig startliste for 9. oktober 2005
Foreløpige tilleggsregler bilcross 9. oktober 2005
Foreløpige tilleggsregler rallycross 9. oktober 2005

15 jenter deltok på jentenes bilcrossdag
Heile 15 jenter møtte og debuterte eller gjorde comeback i ein bilcrossbil i dag sjølv om det var tidvis ufyseleg vær. Men jentene kjørte som om dei ikkje skulle ha gjort anna, og ut frå kommentarane etter treninga frå mange av dei, blir det ikkje siste gong dei kjører.

Hugs påmelding til finalen i NMK Vikedal cup
Den foreløpige påmeldinga til finalen i NMK Vikedal cup kan gi fleire endringar i toppen dersom ikkje ein del snart får fingen ut og melder seg på finalen. Påmeldingsfristen er no forlenga til lørdag 1. oktober, men då må påmeldinga vera mottatt for at ein skal unngå etteranmeldingsgebyr.

Jentenes bilcrossdag lørdag 1. oktober
Lørdag 1. oktober står jentene i sentrum i Vikedal. Da blir det muligt å å prøva bilcross for alle jenter/damer som har lyst. Du må ha sertifikat, disponera bilcrossbil og ha nødvendig sikkerhetsutstyr (kjøredress, hjelm osv.). Dei som ikkje får låna bil, kan kontakta Suldal Billakkering (tlf. 52767377) som har 2 bilar til utleige. Frammøte seinast kl. 10.00 på lørdag for innsjekk. Treningslisens kan kjøpast for kr. 50,- på innsjekk.
      Til alle mannlege aktive: Still opp og gi kone, sambuar, mor, søster, dotter osv. mulighet til å prøva kva de driv på med og kor lett (eller vanskeleg) det er.

Svein Bjarte vann litt langdryg og våt VM-runde
Det vart ein svært våt og litt langdryg VM-runde i Vikedal i dag. Svein Bjarte Holten gjekk til topps i supernasjonal over 2000, Rune Lutsi rallycross nasjonal inntil 2400 og Jens Idar Juel vann bilcross junior. Men det var også mange andre gode resultater.
Resultater, rallycross 18. september 2005
Resultater, bilcross junior 18. september 2005

3 Tysvær-buar på pallen i bilcross

Som i august-løpet, gjekk Lars Reidar Frøyland til topps framfor Martin Tveit i bilcrossløpet. På tredjeplass fekk dei denne gong følgje av Hans Kristjan Kristjanson. Våre medlemmer gjorde det svært godt og tok 9 av dei 10 første plassane.
Resultatliste, bilcrossløpet 17. september 2005

Steinar Stokke til topps i Fjord Line Cup

Steinar Stokke, NMK Bergen, stakk av med seieren i Fjord Line Cup og 10.000 kr premiepenger. Nærmast kom Rune Lutsi, NMK Vikedal (8.000 kr.) og Stian Haugan, KNA Telemark (6.000 kr.).
Resultatliste, bakkeløpet 17. sept. 2005

Foreløpig startliste for bilcross senior 17. sept. og junior 18. sept. 
Tilleggsreglar for bilcrossløpet 17. og 18. sept. (foreløpig)
Foreløpig startliste for VM-rundane 17. og 18. september
Tilleggsreglar for bakkeløpet 17. september (foreløpig)
Tilleggsreglar for rallycrossløpet 18. september (foreløpig) 

Rune Lutsi, Per Vidar Flesjå og Håvard Helland kjører Norgescup-finalen på Lyngås
 Meir info. kjem seinare

Steinar Høyvik og Petter Andrè Gunther deltok i Bø
Steinar Høyvik og Petter Andrè Gunther deltok på bilcrossløpet i Bø lørdag. Steinar gjorde det bra, kom seg til A-finalen men vart dytta ut i ein sving og vart ståande. Dermed vart de 6. plass på Steinar. Petter Andrè enda på ca. 30. plass.

Trening/dugnad lørdag 10. september
Det blir kombinert trening og dugnad lørdag 10. september. Treninga vert mellom kl. 10.00 og 12.00 om føremiddagen, med dugnad etterpå. Påmelding til Glenn Olav Lothe, tlf. 97107666.

Bilcross junior kurs onsdag 7. september
På grunn av problemer med å få kjørt praksisdelen tidleg om våren og 15-årsregelen vil vi kjøre bilcross junior kurs no i haust. Alle som fyller 15 år i år (fødd i 1990 eller tidlegare) kan delta. Det året ein fyller 15 kan ein berre delta på trening, ikkje løp. Teoridelen går onsdag 7. september. Interesserte kan kontakta Sivert Ole Holten, tlf. 90547433 eller e-post sivert.ole@holtenmedia.no, for nærmare informasjon og påmelding.

Arild uheldig, Per-Gaute fornøgd på landsfinalen
Arild var uheldig i første sving i første omgong i landsfinalen på Krabyskogen. Han hadde ikke mulighet til å stoppa då ein konkurrent snurra rett framfor han. Det medførte ei øydelagt "flyndre" og ei hjulstilling som ikkje var heilt etter fabrikkspesifikasjonane som han sleit med dei neste 2 omgangane. Med 4. plass i 2. omgang vart det 128. plass av 154 deltakerar. Per-Gaute Østbø var godt fornøgd etter 2. plass, 4. plass og 2. plass i sine heat. Det gav ein 46. plass totalt.
-- Les meir med bilder --

2 deltakerar på Landsfinalen på Krabyskogen
Arild Riise og Per-Gaute Østbø skal delta i landsfinalen i bilcross på lørdag på Krabyskogen Motorbane litt sør for Gjøvik. Vi ønskjer dei lykke til.
Meir info. om Landsfinalen og oppdaterte resultater etter kvar omgong finn du her ...

Bakkeløpsrunde i VM 17. september
Det ser ut til at det blir arrangert eit bakkeløp på Vikedal Motorbane lørdag 17. september. Dette vil bli finalen i Fjord Line cup 2005. Slik det ser ut no vil det bli følgjande opplegg den helga:
Lørdag 17. september:
     Bakkeløp, 2. omgongar (prefinale og finale), kun rallycross-klassar + free for all
     Bilcross senior
Søndag 18. september:
     Rallycross
     Bilcross junior

Meir informasjon og tilleggsreglar blir lagt ut i neste veke.

Resultatlister etter motocrossløpet
Fullstendige resultatlister etter motocrossløpet finn du her ..

