Nyheter frå 2002:
(dei siste nyhetene øverst)

Løp i 2002: 21. april:  2. runde i VM i Vikedal (RC/BC jr.)                    Sist oppdatert 21.10.02
                    8.-9. juni: Bilcross og rallycross nasj.  
                 Cupar: NMK Vikedal cup BC jr.
               
    29. juni:   Motormarked                                                      NMK Vikedal cup RC nasj.
                    30. juni:   Mestermøte (kun inv. deltakerar) 
                      Værstingcup i bilcross
                    25. august:  Bilcross, 3. runde i Værsting cup
                    14. sept.: Bakkeløp i Vikedal (4. runde i VM)                     Vestlandsmesterskapet
                    15. sept.: Rallycross (5. runde og finale i VM)
                    13. okt.: Finale i NMK Vikedal Cup (BC/RC nasj.)

Samarbeidspartnerar


Godt årsmøte og masse folk på jubileumsfesten
Årsmøte vart greitt avvikla sjølv om frammøte var litt dårlegare enn forventa (24 stk.). Bil- og MC-gruppa hadde adskilte møter før hovudmøtet starta etter lunsj. Hovudsaka vart nok diskusjonen om nytt bygg for kiosk, kjøkken, møterom, sekretariat og speaker. Styret skal jobba vidare med dette.
     Jubileumsfesten om kvelden vart særs vellukka med 60 deltakerar, god mat og god stemning. Kåre Lars Tveit hadde laga ein video med kavalkade frå nokre av dei første løpa som vart arrangert i Vikedal og dei siste. Ut frå dette kunne me sjå at utviklinga har vore stor, både på bane, fasilitetane rundt og bilane.

Me kjem tilbake med referat frå årsmøtet og kanskje nokre bilder litt seinare.

Bilcross-seksjonen er gjenoppretta i NBF
NBF har gjenoppretta BC-seksjonen. Den består nå av:
Finn Olaf Hauge (leiar) frå Kristiansand
Vera Bakke Andresen (nestleiar og ansatt i NBF) 
Paul E. Broz (seksjonsmedlem) frå Eiker
Seksjonen ønskjer å motta mailadresser fra alle BC-ansvarlige i dei respektive klubbane.
Denne kan mailes til fohauge@frisurf.no

Hugs årsmøte laurdag 16. november kl. 11.00
Vi håpar så mange som mogleg tek turen til Vikedal-Sæter på laurdag slik at styret og gruppene får god tilbakemelding kva medlemmene meiner. I år startar vi med gruppeårsmøter for bil og mc kl. 11.00 der det er forholdsvis ope kva som blir diskutert. Etter lunsj kl. 13.00 vert det fellesmøte for NMK Vikedal med dei vanlege postane.

Fullstendig årsmøteinnkalling (Acrobat-format,.pdf)

Hugs påmeldingsfristen til jubileumsfesten
Påmeldingsfristen for jubileumsfesten laurdag 16. november går ut måndag 4. november. Få med deg eit par andre og meld dykk på til Steinar Høyvik, tlf. 900 61073 eller e-post higre@online.no
Fullstendig invitasjon (Acrobat-format,.pdf)

Nye reglar for neste år er no klare
Dei justerte reglane for bilcross, rallycross og crosskart er no lagt ut på Bilsportforbundet sine nettsider. Du finn dei ved å følgja denne linken ...
Kort samandrag:
Støygrense på 100 dB på alle klassar (= grensa dei har hatt i Bergen)
Rallycross generelt:
- ny startprosedyre (tommel - raudt lys - 30 sek. - raudt lys slukkes - kjør)
Rallycross nasjonal:
- klassen blir delt, inntil og over 2400 ccm
- dekkreglementet vert ikkje endra
- drivaksling kan flyttast (bygga om frå fram- til bakhjulstrekk)
Bilcross:
- budet er auka frå 7.000,- til 8.000,- kr.
- forgassar: fritt
- krav om skvettlappar bak drivhjul
- maks. gjennomsnittshastighet 75 km/t (i dag 70 km/t)

Svein Bjarte nr. 2 på Bergen Travpark
I oppvisningsløpet på Bergen Travpark laurdag vart Svein Bjarte Holten nr. 2 etter Morten Hagen. Arne Linke vart nr. 3 og Eivind Opland nr. 4. Som kjent starta dei med minst motor først, medan dei sterkare bilane fekk 1 meter tillegg pr. ekstra hest i motoren.

