I samband med Norgescup-runden i Vikedal 11. juni, er det kanskje ein del førerar og andre interesserte som lurer på korleis Vikedal Motorbane ser ut. For å støtta dette informasjonsbehovet har vi tatt litt bilder som vi håpar kan vera med å forklara litt om korleis det er på Vikedal Motorbane.

Når du kjem fram til banen kjem du på vegen bak gravemaskinen oppe i venstre hjørne. Bildet er tatt frå Låkafossen på motsatt side av dalen. I høgre hjørnet står sekretariatet/speakerbua og bak den sanitærbygget med toaletter og dusjar. Startplata er nede til høgre for speakerbua.

Då står vi klare på startplate og det er berre å venta til det raude lyset vert sløkt.

Vi er framme i første svingen som svingar drygt 90 grader til høgre. Det er kurbs i innersving og sandfelle i yttersving. Klarar du å kjøre over sandfella og vollen, kan du hamna i elva.

Så rettar vi bilen opp og gir på det vi har nedover langsida mot "Pieces-svingen".

Innbremsinga mot "Pieces-svingen", som er ein 180 graders sving, foregår stort sett på kald asfalt (grov).

God dosering i "Pieces-svingen" sjølv om det ikkje ser slik ut på bildet.


Utgangen av "Pieces" fram mot målsvingen.


Inngongen til målsvingen der innbremsinga er på grus.


Målpassering er like før asfaltkanten.


Like etter målpassering startar stigninga opp mot dommarsvingen som er ein 180 graders sving.


Det er forholdsvis bratt opp dommarsvingen.


Over bakketoppen og klar for nedoverbakken mot start. Har du vore ufin i kjøringa vil du kanskje sjå advarselflagg og startnummeret ditt til høgre her.


Rett sporval er viktig ned forbi start slik at bilen står rett når det vi kjem ut på grusen igjen ut på startlangsida.
I tillegg er det ei lit dump i asfalten som gir litt ekstra spenning.


Då er vi klar for ein ny runde. Start er rett til venstre på dette bildet.