Bra motocross i Vikedal
NMK Vikedal arrangerte i helga fjerde runde i Vestlandsmesterskapet i motocross på Vikedal Motorbane. Roger Skjønberg frå Stord vann seniorklassa, medan Jo Christian Larsen frå Notodden gjekk til topps i juniorklassa.
-- Les pressemeldinga her --

Foreløpig startliste for motocrossløpet 
Foreløpig tidsplan for motocrossløpet
Foreløpige tilleggsreglar for motocrossløpet 20.-21. august

Over 160 påmelde i motocross
Til helga er det tohjulingane som overtar på Vikedal Motorbane, når NMK Vikedal arrangerer fjerde runde i Vestlandsmesterskapet i motocross. Med over 160 påmelde deltakarar er kanskje stemnet det største som har blitt arrangert i motocross på Vestlandet nokon gong.
-- Les pressemeldinga her --

Lars Reidar Frøyland til topps både i løp og cup
Lars Reidar Frøyland gjekk til topps både i løpet og samanlagt i NMK Vikedal cup i dag. I juniorklassen vant igjen Arnt Olav Lillesund framfor Ørjan Strand Eikeland. For stillinga i NMK Vikedal, følg linken over til høgre.
-- Resultatliste --
-- Pressemelding --

Rune Lutsi vant 2-dagarsløpet på Kongsberg
Rune Lutsi gjekk til topps i Rallycross Nasjonal inntil 2400 ccm i eit 2-dagars løp på Kongsberg i helga.

Foreløpig startliste for bilcrossløpet 14. august
Tilleggsreglar for bilcrossløpet 14. august

Spanande innspurt i NMK Vikedal Cup
Bilcrossen startar opp igjen med eit reint bilcrossløp på Vikedal Motorbane til helga. Over 50 førarar er påmelde til løpet, og i tillegg til kamp om sigeren i dei to bilcrossklassane skal det også kjempast om poeng i NMK Vikedal Cup 2005.
-- Les pressemeldinga her --

VM-rundane i Egersund i helga utsett til 27. og 28/8
På grunn av liten påmelding er VM-rundane i Egersund i helga utsett 14 dagar. Bakkeløpstraseen på bilcrossbanen i Egersund fekk mykje skryt etter NM-rundane der i juni. Så vidt vi veit vert det kjørt bilcross jr., alle rallycross-klassane og free-for-all, og vi oppfordrar alle til å ta turen til Egersund. Lurer du på noko, kan du kontakta NMK Egersund på tlf. 416 55 349.

Treningsplan for motocross fram til løpet 20-21/8
Førstkommande Lørdag 6. aug. skal bilgruppa nytta banen fram til kl. 14.00. MX treninga blir derfor frå kl 14.00 til 15.30. 

Geir Utaaker nr. 7 i Nordisk mesterskap
Geir Utaaker vart nr. 7 i Nordisk mesterskap i crosskart på Finnskogbanen i Solør i helga. Geir kvalifiserte seg til B-finale, men klarte å avansera vidare til A-finale der det vart sjuandeplass blant dei 21 deltakerane i 650 ccm klassen.

Bilgruppa minner om trening og dugnad 6. august
Det blir trening lørdag 6. august kl. 10.00 - 14.00. Glenn Olav Lothe er ansvarleg og tek mot påmelding på tlf. 97107666. Det kjem ambulanse slik at det blir kjøring med fleire bilar på banen samtidig.
Etter treninga blir det dugnad der taket på brakkene blir prioritert, men og klargjering til løp helga etter.
-- Meir opplysningar --

Hugs påmelding til løpa i august, både BC og MX
Både bilcrossløpet 14. august og motocrossløpet 20. og 21. august nærmar seg med stormskritt så det er på tide å melda seg på for dei som ikkje har gjort det allereie. 
       Til bilcrossløpet er det berre 12 påmeldte så langt, men fleire kjem nok dei nærmaste dagane. På Gol vart 3 av våre bilar seldt, Ørjan Eikeland si reserve-boble og Kenneth Johansen og Kjetil Stople sine Sierraer. Kjetil har allerede kjøpt seg ny og spennande Escort, og Kenneth er og på utkikk etter noko nytt.
       Til motocrossløpet er det allerede påmeldt over 120 deltakerar tilsaman i knattecross og motocross.

Knut Endre Fønnebø Ringhagen nr. 9 i Uvdal
Knut Endre Fønnebø Ringhagen vart nr. 9 i Smådølfestivalen i Uvdal i dag i ein Saab for anledningen. Han kjørte inn til 4 andreplassar og ein tredjeplass, noko som gav beste startspor i B-finalen. Der nådde han ikkje heilt opp og det vart til slutt 9. plass på Knut Endre. Eirik Aasbøe deltok og i Uvdal. Han kjørte inn til 2 andreplassar, tredje-, fjerde- og femteplass i dei innleiande omgangane. Han mangla berre 2 poeng på ein plass i B-finalen, og vart dermed nr. 12. Sjølv med 30 deltakerar vart det berre kjørt 2 finalar. 
        Vidar A. Olsen, som kjører for KNA Haugaland, gjorde comeback i bilcross i ein Sierra utan særleg suksess. Han vart til slutt nr. 93 av drygt 100 deltakerar i den opne klassen.
-- Fullstendige resultatlister på NMK Nore & Uvdal sine heimesider --
-- Reportasje på bilcross.no med bilder av begge våre deltakerar --

Klubben treng bilcross-emner til skulen i Vikedal
NMK Vikedal treng 2 bilcross-emner til vinterens bilcross-prosjekt på ungdomsskulen i Vikedal. Ein Volvo 440 er klar, men dei skal i vinter byggja 3 bilar så vi treng 2 til. Det bør vera kurante bilar som Volvo, Sierra, Golf, Kadett el.likn. Bilane bør ha vera nokolunde i orden slik at det primært er montering av bur og mindre tilpasningar som skal til for å få bilcrossbil av emnet. Veit du om eit passande emne som kan kjøpast til fornuftig pris, kan du kontakta prosjektleiar Johannes Holten Leifsen på tlf. 98283794. 