Landsfinalen i bilcross til Uvdal i 2003
Styret i NMK har avgjort at landsfinalen i bilcross neste år går på Smådøla Motorsenter i Uvdal den 23. august. Smådøla Motorsenter ligg mellom Kongsberg og Geilo. NMK Bergen hadde og søkt, men måtte nøya seg med kval.løp den 9. august. NMK Vikedal fekk kval.løp. på 2 dagarsløpet 7.-8. juni. Det blir og mulighet til å kvalifisera seg på eit løp i Egersund.

Jubileumsfest laurdag 16. nov. 2002 kl. 20.00
NMK Vikedal arrangerar 20 års jubileumsfest på Vikedal-Sæter laurdag 16. nov. 2002 kl. 20.00. Festen er open for gamle og nye medlemmer, funksjonærar og ellers alle motorinteresserte. Menyen består av stor buffet med julamat.

Fullstendig invitasjon (Acrobat-format,.pdf)

Innkalling til årsmøte 16. nov. 2002 kl. 11.00
Innkallinga til årsmøtet er no postlagt, og skulle dermed vera i postkassen til alle medlemmer ein av dei første dagane. Nytt av året er at vi skal ha gruppeårsmøte for bil- og MC-gruppa før hovudårsmøtet startar kl. 13.00. Årsmøtet er ope for alle interesserte, men berre betalande medlemmer har stemmerett.

Fullstendig innkalling (Acrobat-format,.pdf)

Svein Bjarte Holten deltek i Opland-cup
Svein Bjarte Holten skal til Bergen Travpark og delta i Opland-cup laurdag 26. okt. Dette er oppvisningsløp som går på travbanen like nord for Eikås Motorsenter etter at travløpa er ferdig for dagen. Både Eivind Opland og Sverre Isachsen skal delta med sine div. 1 bilar. Løpet er spesielt ved at bilane startar med 1 m. tillegg for kvar hest dei har meir enn den med minst. Dermed startar Opland og Isachsen nesten 400 m. bak, og har 3 rundar (3000 m.) på å ta igjen dette. 

Langdrygt, men kjekt asfaltløp på Klepp
Asfaltløpet på Klepp i helga drog litt ut i tid, men deltakerane var svært tilfreds med eit nytt, annleis løp på tampen av sesongen. Det var litt rotete klasseinndeling, sidan nokre av rallycross nasjonal bilane deltok i special saloon og resten i rallycross nasjonal. Det blei og litt BC-fakter over kjøringa, sidan kurbsen på ein gokartbane er låg og dermed innbyr til kutting av svingane. Dette gjorde at det var dratt ut ein del grus og gras på ein allerede våt og glatt asfalt, slik at feste vart svært varierande. Men arrangøren skal ha ros for at det endeleg kom eit løpstibud på Nord-Jæren igjen. Vi håpar dei kjem igjen neste år, kanskje med litt justert opplegg, noko som sikkert dei fleste deltakerane og gjer.

Martin Tveit med Johannes Holten Leifsen på slep i ein innleiande omgong.

      Når det gjeld resultata var det berre deltakerar frå nordfylket i BC jr. Geir Harald Skeie vann framfor Terje Arild Bø og Roald Johan Saltvedt. I BC nådde ikkje våre heilt opp og vart ståande med "deltatt". Gisle Morten Hetland vann framfor John Vatland og Even Gjesdal. I rallycross nasjonal var det fam. Lutsi som tok dei beste plasseringane. Ørjan vann med Terje på andre og Ernst Roald på tredjeplass. Ernst Harald Holten Leifsen vart nr. 6, Ben Inge Hammer nr. 9 og Frode Johan Saltvedt nr. 11. I spesial saloon A vart Geir Skogøy nr. 6 og Frode Fresvik nr. 7 etter Jon Trygve Fjermestad. I spesial saloon B sette Eivind B. Nevland alle asfaltspesialistane på plass og vann suverent framfor Bjørn Henning Bøe. Tor H. Brynjelsen vart her nr. 6 etter litt problemer. I eit røvarheat til slutt vart Geir Skogøy nr. 2 bak Bjørn Henning Bøe i ein Toyota Supra.

Fullstendig resultatliste finn du her ...

Team Higre i arbeid under asfaltløpet. Jarle Lilleskog, bakerst, hadde ein tur på taket igjen. Denne gongen på andre sida enn sist slik at bilen no er nokolunde rett igjen.

