Spennande før finalen i Vestlandsmesterskapet

Fleire av førerane i NMK Vikedal har muligheter til pallplasseringar samanlagt i Vestlandsmesterskapet 2005. Her er ein liten klassevis oversikt over mulighetene:

Supernasjonal:
Svein Bjarte Holten ligg på andreplass så langt i VM, men har mulighet til å gå heilt til topps. For at det skal skje må han vinna på Eikås. Han vil då få samme poengsum som Stian Haugan, dei vil ha same antal første- og andreplassar, men vil vinna ettersom han vinn finalen.


Svein Bjarte Holten i sin Volvo 240 i sesongopninga i Vikedal i april.

Rallycross Nasjonal over 2400 ccm:
Her er Steinar Stokke, NMK Bergen, klar som vinnar og Geir Harald Skeie vil ta andreplassen. Tredjeplassen skal Håvard Helland og Terje Steinnes kjempa om. Håvard har 3 poeng å gå på, men må stryka 7 poeng. Terje derimot kan leggja til alle poenga han får og har dermed i realiteten 4 poeng å gå på.


Geir Harald Skeie har allereie sikra seg andreplass i Vestlandsmesterskapet 2005.

Rallycross Nasjonal inntil 2400 ccm:
I denne klassen er alt ope før finalen-runden. 8 poeng skil dei fire første, John Vatland, NAF MS Gjesdal, Frode Fresvik, KNA Haugaland, Per Vidar Flesjå og Rune Lutsi. Best an ligg Rune Lutsi sjølv om han har minst poeng. Han har mindre løp enn dei andre og treng ikkje stryka løp. Per Vidar treng best resultat for å kunne komme på pall, men alt kan skje i denne klassen. Per Vidar skal kjøre Focusen til Holten Motorsport som han gjorde i Vikedal sist helg. Ein utfordrar i løpet vil bli Bjørn Magne Moland Enge. Han imponerte i Vikedal sist helg i Escorten til Per Vidar og kan kanskje blanda seg inn i finalane. I tillegg kjem det bilar frå Gol og Valdres som  kan vera utfordrarar til finaleplassane.

Rune Lutsi ligg bra an i Vestlandsmesterskapet framfor finalen. Nå har og den ny-innkjøpte bilen fått dei rette blå og kvite fargane til Østraadt Rør A/S

Bilcross junior:
Her er det Jens Idar Juel med 55 poeng som leiar framfor Anders Øye, NMK Bergen, med 48 poeng. Begge desse har allereie 3 teljande løp, og må forbedre desse for å auka poengsummane sine. Bak dei ligg Arnt Olav Lillesund, NMK Haugaland, med 34 poeng og berre 2 teljande løp så langt. Men Arnt Olav er ikkje påmeldt på Eikås og vil nok bli ståande med sine 34 poeng. Ein som i teorien kan nå heilt opp på andreplass er Aleksander Stople, men han må då bli nr. 2 eller vinna løpet. I tillegg må Anders Øye ikkje få meir enn 7 poeng.
Vinnaren får 5.000,- kr. i pengepremie, men i tillegg får dei neste 6 2.500,- kr. kvar. Her er det mange som kan sikra seg nokre kroner til neste års satsing. Ørjan Strand Eikeland, Joakim B. Hansen og Eirik Aasbøe har alle muligheter til ein plass blandt dei 7 beste som får pengepremiar.


Jens Idar Juel har hatt ein god sesong i sin Audi 80, og leiar Vestlandsmesterskapet for bilcross junior.

Løpet på Eikås startar kl. 11.00 og etter tidsplanen skal finalane starta kl. 15.30.