Medlem som kjører classic roadracing
Det er vel få om nokon som har fått med seg at vi har eit medlem som kjører roadracing med ein classic Honda 350. Per Jarle Smaamo frå Sand, nå busett i Stavanger, deltar i denne klassen saman med faren med svært gode resultater.
-- Les meir --

Bil informasjon
Det blir trening lørdag 6. august kl. 10.00 - 14.00. Glenn Olav Lothe er ansvarleg og tek mot påmelding på tlf. 97107666.
-- Meir opplysningar --

Ørjan Eikeland vann på Gol
Det var flott innsats av våre medlemmer på Gol i det store Goldagsløpet i helga. Ørjan Eikeland gjekk heilt til topps i A-finalen etter 3 andreplassar og ein heatsiger. Aleksander Stople gjorde det også godt. Dersom han hadde kome til mål i fjerde omgang hadde han og vore i A-finalen. Men 2 heatsigrar og ein andreplass heldt til B-finale, men der vart det andreplass og dermed 7. plass totalt. Stian L. Lilleskog hadde 2 andreplassar før han måtte gi seg med tekniske problemer. Han vart nr. 23 av dei 46 deltakerane.
       I seniorklassen gjekk det ikkje fullt så godt. Bestemann av våre medlemmer vart Kenneth Johansen som vart nr. 41 av dei rundt 130 deltakerane.
       I rallycross nasjonal inntil 2400 ccm hadde Rune Lutsi 3. startspor i B-finalen etter førsteplass, 2 andreplassar og tredjeplass. Han vart nr 3 i finalen og vart dermed nr. 8. Vant gjorde Vidar Opheim, NMK Gol, som kjører den gamle Escorten til Ernst Holten Leifsen.
Reportasje om Ørjan i Haugesunds Avis
Resultater frå Goldagsløpet

Oppdatering på Norgescup i crosskart
NMK Vikedal har 2 førerar som deltok i den 3. NM-runden i crosskart på Vinjarmoen på Dokka første helga i juli. Ingve Andrè Strand kjører i 250 ccm klassen og vart nr. 9. Geir Utaaker, som kjører i 650 ccm klassen vart nr. 8. Geir skulle også kjørt første runden på Momarken i mai, men den vart avlyst etter at ein bilcross-førar omkom av gassforgifting om natta i den heimelaga campingbilen sin.
2. runde gjekk på Lånke-banen i Stjørdal der ingen av våre deltok, medan neste runde vert arrangert av KNA Solør 30. juli.

Jens Idar Juel nr. 5 på Ralle-banen i Bø
Helga etter at dei var på mestermøtet på Konsmo, deltok Jens Idar Juel og Johnny Bådsvik på 2-dagarsløp på Ralle-banen i Bø i Telemark. Etter 3 heatsigrar, tredjeplass og andreplass, var Jens Idar klar for A-finalen. Her gjekk det brukbart, og han kom i mål på fjerdeplass. Johnny Bådsvik vart nr. 21 av 84 deltakerar i senior-klassa. Han vann eit heat, hadde andreplass i 2 + fjerde- og femteplass.

MX informasjon
Aktivitetsleierane har no tatt ferie slik at det ikkje vert trening verken lørdag 9. eller 16. juli. Lørdag 6. august vil treninga starta kl. 14.00 på grunn av biltrening.
MC-gruppa har laga ein liten presentasjonsvideo med bilder frå ymse aktivitetar dei har vore med på. Videoen kan du lasta ned her ...

Rune Lutsi nr. 2 på mestermøtet
Rune Lutsi vart nr. 2 i mestermøtet på Konsmo i dag bak Frank Selebø. Gisle Morten Hetland vart nr. 6 etter at ein drivaksling rauk i eit forsøk på å passera Rune i finalen.
       I bilcross senior kom Jonny Bådsvik til D-finalen med sin Golf etter 2 andreplassar, 2 tredjeplassar og ein sjetteplass. Totalt vart det 19. plass på Jonny.
I juniorklassen var Eirik Aasbø i B-finalen etter 2 andreplassar, ein tredjeplass og sjetteplass. Der kjørte han inn til femteplass, slik at han vart nr. 10 av 26 deltakerar. Jens Idar Juel hadde 2 førsteplassar i dei 2 første omgangane, men fekk sannsynligvis deretter tekniske problemer. Han står uten resultat i dei siste omgangane, men vart nr. 12 med sine 20 poeng.

Dugnad og trening neste onsdag den 6. juli.
Det blir dugnad og trening neste onsdag frå kl. 17.00. Påmelding til Steinar, tlf. 90061073. Dugnaden vil bestå i arbeid på brakkene primært, tetting av taket, maling hvis været er bra og anna arbeid. Det gjenstår ein god del arbeid med å få taka på plass, så dersom det er nokon som har ein dag å avsjå i ferien til litt dugnadsarbeid, kan de kontakta Steinar for arbeidsinstruksar.

4 førere til mestermøtet på Konsmo 2. og 3. juli.
Jonny Bådsvik, Erik Aasbø, Jens Idar Juel og Rune Lutsi legg kursen mot Konsmo og mestermøte i BC /RCN i helga.
-- Les meir --

Mange reiser til Goldagsløpet 16. og 17. juli.
Det ser ut til at det blir mange av våre medlemmer som reiser til Goldagsløpet. Både frå Ølen, Vats og Tysvær blir det jobba for å vera best mulig rusta til eit av dei mest prestisjefylte bilcross-løpa utanom landsfinalen. Treng du meir informasjon kan Steinar sikkert bidra med tips.

3 mann på pallen i Førde
Rune Lutsi nr. 2 og Per Vidar Flesjå nr. 3 i minste nasjonal og Geir Harald Skeie nr. 2 og Terje Steinnes nr. 4 var resultatet i bakkeløpet i Førde.
-- Les pressemeldinga etter løpet her --

3. runde i Fjord Line cup og 5. runde i VM i Førde
Rune Lutsi, Per Vidar Flesjå, Geir Harald Skeie og Terje Steinnes er blandt deltakerane i bakkeløpet på Kråkenesmarka Motorsenter i Førde på lørdag. Dette er 3. runde i Fjord Line cup og 4. runde i Vestlandsmesterskapet. Vi ønskjer alle lykke til.

Svein Bjarte til EM-runden i rallycross
Som tidlegare meldt er Svein Bjarte Holten kvalifisert til å delta i gjesteklassen under EM-runden i rallycross på Momarken i helga. Sist helg deltok han i 3. NM-runden i Kristiansand, men nådde ikkje finalane. Bilen verka som den skulle etter at motoren var oppe for ein sjekk etter problemer med oljetrykket under bakkeløpet i Egersund, men det gjekk berre ikkje fort nok. Nå kryssar vi fingrane for eit bra resultat på Momarken.

Påmelding til motocrossløpet 20.-21. august
Det er no lagt ute eige påmeldingsskjema for påmelding til motocrossløpet i august. Du finn det ved å følgja linken til løpet under Løp 2005 på toppen av sida eller ved å følgja linken her ...

Resultater, 2-dagers bilcross (kval. til landsfinalen)
(stillinga i NMK Vikedal cup er også oppdatert. Følg linken over.)