Asfaltløp på Sola flystasjon 26.10
NMK Sandnes & Jæren skal arrangera eit asfaltløp på Sola flystasjon laurdag 26. oktober. Løpet er ope for bilcross, rallycross nasjonal og Spesial saloon. Siden løpet går på militært område, blir det kjørt utan publikum og ein må ha spesielt adgangsbevis for å koma inn. Tilleggsreglane finn du her ... (pdf-format)
For publikum vil vi minna om asfaltløpet på gokart-banen på Reve på Klepp søndag 20. oktober. Det er fri trening frå kl. 12.00 og tidskjøring frå kl. 12.45. Det vil vera fleire deltakerar frå NMK Vikedal, både i bilcross og rallycross-klassane.

Fyldig dekning av løpet i Stavanger Aftenblad
I Stavanger Aftenblad måndag 14/10 var det ein fyldig (3/4 side) reportasje frå løpet. Ein stor del av teksten kan du lesa ved å følgja denne linken ...

I tirsdagsutgåva kom det ei halv side om klubben og fleire bilder frå løpet. Ein notis om motocross-satsinga til neste år er lagt ut her ...

Frisk kjøring i finalen i NMK Vikedal Cup
Det vart kamp om plassane i alle klassane, og det var tydeleg at det for ein del var siste løpet i år. Johan Andrè Øverland vann bilcross junior, Per Gaute Østbø bilcross senior og Ørjan Lutsi rallycross nasjonal. Samanlagt i NMK Vikedal Cup vann Ragnvald K. Bjelland i bilcross junior og Nils Arve Helland i rallycross nasjonal.

Resultatlista for løpet finn du her ...

Samanlagt resultat i NMK Vikedal cup finn du her ...


Berre lokale heltar på seierspallen i NMK Vikedal Cup for rallycross nasjonal. Nils Arve Helland vann, framfor Ernst Harald Holten Leifsen (t.v.) og Øyvind Våge.

Oppdatert startliste for RALLYCROSS/BC  13. okt.  Sist oppdatert: 11.10.2002 kl. 14.10

Fin trening på onsdag
Alle fekk prøva bilane før løpet og dei aller fleste gjekk tilfredse heim. Unntaket var junioren Per Inge Sandvik som laga seg arbeid ved å ta ein runde på taket. Heldigvis er det haustferie, så han håpar å få bilen klar igjen til søndag.

Prøvekjøring/testing før løpet for medlemmer
Det blir prøvekjøring/testing av bilcross/rallycross-bilar onsdag 9. okt. kl. 17.00 -19.00 på Vikedal Motorbane for medlemmer i NMK Vikedal. Har du spørsmål kan du kontakta Svein Bjarte, 52767377(a) el. 98283791(mob.).

Pressemelding for løpet 13. oktober
Pressemeldinga og tidsplanen for løpet til helga er no lagt ut på arrangementsida. Du finn den her ...

Dugnad/medlemsmøte laurdag 5. oktober
Det blir årets siste (kanskje) fellesdugnad laurdag 5. oktober kl. 11.00. Arbeidet vil vera å gjera klart til løpet neste helg. Kl. 13.00 vert det "medlemsmøte" med samling rundt grautfatet, med diskusjon om opplegget for neste år, kva cupar vi skal ha osv. Vi håpar alle, både nye og gamle ansikter, møter opp og seier si meining.

Tilleggsreglane er lagt ut (Oppdatert 3/10 med dei siste funksjonærane)
Tilleggsreglane for løpet 13. oktober er nå lagt ut. Det manglar nokre navn på funksjonærar, men desse vil bli lagt inn så snart dei er klare. Følg linken over til løpet for å lesa dei.

Har rallycrossførerane gløymt seg ut?
Påmeldinga strøymer på, men det kan sjå ut til at rallycrossførerane har gløymt seg ut eller har dei gitt opp for i år? Førebels er det iallefall litt få av dei. Hugs at fristen går ut onsdag 2. oktober.

Hugs påmelding til siste løp i Vikedal
Påmeldingsfristen for siste løpet i Vikedal i år og finalen i NMK Vikedal Cup, går ut onsdag 2. oktober. Det er allerede kome inn ein del påmeldingar som er tatt med i startlista, men vi reknar med at det kjem fleire.

-- Foreløpig startliste --

Påmelding og kontaktperson til løpet på Reve 20/10.
Det har komme invitasjon til løp på Reve Gokartbane på Klepp:
"KNA Klepp Karting Klubb i samarbeid med KNA Stavanger har gleden av å innby til asfalt racing på Reve søndag 20. oktober i følgende klasser:
Bilcross jr., bilcross, Rallycross Nasjonal, Spesial Saloon A og B, Oppvisning

Banen på Reve har i løpet av året fått to nye traseer, en for Go-kart og en for bil. Det vil bli kjørt Kelly`s Cup Spesialsaloon A og B over to heat med premiering til de 5 beste i hver klasse sammenlagt.

Tilleggsregler vil bli sendt til alle påmeldte. Startavgift inkl. forsikring og trening er satt til: 
        Bilcross : 450.-
        Rallycross Nasjonal : 550.-
        Spesial Saloon A & B : 750.-

Påmelding sendes til:

Stein Kjetil Høiland
, Myrvegen 26, 4352 Kleppe         Fax: 51639310
Eventuelle spørsmål til mob.tlf. 90563860 eller e-post: skh@rafoss.no"

Det står ikkje her, men i.h.t. NSR 603 pkt. 3.3 skal juniorer aldri betala meir enn 50% av startkontingenten til seniorane, i dette tilfelle kr. 225,-. Interesserte bør ta kontakt for å få avklart dette samt korleis dei har tenkt å kjøra, ant. omgangar, rundar osv.

Gisle Morten Hetland nr. 3 i Sør-Vest cup også
Etter løpet på Eikås fortsatte Gisle Morten Hetland, NAF MS Gjesdal, nesten direkte til Kvinesdal for å kjøra finalen i Sør Vest cup der på søndagen. Det gjekk ikkje fullt så bra som i Bergen, og han fall ned fra 2. til 3. plass i samandraget. Det var Espen Kerim, NMK Konsmo, som vann bilcrossklassen samanlagt. Lars Reidar Frøyland, som vart nr. 13 på sist løp i Egersund, vart nr. 55 i cupen og Jarle Lilleskog kom på delt 91. plass, som dei einaste deltakarane frå NMK Vikedal.
      Ernst Atle Larsen frå NMK Konsmo, som vann siste løpet i Vestlandsmesterskapet og vart nr. 2 i bakkeløpet, vann Sør Vest cup for rallycross nasjonal.
-- Fullstendig resultatliste i Sør Vest cup --

Nye bilar i bilcross
Vidar Miljeteig var heldig med budet i Bergen etter at Golfen hans vart seld til ein bergensar i Vikedal i august. Han hadde bud på, og fekk tilslaget på, Golfen til Sindre Seterstøl, NMK Bergen, som kom på 5. plass. I tillegg er det komne 2 "nye" bilar til Ølen, men om dei vil debutera i det siste løpet for sesongen er uvisst.

Øyvind Eikeland hadde full kontroll på Værsting Cup
Øyvind Eikeland hadde full kontroll på Værsting Cup etter full pott i dei innleiande omgangane på Eikås Motorsenter i Bergen på laurdag. Korkje Dag Solbakken og Kjell Askeland kom til finalane, og dermed var det eigentleg berre Per Arne Blindheim frå Bergen som kunne truga samanlagtseieren til Øyvind. Med 6 poeng å gå på måtte Blindheim vinna og Øyvind ikkje bli betre enn nr. 4 for at det skulle glippe for Øyvind. Det vart litt spenning i ein sving når Øyvind var langt ute, men han klarte å halda Blindheim bak seg og trygga samanlagtseieren inn til mål med å sikra seg 4. plass. Per Ole Kolterud, NMK Fluberg, vann løpet i Bergen. 

-- Les meir om det som skjedde her (oppdatert 23.09.02) --
-- Sluttstillinga i Værsting Cup 2002 --


Øyvind Eikeland på toppen som vinnar av Værsting Cup 2002. T.v. nr. 2, Per Arne Blindheim og t.h. nr. 3, Gisle Morten Hetland.

Gisle Morten Hetland er påmeld i Bergen
Gisle Morten Hetland har ikkje gitt opp håpet om ein plass på pallen i Værsting Cup, og er påmeld til løpet i Bergen til helga. Det er også over 70 andre, så her vert det mange tette kampar om finaleplassane. 
       I supernasjonal skal Svein Bjarte Holten kjempa m.a. med kona til Åge Bakkerud trur vi og mekanikaren til Tommy Bakkerud. Dermed bør det vel vera håp om den første seieren med Focus-en.

Vi håpar å kunna leggja ut resultatene her på søndag. 