Resultater, 2. runde i Norgescup for Rallycross Nasjonal

Uoffisiell stilling i Norgescupen for Rallycross Nasjonal

Favorittane slo til Vikedal

Hans Kristian Strandbråten, NMK Modum & Sigdal


Steinar Johannesen, NMK Drammen

Ikkje uventa vant Hans Kristian Strandbråten, NMK Modum & SIgdal, til venstre og Steinar Johannesen, NMK Drammen, kvar sin klasse i 2. runde i Norgescupen i Vikedal i dag.
-- Les meir --

Bilder frå banen og depot
Vi har vore og tatt nokre nye bilder av nylagt asfalt og nypreparert depot i tillegg til dei som vart tatt tidlegare i vår:
  Siste bilder frå banen
  Bilder tatt tidlegare i vår

Aleksander Stople fekk kjøpt bilen tilbake
Aleksander Stople var i Bergen i helga for å kjøpa bilen som vart seld på bakkeløpet. Bilen gjekk fortsatt godt, og med Aleksander Bogetveit bak rattet vann den juniorklassen i 2-dagarsløpet på Eikås i helga. Heldigvis fekk Aleksander Stople kjøpt den tilbake, og er dermed klar til 2-dagarsløpet i Vikedal.

Pressemelding før Norgescuprunden- og 2-dagarsløpet lagt ut
-- Les meir --

Kampen om Eikelandsmyrane avgjort eller ??
Kjell Skrunes har selt bilcross-bobla til Lars Reidar Frøyland, og det ser dermed ut til at den annonserte tvekampen med Øyvind Eikeland på 2-dagarsløpet er avblåst før den starta. Om Øyvind dermed skal forsvara æra til Øvre Vats åleine, eller om han heller ikkje vågar å stilla, er førebels uklart. 

Ingen stor suksess i bakkeløpet i Egersund
Det vart ingen stor suksess i NM-rundane i bakkeløp i Egersund for Svein Bjarte Holten. Han deltok berre i runden på søndag, men dårleg oljetrykk gjorde at han trakk seg midtveis i løpet. Motoren er nå hjå Alf Eng til oppsjekk.
      Lørdag var RCN gjesteklasse, og Rune Lutsi og Per Vidar Flesjå stilte til start i den minste klassen. Rune tok andreplass bak Richard Halvorsen, KAK, som vann. Per Vidar fekk det vel ikkje heilt til å stemme, og vart nr. 6 av 7 deltakerar.

Tilleggsreglar for 2-dagars bilcross lagt ut
Merk at deltakarantallet for bilcross senior er begrensa.
-- Tilleggsreglane, BC --

Svein Bjarte Holten nr. 15 på Lyngås
Svein Bjarte Holten vart nr. 15 i NM-runden i rallycross på Lyngås i helga. Dei 2 første omgangane vart kjør på svært våt bane laurdag. I første omgang vart det 18. tid for Svein Bjarte. I andre omgang låg han på støtfangaren til Eivind B. Nevland, som fekk 4. tid i andre omgang, då ein stikk-aksling rauk og han måtte gi seg. Søndag var det tørka opp, og Svein Bjarte kjørte inn til femtetid i omgangen og kvalifiserte seg til femte startspor i C-finalen. Denne plasseringa heldt han og vart dermed nr. 15.
        Men det beste med helga er at det ser ut til at den gode 3. omgangen, saman med besteomgangen frå Momarken, er nok til ein plass i supportrace i EM-runden i rallycross på Momarken 25. og 26. juni. Dermed blir det et dilemma om Svein Bjarte skal delta der eller i VM-runden i Førde som går same helg. Det går vel kanskje mot deltaking på Momarken, sjølv om Stian Haugan dermed får mulighet til å dra fra enno meir i VM.

Nokre bilder frå VM-runden i Bergen
-- Sjå dei her --

Knut Endre F. Ringhagen vann + 4 andreplassar
Knut Endre Fønnebø Ringhagen vann bilcross junior-klassen i VM-runden på Eikås i dag. I tillegg fekk NMK Vikedal 4 andreplassar og ein tredjeplass. Det vart ein våt og langdryg VM-runde i Bergen i dag.
      To av våre juniorar stod med full pott etter innleiande, Joakim B. Hansen og Ørjan S. Eikeland, men det var altså Knut Endre som stakk av med seieren medan Ørjan vart nr. 4. Joakim fekk svart flagg for fobikjøring i gul sone og vart nr. 6. Aleksander Skeie tapte loddtrekninga om plass i A-finalen, og hamna dermed i B-finalen saman med Anja Andersen. Anja var raskt ute i starten og kjørte inn til 8. plass totalt. Christian S. Eikeland vart nr. 17 og KJartan Vaka Lothe nr. 20. Jens Idar Juel, som vart nr. 3 i går, fekk ikkje orden på clutchen, og stilte ikkje til start.
      Per Vidar Flesjå hadde bl.a. problemer med tannstanga i løpet av dagen, men stod likevel i 2. startspor i finalen. Sigbjørn Hannisdal var det ikkje noko å gjera med slik at det vart andreplass på Per Vidar i RCN i/2400. I klassen over 2400 stod Geir Harald Skeie i 2. startspor medan Terje Steinnes stod i 5. startspor. Men det var den erfarne som var raskast i starten og kjørte seg rett opp på andreplass bak Kjell Askeland, noko som og vart resultatet i mål. Geir Harald vart kjørte inn til ein fin tredjeplass. Håvard Helland kjørte berre tidstreninga i dag før han måtte kasta inn håndkleet med motorproblemer.
      I supernasjonal inntil 2000 ccm vann Knut Erik Ludvigsen framfor Ole Kristian Nøttveit og Kjetil Møn. I over 2000 ccm stod Svein Bjarte Holten i 4. startspor i finalen, men ein kjempestart førte han opp på andreplass bak Stian Haugan. Det vart og sluttresultatet med Øystein Verlo på 3. plass.
I følge utskremte medarbeiderar var dei fleste av våre førerar, spesielt i rallycross, svært tilfreds med resultata i dag.