Finalen i Værsting cup og distriktsmesterskap i bilcross på Eikås lørdag 21. sept.
Den avgjerande finalen i Værsting cup i bilcross nærmar seg, og nervane byrjar nok å komma til dei som ligg heilt i toppen så langt. Øyvind Eikeland leiar med 45 poeng, 6 poeng framfor Per Arne Blindheim frå NMK Bergen. Ytterligare 9 poeng bak ligg Dag Solbakken frå NMK Bergen. Det er nok mellom desse kampen om det gjevaste trofeet står. Gisle Morten Hetland, NAF MS Gjesdal, med 29 poeng har og ein teoretisk sjanse, men det er vel tvilsomt om han tar turen til Bergen. Dei neste av våre førerar er Martin Tveit som har 18 poeng, Arild Riise og Lars Reidar Frøyland som har 17 poeng og Per Gaute Østbø  med 16 poeng. Dersom dei har masse flaks kan alle desse vera med å slost om tredjeplass samanlagt, men dei er avhengig av at fleire framfor dei mislykkast totalt.
        Vi ynskjer alle lykke til, og håpar mange tek turen til Eikås for å støtta Øyvind i kampen om tittelen. 1. omgang tek til allereie kl. 10.00, så det gjeld å stå tidleg opp.

Stillinga i Værsting cup før finalen ..

Asfaltløp på Reve den 20. oktober
Det vert jobba med å få til eit asfaltløp på Reve søndag 20. oktober. Det vil vera ope for racing, rallycross og bilcross inkl. jr. dersom det er nok interesserte. Opplegget vert nokolunde likt som i fjor. Interesserte kan kontakta KNA Klepp v/Gisle Kverneland, mob. 95107989, eller KNA Stavanger v/Stein Kjetil Høiland, mob. 90563860.

Bilde av banen etter ombygging ..

Stolte klassevinnerar i Vestlandsmesterskapet

Her er dei stolte vinnerane av Vestlandsmesterskapet 2002, f.v. Eivind B. Nevland, NMK Egersund, i supernasjonal o/2000 ccm, Ørjan Lutsi, NAF Motorsport Gjesdal, i rallycross nasjonal og Tommy Bakkerud, KNA Bergen, i supernasjonal u/2000 ccm. Om dei ser litt våte ut, så er det pga. den obligatoriske champange-dusjen (alkoholfri) under premieutdelinga.

Les meir om og sjå fleire bilder frå løpet i pressemeldinga her ...

Fartsfylt og spennande avslutning
Det vart ein fartsfylt og spennande avslutning på Vestlandsmesterskapet. 

Resultata finn du her ...
Uoffisiell sluttstilling i Vestlandsmesterskapet finn du her ...
(det kan vera feil litt nede i lista)
Oppdatert stilling i NMK Vikedal cup finn du her ...

Fortsatt spenning i Vestlandsmesterskapet
Ingenting er avgjort i Vestlandsmesterskapet sjølv om favorittane Ørjan Lutsi (RC Nasjonal), Tommy Bakkerud (Super u/2000) og Stian Haugan (Super o/2000) slo til og vann sine klassar i bakkeløpet laurdag.

Resultata frå bakkeløpet finn du her ...
Stillinga i Vestlandsmesterskapet før finalen finn du her ...

Oppdatert startliste for Bakkeløp 14. september         Sist oppdatert: 13.09.2002 kl. 10.30

Oppdatert startliste for RALLYCROSS/BC jr. 15. sept.  Sist oppdatert: 15.09.2002 kl. 08.00


Hjerteleg velkommen til VM-finalen i helga.
Vi nyttar sjansen og ynskjer alle hjerteleg velkomne til den spennande VM-finalen på Vikedal Motorbane i helga. Alle dei beste førerane er påmelde, slik at det blir spennande både for publikum og dei aktive.
Tidsplan for helga:
Laurdag:    kl. 13.00  1. kval. omgang Bakkeløp
                kl. 14.20  2. kval. omgang
                kl. 15.40  Prefinale
                kl. 16.30  Finale
                kl. 17.25  Premieutdeling
Søndag:    kl. 10.15  Trening, BC jr.
                kl. 10.25  Trening, RC
                kl. 11.00-12.00  Kyrkjepause
                kl. 12.30  1. omgang
                kl. 13.30  2. omgang
                kl. 14.30  3. omgang
                kl. 15.35  Finalar
                kl. 16.35  Premieutdeling

--- Les meir her ---

2 "higrar" på BC-løp i Egersund
--- Les meir her --- 

Finalen i Vestlandsmesterskapet
Spenning og topp deltaking
Det blir topp deltaking når NMK Vikedal til helga arrangerer fjerde runde og finalen i Vestlandsmesterskapet. Over 40 deltakarar er påmeldt i dei tre rallycrossklassane, med Tommy Bakkerud og Eivind B. Nevland i spissen.

--- Les heile pressemeldinga her ---


Dette var noko av det Tommy Bakkerud kunne vise fram på Vikedal Motorbane i vår. Det blir nok fleire godbitar for publikum til helga.