Aleksander Stople nr. 2, men mista bilen
Aleksander Stople vart nr. 2 og Jens Idar Juel nr. 3 i bilcross junior klassen i bakkeløpet i Bergen i dag. Dessverre var det nokre som meinte at Kadetten burde skifta eigar, og dermed står Aleksander utan bil til bilcrossløpet i morgon. Jens Idar Juel hadde problemer med clutchen, og det vert jobba for å få ordna den til morgondagen. Det var 28 deltakerar i junior-klassen.
         Svein Bjarte Holten var einaste i rallycross som kom på seierspallen med ein 3. plass. Han var raskast i 1. omgang, men fekk det ikkej heilt til etter det. Håvard Helland hadde problem med topp-pakningen, men såg ut til å ha fått ordna det til treninga i kveld. Ellers vert det ikkje rapportert om problemer med bilane.
-- Resultater frå bakkeløpet --
-- Uoffisiell stilling i VM --

Rune Lutsi nr. 15 i våt Norges Cup-runde på Dokka
Rune Lutsi vart nr. 15 i klassen inntil 2400 ccm i ein våt Norges Cup start for rallycross nasjonal. Vegard Åslund, NMK Fluberg, i Volvo 240 vann klassen framfor Frode Leirhol, NMK Valdres, i VW og Hans Kristian Strandbråten, NMK Modum & Sigdal, i VW.
Rune sleit, saman med andre boble-førerar, med fusking og stopp pga. mykje vatn rundt motoren.
-- Resultater på NMK Fluberg sine heimesider --

Har inngått ny samarbeidsavtale
Haugesund Sparebank og NMK Vikedal kunne sist veke inngå ein ny samarbeidsavtale som vil gi klubben eit betydelig beløp i sponsorstøtte for 2005.
-- Les meir --

11 i BC jr. og 5 i rallycross til VM-runden i Bergen
Heile 11 av 30 deltakerar i bilcross jr. representerer NMK Vikedal i VM-rundane i Bergen. Med den gode kjøringa alle desse har vist i tidlegare løp, bør sjansane til finaleplassar vera gode. Lørdag vert det kjørt bakkeløp, ei ny utfordring for våre bilcross junior-førera, medan det er vanlig bilcross/rallycross søndag.
       I rallycross deltek Per Vidar Flesjå i den minste nasjonal-klassen og Geir Harals Skeie, Terje Steinnes og Håvard Helland i den store. Terje debuterer i sin nye 240 som han kjøpte av Håvard Helland i vinter.
       I supernasjonal er det berre Svein Bjarte Holten som representerer NMK Vikedal.
-- Meir info. om VM-runden her --

Svein Bjarte Holten syklar til Bergen
Veddemålet slo til og dermed vert det sykkeltur til Bergen på Svein Bjarte. Turen startar i Vikedal fredag morgon kl. 06.00. Ole Sigve Leifsen vart ramma av same veddemålet, og skal sykla saman med Svein Bjarte.

Tilleggsreglane for Norgescup-runden er lagt ut
Du finn tilleggsreglane for Norgescup-runden i Rallycross Nasjonal den 11. juni ved å følgja linken til løpet i menyen over (11.-12. juni: Norgescup RCN og bilcross) eller ved å trykke her .. 
På løpssida finn du også link til ein bildeserie frå ein runde rundt Vikedal Motorbane, liste over aktuelle overnattingstadar for dei som treng det og link til pressemeldingar når dei blir sendt ut. I tillegg vil det bli lagt ut link til ein invitasjonsfolder med meir informasjon.

Treng du ei brakke eller to?
Etter flyttinga av brakkene i frå Ølen har vi to brakker for mykje. Den eine har ikkje langvegger, medan den andre har ein langvegg. Interesserte kan kontakta Steinar Høyvik, tlf. 90061073.

Bilgruppa betalar kr. 500,- i reisestøtte pr. løp
I siste møtet i bilgruppa vart det vedteke å laga ei reisestøtte-ordning for medlemmer i NMK Vikedal som deltek for klubben på "prestisje"-løp. Dette blir gjort for å profilera NMK Vikedal på viktige løp. For å kvalifisera til reisestøtte må du delta på følgjande løp:
  - NM-rundar i rallycross eller bakkeløp (supernasjonal)
  - Norgescup-rundar for rallycross nasjonal (gjeld ikkje runden i Vikedal)
  - NM-rundar for crosskart
  - Landsfinalen i bilcross
For å få støtta må du fylla ut og senda inn eit skjema du vil få i posten om kort tid (i løpet av ei vekes tid). Søknadane må vera bilgruppa i hende seinast 10. okt. Nærmare informasjon vil koma i eit informasjonsskriv til alle aktive innan ei vekes tid. Har du spørsmål eller ikkje får info.skrivet, kan du kontakta bilgruppa v/ Marius Vaka Lothe, tlf. 91635628. 

Svein Bjarte Holten nr. 17 i NM-runden
Svein Bjarte Holten hamna akkurat utanfor finalane og vart nr. 17 i sin første NM-runde i den store Supernasjonal-klassen. Ei fattig trøst var at han vart best av alle vestlendingane i denne klassen. Jostein Skjerve vart nr. 20, Ørjan Lutsi nr. 25, Øystein Verlo nr. 31 og Eivind B. Nevland nr. 32 av totalt 36 deltakerar. Kjell Arne Smerud fortset der han slapp i fjor med å vinna første NM.runden. Denne gong måtte han rett nok via B-finalen. Frode Holte vart nr. 2 og Per A. Jørgensen nr. 3.
     I den mellomste klassen var Ole Kristian Nøttveit suveren heile løpet. Han vant alle dei 3 innleiande omgangane og A-finalen. Knut Erik Ludvigsen kjørte inn imponerande i A-finalen md defekt clutchwire og klarte 3. plass. Tor Erik Hermansen vart nr. 12, Cato Endresen nr. 14 og Kjetil Møn nr. 15.
Fullstendig resultatliste finn du på www.motorsportavisen.no under "LIVE! Service" i menyen.

Svein Bjarte Holten einaste deltakar i NM-runden
Svein Bjarte Holten er einaste deltakar frå NMK Vikedal i NM-opninga i rallycross på Momarkedet fredag og lørdag. Løpet er litt spesielt ved at 1. omg. går fredag kveld, medan 2. og 3. omgang samt finalane går lørdag. Motorsportavisen har live-oppdatering av resultatene. Følg linken til høgre.

9. og 11. plass til "Gutta på tur" i Kvinesdal
"Gutta på tur", Steinar Høyvik, Lars Reidar Frøyland og Tom Jøran Johnsen, var i Kvinesdal i dag og kjørte bilcross. Alt gjelkk ikkje på skinner, men "egg og bacon" som Tom Jøran stod for var iallefall topp. På banen var ikkje Tom Jøran like heldig, og måtte gi seg alt i første omgang med defekt clutch. Steinar og Lars Reidar vann begge sine heat i dei 2 første omgangane. I 3. omg. vart Steinar nr. 2, bak Terje Josdal, medan Lars Reidar vart nr. 3. Dermed vart det plass i B-finalen for begge to. Begge var godt med i starten, men litt klabb og babb underveis gjorde at det vart 9. plass på Lars Reidar og 11. på Steinar. I budtrekninga var det Steinar som var heldigast og beheldt bilen, medan Lars Reidar mista sin. Men på veg heim var dei innom på boble-lageret på Kylles og henta ny, slik at Lars Reidar er klar igjen til 2-dagarsløpet i Vikedal i juni.
         Det var Oddbjørn Bjørnestad som vann løpet, som og var kvalifisering til landsfinalen.

Vellukka knattecrossdag
25 dyktige knattecrosserar deltok på knattecrossens dag som vart arrangert lørdag 30. april. Fleire av dei har no kjørt så mykje at dei er blitt verkeleg gode. Dessverre kom det litt yr utpå dagen, men det betydde lite for dei aktive.

Ole Eirik Mæland nr. 13 i norgescup-løpet i motocross i Vistergropa
Ole Eirik Mæland frå Etne vart nr. 13 i første runde Norgescupen for motocross i Vistergropa sist helg. Han vart nr. 15 i første heat, men kjørte seg opp til 12. plass i det andre heatet, noko som gav 13. plass totalt.

Brakkene frå Ølen på plass i Vikedal
Brakkene frå Ølen er no på plass i Vikedal. Dei som kan vera med å få justert dei på plass og tette, kan kontakta Steinar, tlf. 900 61073.
-- Sjå bilder av brakkene --

Per Gaute Østbø nr. 3 i Egersund i dag.
Per-Gaute Østbø tok ein fin 3. plass med sin Skoda i sesongopninga i Sør-Vest cup i Egersund. Etter første, andre og førsteplass i dei innleiande omgangane, stod Per-Gaute i 3. startspor i A-finalen.
-- Les meir --


Vinnaren, Espen Kerim, NMK Konsmo, i midten, nr. 2 Oddbjørn Bjørnestad, NMK Kvinesdal, til høgre og nr. 3 Per-Gaute Østbø, NMK Vikedal, til venstre.

BC jr. laget klart
Etter tidskjøringa på treninga lørdag, er det no klart at Joachim B. Hansen, Christian Eikeland og Ørjan Eikeland tar dei 3 siste plassane. Dette kjem i tillegg til Jens Idar Juel, Aleksander Stople og Kjartan Vaka Lothe som kvalifiserte seg som dei 3 beste frå NMK Vikedal i løpet 11. april. Kampen om plassane var svært jevn, og enkelte satsa litt for mykje for å koma med. Til slutt var det berre 1-2 sek. som skilde mellom dei raskaste og dei som kjørte seinast.

Kvalifisering til BC jr. lag + trening
Som opplyst på førarmøtet på sist løp, vert det kjørt kvalifisering til dei 3 siste plassane i NMK Vikedal Bilcross jr. Team lørdag 23. april. Påmelding til Glenn Olav Lothe på tlf. 950 88069 innan fredag 22. april. Det blir innsjekk/teknisk kontroll frå kl. 09.30 og start trening/tidskjøring kl. 10.00. Det vil også bli kjørt vanlig trening for bilcross og rallycross.
        Jens Idar Juel, Aleksander Stople og Kjartan Vaka Lothe kvalifiserte seg som dei 3 beste frå NMK Vikedal i løpet 11. april, og nå skal det kjempast om dei 3 resterande plassane. Jr.-laget vil i år reisa til VM-rundane i Bergen den 21.-22. mai og Egersund 13. august. Det blir opplasting på biltransportbil frå Aksdal kvelden før løpa. Evt. ledige plassar blir tilbudt dei som er nærmast til å bli kvalifisert.

Rune Ørke braut i rally-comebacket
Rune Ørke måtte bryta på femte etappe i Rally Stavanger. Det var ein fortauskant som sette ein stoppar for vidare kjøring både for Rune og mange andre. Felgen og forstillinga vart øydelagt, og det var ingen andre muligheter enn å bryta. Etter 3 etappar var det 3 deltakerar som delte første plassen i nasjonal kl. 12, og ein av desse var Rune. Han tapte 17 sek. til leiaren på 4 etappe før han måtte bryta.
-- Fleire bilder "lånt" frå www.trim-4-eldre.com --

Resultatliste for bakkeløpet 9. april 2005
Resultatliste for BC jr./RC-løpet 10. april 2005

Pressemelding etter løpet:
Spennende åpning i Vikedal
I supernasjonal var det Stian Haugan og Ole-Kristian Nøttveit som kom best i gang under åpningen av Vest-landsmesterskapet på Vikedal Motorbane i helgen. De vant sine klasser under lørdagens bakkeløp, mens Rune Lutsi og Steinar Stokke tok seg av seieren i nasjonalklassene. Under søndagens rallycross var det nye poeng å kjempe om, og aller best i gang kom Eivind B. Nevland i store super, som kjørte raskest på tidskvalifiseringen.
-- Les meir --

Jens Idar Juel til topps i bilcross junior
Etter inneleiande omgongar var det debutanten Ørjan Strand Eikeland som var best med 3 heatseierar, men i finalen var han uheldig og fekk ein rulling. Dermed var det Jens Idar Juel som trakk det lengste strået og kunne klatre til topps på seierspallen. Arnt Olav Lillesund vart nr. 2 medan Aleksander Stople sikra seg tredjeplass.
        Dei 3 første plassane i NMK Vikedal sitt juniorteam går dermed til Jens Idar Juel, Aleksander Stople og Kjartan Vaka Lothe (som vart nr. 4 i løpet). Ytterligare 3 plassar skal fyllast på treninga om 14 dagar.
Sjekk også den oppdaterte stillinga i NMK Vikedal cup ved å følge linken over.
-- Resultater frå BC jr. og rallycrossløpet --  
-- Bilder frå seierspallene --

Svein Bjarte Holten vann sitt andre løp med Volvo
Svein Bjarte Holten vann sitt første rallycrossløp sidan juni 2000 i dagens VM-runde i Vikedal med sin nye Volvo 240. Einaste seiern han har tatt med Focusen var i bakkeløpet i Vikedal i april i fjor.
     I dagens A-finale klarte han å ta starten frå andre startspor framfor Stian Haugan som hadde beste startspor. Stian var tett på Svein Bjarte heile finalen, men kom ikkje forbi. Øystein Verlo vart nr. 3.
      Før løpet hadde Svein Bjarte inngått veddemål om at han skulle sykla til VM-runden i Bergen dersom han kom på pallen i helga. Som kjent missa han pallen med eit hudredel i går, men i dag lukkast alt og han må trø til Bergen i mai. Ettersom speaker Ole Sigve Leifsen og vart med på veddemålet, treng han ikkje sykle åleine.
      I rallycross nasjonal inntil 2400 var girkassen i bobla til fam. Lutsi i orden igjen, og far Sigmund kunne kopiera Rune sin seier i bakkeløpet i går. I klassen over 2400 ccm kjørte debutanten Geir Harald Skeie inn til ein flott andreplass i dag. I finalen kjørte han rutinert og heldt Håkon Gjesdal Nilsen bak seg. Steinar Stokke vann klassen.
-- Resultater frå BC jr. og rallycrossløpet --  
-- Bilder frå seierspallene --