Dugnad onsdag 11. september kl. 18.00
Det er ein god del arbeid som skal gjerast før løpa til helga. Alle aktive vert difor oppmoda om å stilla på dugnad onsdag 11. sept. frå kl. 18 og utover til det vert mørkt. Ting som skal gjerast:
- fjerning av busk og kratt
- steinplukking
- reingjering
Dei som har tilgong på motorisert ljå, motorsag, greinsaks o.l. må ta med dette.
Det hadde vore fint om det kom nokre nye folk på dugnadane, fordi det har stort sett vore den same vesle gjengen som har delteke tidlegare i år.

Sosiale aktiviteter i samband med VM-rundane.
I samarbeid med Vikedal-Sæter planlegg vi ei samling laurdag kveld med middag og litt presentasjon av Vestlandsmesterskapet, det som har skjedd i år og kanskje litt om neste år. Tidspunktet kjem vi tilbake til på førarmøtet, men mellom 7 og 8 er mest sannsynleg. Denne samlinga er open for alle interesserte, førerar, mekanikerar, funksjonærar osv. Sidan det er snakk om middag og vanskeleg å seia kor mange som kjem, må Vikedal-Sæter ha bestilling på førehand slik at dei har nok mat å tilby.
Menyen er :      Strutsegryte m/dessert og kaffi      Pris: kr. 160,- pr. pers.
                       Vikedal-Sæter har skjenkeløyve, men vi håpar at alle begrensar inntaket.
Påmelding til Vikedal-Sæter innan torsdag 12. sept. på tlf. 52760590, telefaks 52768806 eller e-post vikedal-seter@c2i.net 

Behov for aktivitetsleiarar i knattecross!
Me har fått eit problem ang. utdanning av aktivitetsledere for knattecrossen. Det viser seg at fleire av dei som var oppsett til å ta dette kurset, ikkje får anledning/mulighet allikevel. Det er eit krav at ungar i aldersgruppa 5-12 år skal ha ein barne-aktivitetsleiar til stades under trening.
-- Les meir --

H-Lisens kurs  
Det blir arrangert H-lisenskurs (rallycross, bakkeløp, asfaltracing) på Vikedal Motorbane laurdag 7. september kl 11.00.
For dei som ikkje har køyrt seks bilcrossløp og difor ta den praktiske delen, blir den kjørt på banen ca kl 15.00. Kun godkjente H-løpsbilar kan nyttast, og kun to deltakarar pr. løpsbil.  Kursavgift kr 500,- for teoridelen, + 300,- for den praktiske delen.

Påmelding innan 3. september til og nærare opplysningar får de ved å kontakte Sivert Ole Holten på
sivert.ole@holtenmedia.no eller 90547433

Oppdatert informasjon om motocrosstreningane
Oppdatert informasjon om motocrosstreningane i haust finn de no under "Treningar" i menyen til venstre.


Informasjonsida for bakkeløpet og rallycrossløpet er klar

Ved
å følgja linken på toppen (Neste arr.> 14. septem ....) kan du no finna informasjon (innbydelse, tidsplan, tilleggsreglar, foreløpig startliste osv.) om avslutningsløpa i Vestlandsmesterskapet. Startlista vert fortløpande oppdatert etter kvart som påmeldingane strøymer på. 
   Hugs påmeldingsfristen som er onsdag 4. september (poststempla/sendt e-post).

NB! I tilleggsreglane står det at det vert kravd kombinert vognlisens for rallybilar. Dette er ikkje rett. Bilar med reine rallylisensar kan og delta.


Terje Heggøy sin Volvo fekk hard medfart på NM-runden i Bergen. Den har no fått ny front og nærmar seg klar for finalen i VM. På den 2. VM-runden i Vikedal som dette bildet er frå, kjørte han svært bra lenge, men var uheldig i finalen og vart nr. 5.

Strålande vær og glade vinnerar på bilcrossløpet
Sjølv om meteorologane truga med tordenbyger kom søndagen med strålande vær som heldt seg heile dagen. Det vart vist mykje frisk kjøring, og til slutt var det Stian Tysnes (jr.) og Per Arne Blindheim (sr.) som vann. Per Arne rykte dermed opp på 2. plass i samandraget i Værsting cup, medan Øyvind Eikeland leiar etter at han vart nr. 3. Både Kjell Askeland og Dag Solbakken (nr. 5 i landsfinalen dagen før) fekk tekniske problemer og vart utan poeng.

Komplett resultatliste finn du her ...

Stillinga i Værsting Cup ligg her ...

Pressemelding etter løpet ...