Stian Haugan og Ole Kristian Nøttveit vann
Stian Haugan og Ole Kristian Nøttveit vann henholdsvis supernasjonal over 2000 ccm og supernasjonal inntil 2000 ccm i bakkeløpet i Vikedal i dag suverent. Men bak dei vart det ein hard kamp der berre hudredelar skilte dei forskjellige.
Resultatliste for bakkeløpet 9. april 2005
Bilder frå premieutdelinga

Tidsplan for løpa i helga
Bakkeløp lørdag 9. april:
kl. 12.30  Start kvalifiseringsomgong
kl. 13.35  Start prefinale
kl. 14.50  Start finale
kl. 16.10  Premieutdeling

Rallycross/bilcross jr. søndag 10. april:
kl. 10.00  Trening BC jr.
kl. 10.10  Tidstrening, rallycross
kl. 12.30  Start 1. omgong
kl. 13.35  Start 2. omgong
kl. 14.40  Start 3. omgong
kl. 15.45  Start finalar
kl. 16.45  Premieutdeling

Tidspunkta er cirka-tider og kan bli endra etter som løpa utviklar seg.

Pressemelding før løpet
Til helgen er det klart for de to første rundene i årets Vestlandsmesterskap. NMK Vikedal kan registrere rekordpåmelding til sesongåpningen, og Tore Rønneberg, som koordinerer mesterkapet, har gjort avtale om at alt blir produsert på DVD.
--Les pressemeldinga --

Dugnad og trening lørdag 2. april
Det blir dugnad lørdag 2. april med mulighet for trening etterpå. Dette er siste mulighet for å prøvekjøra banen før løpa. For å ha litt kontroll er det påmelding til dugnaden/treninga i forkant til Steinar, tlf. 90061073. Frammøte kl 09.00, foring, sosialt samvær og andre tilleggsfaktorar får du på kjøpet .

Sesongopning i VM 9.-10. april i Vikedal
Invitasjon, tilleggsreglar og foreløpige startlister er no lagt ut på sida for løpet.
-- Les meir her --

Bilcross-/rallycrosstrening onsdag 23/3
De vil bli BC/RC-trening onsdag 23. mars kl 17-18 for NMK Vikedal førerar. Innsjekk og teknisk kontroll til kl. 16.30. Alle stiller med minimum 1 vakt, påmelding til Steinar Høyvik, tlf. 90061073, slik at me har kontroll på kor mange som kjem og kan avlyse om det vert grisevær. Dei som ikkje har fått lisens enno, kan kjøra på eingongs treningslisens (50,- kr.).

Endeleg praksis for bilcross junior-kurset
Lørdag 19. mars vart praksis-delen av bilcross junior-kurset kjørt. Over 20 deltakerar deltok, både 15- og 16-åringar.


Fleire bilder finn du her ...

Trippel-Higre i bilcross senior
Det var tre Higrar som handterte forholda best i bilcrossløpet i dag. Med snøbyger som kom og gjekk vart det vanskelege kjøreforhold under løpet. Men løpet gjekk utan større uhell, men ein del vart ståande på brøytekantane etter febrilsk ratting på glattisen.
-- Fullstendig resultatliste --

-- Pressemelding --


Lars Reidar Frøyland beundrar pokalen for seieren i bilcross på toppen av seierspallen. Martin Tveit på andreplass (t.v.) og Arild Riise (t.h.) er og svært tilfreds med resultatet.


Arnt Olav Lillesund var suveren i bilcross junior og vann alle sine heat og sin første seier. Christian S. Eikeland (t.h.) vart nr. 2 medan Anette Aarre vart nr. 3.

Nedbør og teleløysing gir blaut bane
Nedbøren i slutten av veka og mildare vær gjer at det vert blaute forhold til løpet i morgon.

-- Fleire bilder --

Pressemelding før løpet
Pressemeldinga før løpet kan du lesa her ...

Forholda under kontroll på banen
Etter snøbrøyting lørdag ser forholda brukbare ut på banen. Været fram til søndag avgjer korleis forholda blir under løpet.

Som ein ser er asfaltpartia meir eller mindre berre for snø, og snøen vil nok og forsvinna frå det meste av gruspartia. Frost i bakken under vil nok gjera gruspartia blaute. Publikum bør nok ta med godt fottøy.
-- Fleire bilder --

Praksisdelen til lisenskursa utsett
Praksisdelen til bilcross jr. lisenskurset som skulle gått lørdag 5. mars er utsett pga. baneforholda. Kursleiaren har konkludert med at det er uforsvarleg å sende uerfarne sjåførar på banen slik forholda er med delvis snø og is. Dette medfører at nokre av dei påmeldte til løpet er tatt ut av startlista sida dei ikkje vil få nødvendig lisens før løpet. Vi beklagar dette, men håpar at det kan gjennomførast så snart som mulig.

Tilleggsreglar og startliste for 13. mars
Tilleggsreglar og startliste for 13. mars er no lagt ut. Følg linkane over.

Ny teknisk årskontroll
13 bilar på Sandeid og 5 bilar på Norheim gjer at det vert ny kontroll på Sandeid laurdag 26. februar frå kl. 09.00 - 11.00. For dei som har tenkt å kjøra første løpet den 13. mars, er dette siste mulighet for å få i orden lisensen til løpet. Bilsportforbundet treng litt tid på å registrera og senda ut nye lisensar, og lisensen må vera i orden og betalt når du kjem på løpet.

Bilder frå teknisk årskontroll
For interesserte er det lagt ut nokre bilde frå den tekniske årskontrollen. Bilda finn du her ...
På Sandeid vart det kjørt litt billøp i tillegg, riktignok berre på stor-skjerm. Resultata av WRC-4 cupen og fleire bilder finn du på Holten Motorsport sine sider her ...

Norgescup-runde i Rallycross Nasjonal
NMK Vikedal har fått ein av rundane i Norgescupen i Rallycross Nasjonal. Den skal gå lørdag 11. juni. Reglementet for cupen er no lagt ut på NBFs heimesider.
-- Reglement for Norgescup RCN --

Koblingskjema for bensinpumpe
Vi har lånt litt informasjon om dette frå NMK Namdal sine internettsider:
Bilcross vil no få krav slik som i RCN og RC at drivstoffpumper skal kun gå når motoren går og i startøyeblikket. Dette er slik som mange biler har orginalt f eks Opel 2.2i. Meninga er at ved f.eks. brann skal ikkje bensinpumpa fortsette å pumpe bensin som dei fleste skjønar problemet med. Det er sikkert mange som finn ein egen patent på det, men jeg har to alternativ. Det er å få kjøpt eit spesielt pumpe rele frå eit firma i Tyskland, Pierburg AG. Det er sikkert nokon som forhandler det i Norge og. Det kan også gjerast med to enkle rele og ein diode slik dette koblingsskjemaet viser.

Dei tekniske årskontrollantane kan bidra med meir hjelp. Navn og tlf. nr. finn du her ...

Oppdateringar av sidene
Grusspruten 01/2005 skal no vera sendt ut til alle medlemmer. Snylterar som ikkje betalte medlemskap i fjor, finn ein PDF-versjon i menyen til venstre.
      "Kjøp og Sal"-sida er også oppdatert med nokre nye annonser, bl.a. for utstyr frå Holten Motorsport.
      Ryktesida for rallycross er oppdatert med nokre "spionbilder" frå eit par garasjar. Sjå dei her ...

Vellukka funksjonærkurs
Funksjonærkursa som vart haldne i Haugesund vart greit avvikla. Det var 14 deltakerar på dommar/løpsledarkurset med Trond Bakkom som kurshaldar og 22 på teknisk kontrollantkurset med Paul Erik Broz som kurshaldar. 18 av dei 36 deltakerane var frå NMK Vikedal.

Lydhøre deltakerar på dommar/løpsledarkurset. 

Medlemskort 2005
Trykkeriet av medlemskort for sesongen 2005 har dessverre komme i skade for å gløyma den aller viktigaste informasjonen på medlemskorta som vart sendt ut før jul. Nye kort er på gong og bør vera i postkassen i midten av februar. Det gamle kortet (2004) gjeld inntil det nye kjem.

Værsting Cup 2005
Bilgruppa i NMK Vikedal har planar om å leggja Værsting cup på is ettersom interessa for den har vore liten. Istadenfor vil me inkludera bilcross senior i NMK Vikedal cup. Dersom det er stor interesse for å fortsetja med Værsting cup, vil me vurdera det på nytt. Ta då kontakt med Marius på e-post: bil@nmk-vikedal.net eller mob. 916 35 628.

Bilcross - ryktene florerer
Også innan bilcross florerer ryktene, og enkelte har vi fått bekrefta. Følg linken under, så får du vita meir om det som skjer og kanskje skjer.
-- Les meir --

Svært god påmelding til lisenskursa
Det er svært god påmelding til lisenskursa som går dei neste vekene. På bilcross junior kursa i Vikedal og Sauda er det tilsaman påmeldt 28 deltakerar, medan H-lisenskurset i Ølensvåg har 10 deltakerar.

Husk teknisk årskontroll for bil 19. februar
Som vi har informert om tidlegare blir det teknisk årskontroll for bil laurdag 19. februar. Kontrollane skjer hjå
    Suldal Billakkering i Sandeid kl. 09.00 - 13.00
    BTM på Norheim Næringspark kl. 09.00 og utover (i bygget til HM-Elektro)
Det vil bli tatt ei avgift på kr. 100,- pr. bil.
-- Tekniske tips og meir info. --

Kva skjer blant dei aktive i rallycross?
Om det var nokon som frykta for nedgong i antall aktive i rallycross i NMK Vikedal etter fjorårssesongen, så ser det ut til at det ikkje stemmer. Fleire har gått til innkjøp av nye bilar og kampen om plasseringane vert kanskje enno hardare i år. Svein Bjarte Holten er ein av dei som har skifta både bil og klasse.

Det er denne Volvo 240'en Svein Bjarte har henta i Sverige.

Les meir om Svein Bjarte, andre som har ny bil og andre rykter her ...

Kjør BC jr. trening frå det året du fyller 15 år
Bilsportforbundet har i år opna for at ungdom kan starta å kjøre treningar i bilcross jr. frå det året dei fyller 15 år. Frå det året ein fyller 16 får ein vanleg lisens og kan delta i løp. For å kunne kjøra treningar må ein delta på lisenskurs for bilcross jr. og løysa treningslisens. Sjekk lisenskursa og påmeldingsfristen her ...

Bruk det milde og dårlege været til å bli klar
Husk at første bilcrossløpet går allerede 13. mars. Det er vel kanskje ikkje alle som har oppvarma garasjar, og då kan det vera lurt å bruka dei milde kveldane med dårleg vær til noko nyttig. Gjer bilen sesongklar no istadenfor å venta til ein kald periode rett før årskontrollen. Hugs at det berre er ein måned igjen til årskontrollen 19. februar.

Mange nye annonser for bilcrossbilar og -deler
Endeleg er Kjøp & sal"-sida oppdatert. Mange bilar til sals og nokre som ønskjer å kjøpa. Ta ein kikk ved å følgja linken til venstre.

Julekortet for 2004 kan du sjå her ...

Funksjonærkurs 29. januar 2005
Vi har endeleg fått  Norges Bilsportforbund til å  halda kurs for nye jurymedlemmer, løpslederar og tekniske kontrollantar på Haugalandet. Kursa vert haldne i Haugesund laurdag 29. januar. Påmeldingsfristen er 12. januar.
-- Meir info. med kursplan --

Førarlisenskurs våren 2005
Det vert som vanleg halde lisenskurs for bilcross jr. og hastighetsløp i februar/mars. Sivert Ole Holten er kursleiar og kan gi meir informasjon.
-- Meir info. med kursplan --

Teknisk årskontroll bil 19. februar 2005
På grunn av tidleg sesongstart neste år, sjå arrangementslista på toppen av sida, må sesongførebuingane starta tilsvarande tidleg. Det er difor viktig at dei aktive er klar over at teknisk årskontroll vert så tidleg som 19. februar neste år.

Oppstart av ny sesong
Sesongen 2004 er no vel i hamn og årsmøtet avslutta. Komiteane og styret for sesongen 2005 har starta arbeidet med å laga enno betre tilbod og arrangement for aktive og publikum. All informasjon om sesongen 2004 er difor flytta over i arkivet for 2004. Du finn linkane til arkiva over i høgre hjørnet.

Tveit Regnskap 

Sandeid 
Cement A/S