Debutantane vart nr. 23 og 16 på Karlskoga i Sverige
(Oppdatert 28.08.02 med bl.a. linkar:)
Debutantane V&S Volvo Racing debuterte med 23. plass (av totalt 34 deltakerar) i 3 timars racingløpet på Karlskoga på laurdag. Dei vart nr. 6 i sin klasse. Søndag gjekk det enno betre i 8 timarsløpet der dei vart nr. 16 totalt (av 38) og nr. 6 i sin klasse. Du kan sjå bilde av dei i aksjon her... og her...

Fullstendige resultatlister:         3 t. løp laurdag 24/8
                                              8 t. løp søndag 25/8

Du kan lesa meir om langdistanseløpa på http://www.slc.se

Oppdatert startliste for BILCROSS 25. august          Sist oppdatert: 23.08.2002 kl. 13.40

Video-opptak av VM-rundane i fjor

Alle VM-rundane i fjor vart filma av VETV Produksjon og desse filmane er no tilsals. Kvar video dekkjer ein VM-runde, og består av 75-80 min. action. Meir info. om prisar og bestilling finn du på VM sine web-sider her: http://www.vestlandsmesterskapet.no/2001video.htm

 

Treg påmelding til bilcrossløpet, men no ser det bra ut
Det har vore litt treg påmelding til bilcrossløpet den 25. august, men nokre purringar har hjelpt på slik at det no vert bra startfelt både i junior- og seniorklassen.

NMK Vikedal medlemmer til Sverige på asfalt-løp
2 bilar med NMK Vikedal førerar skal til helga kjøre 3-timars løp på Karlskoga i Sverige. Den eine er denne Volvo S40'en som Jarle Velde står ved sida av. Han skal kjøra den i Team V&S Volvo Racing saman med brødrene Gunnar og Jon Inge Søvold, alle frå Aksdal.

I tillegg går det rykter om at Ben Inge Hammer skal debutera med sin Mercedes 190 i dette løpet, men vi har ikkje fått dette bekrefta enno.

Vellukka NM-runde i rallycross i Bergen
Arrangøren NMK Bergen kom godt frå NM-runden som vart arrangert på Eikås Motorsenter sist helg. For våre 3 deltakerar gjekk det ikkje heilt som dei håpa. I den mellomste klassen vart Leif Roald Bjelland nr. 18 og Ernst Harald Holten Leifsen nr. 19. Terje Heggøy vart nr. 17, etter ein skikkelg smell i 2. omgang og dermed 3. omgang med skjeiv forstilling. Resultater og bilder, m.a. av Leif Roald på 2 hjul, finn du på www.nmk.no/bergen

Bakkeløpet på Fitjar er flytta til Vikedal
Bakkeløpet som skulle gått på Fitjar den 29. sept. er flytta til Vikedal og går den 14. sept. Dermed vert Vestlandsmesterskapet avslutta med ein dobbeltrunde i Vikedal i år. Vi kjem tilbake med meir opplysningar om dette litt seinare.

Vi beklager sterkt at sidene har vore nede sidan juni
Vi kan berre beklaga at desse sidene har vore meir eller mindre utilgjengelige frå slutten av juni til i dag, tirsdag 20. august. Først var problemet ein ustabil server i USA. Etter det har det vore problemer med å få navneoppslag mot www.nmk-vikedal.net. Ferietid har gjort at dette har tatt urimeleg lang tid å få fiksa. Til slutt gjekk vi lei og bytta til ein annan leverandør. Sidene vil etterkvart bli oppdatert med ny informasjon. Stay tuned!!

NMK Vikedal feirar 20 år med ..
Motormarked og Mestermøte
NMK Vikedal kan i år sjå tilbake på sine første 20 år. Våren 1982 vart det første spadestikket tatt på det som etterkvart skulle bli Vikedal Motorbane og i november same året vart klubben NMK Vikedal offisielt stifta. I jubileumsåret 2002 er det lagt opp til eit tett program med Motormarked og Mestermøte siste helga i juni som sjølve bursdagsfeiringa.
Her kan du lese alt om :
       Vikedal Motormarked lørdag 29. juni         S
ist oppdatert: 28.06.2002
                    Jubileumsintervju med leiar Steinar Høyvik
                    Mekonomen stiller
                    Denne Ferrarien kjem, kjem du med din spesielle bil?
                    Suldal Billakkering tømer hyllene
                    Motocross i framgong
                   
Bra med Motormarked, meiner Ingvard Vaka
                    Knattecross populært
                    Byggjer bilcrossbil på Motormarkedet.  Liten tjuvstart allerede.  (oppdatert)
                    Ølen Bilsenter kjem, kjem du ...
                    Ein gamal BMW M5 kjem og til Vikedal Motormarked

       Mestermøtet 2002 søndag 30. juni                Sist oppdatert: 18.06.2002
               Gamle heltar rir igjen
               Tett i bilcross junior

       Startliste for mestermøtet           Sist oppdatert: 26.06.2002

 
NM-runden i Kristiansand
Terje Heggøy einaste deltakar frå NMK Vikedal
Terje Heggøy var einaste deltakar frå NMK Vikedal i NM-runden i rallycross på Ruglandsbanen ved Kristiansand i helga. I sin beste omgang hadde han 12. beste tid, men saman med 19. beste tid var ikkje det nok til finaleplass. Han vart til slutt nr. 18. Det var Terje Morstad i BMW M3 som vann den største klassen, framfor Eivind B. Nevland i sin Volvo 940. Det er no veldig tett samanlagt i NM før neste runde som går på Eikås Motorsenter i Bergen 17. - 18. august. Det er 3 førerar med 32 poeng, Terje Morstad NMK Hadeland, Eivind B. Nevland NMK Egersund, Lars Jonsson MK Finnskoga, og rett bak ligg Mindor Lien, NAF Kristiansund, med 30 poeng.
          I den mellomste klassen står som kjent Svein Bjarte Holten utan motor og når Leif Roald Bjelland skulle i 70 årsdag til faren, vart det ingen deltakerar frå NMK Vikedal. Det vart eit reint sørlandsoppgjer i denne klassen. Tom Daniel Tånevik i Peugeot 306 vann framfor Pelle Erland i Mazda RX-7, begge frå NMK Konsmo, og Kurt Inge Espeland i Escort frå KNA Arendal. Tommy Sølvberg, NAF Nordfjord, Tommy Bakkerud, KNA Bergen og Stein Svardal, NMK Konsmo, følgde på dei neste plassane. Tånevik leiar no NM med 33 poeng, eitt poeng framfor Espeland. Sølvberg ligg på 3. med 24 og Svardal på 4. med 23 poeng. Herbjørn C. Haug ligg på 5. med sine 20 poeng etter seieren på Lyngås, etter at sørlandsturen enda med 0 poeng for hans del.
Fullstendige resultatlister kan du finne f.eks. under www.voieracing.com og videoklipp finn du under www.wrc.no 

Vikedal Motormarked:
Mekonomen stiller
Den ny-opna bilutstyrsbutikken Mekonomen i Hemingstadvegen i Haugesund stiller på Vikedal Motormarked, og butikksjef Terje Solberg (bildet) seier at det også kan hende at dei blir over til søndagen og Mestermøtet.
- Ja, me ser svært positivt på dette arrangementet og vil gjerne vere med å støtte opp under noko som verkar interessant. I tillegg til at Mekonomen riggar opp eit telt under motormarkedet og flyttar delar av butikken inn til Vikedal, kjem dei òg til å ha gode tilbod under markedet.
- Ja, me kjem til å ha nokre godbitar som det kan vere verdt å ta ein tur til Vikedal Motormarked for å få tak i, seier Terje Solberg. Så følg med på www.nmk-vikedal.net slik at du får med deg tilboda når Mekonomen har desse klar.

 

Planlegginga i full gang
Planlegginga av Vikedal Motormarked og Mestermøtet 2002 er i full gang, og for hovudstyret som har tatt på seg ansvaret for begge arrangementa er det ikkje meir enn tida og vegen for å få arrangementa på plass.
     Det er behov for vakter både under Motormarkedet på laurdag 29. juni og Mestermøtet søndag 30. juni, så har du lyst og anledning til å hjelpe til med 20 års jubileumsarrangementa er det berre å ta kontakt med sivert.holten@billisten.no eller ringe same mann på tlf. 90547433 så registrerer vi deg på vaktlistene.

Foreløpig startliste på mestermøtet finn du her...

Etterlysning
Under løpet i går, søndag, vart ein svart Golf som stod parkert ved vegkrysset forbi depot påkjørt. Det er skader på venstre dør, og ut frå skadene kan det sjå ut som om det er ein tilhengar som har vore borti. Eigaren etterlyser syndaren eller nokon som kan ha sett noko til dette. Bileigaren kan kontaktast på tlf. 98698831 eller 52760173 e. kl. 17.00.


Øyvind Eikeland vann i bilcross-klassen, men mista bilen
Øyvind Eikeland vann dagens runde i Værsting cup i bilcross. Rikard Særsten vann bilcross junior, medan Leif Roald Bjelland vann rallycross nasjonal klassen med sin supernasjonal bil. Stillingane i Værsting cup og NMK Vikedal cup finn du ved å følgja linkane over.

Resultater bilcross

Resultater rallycross

Varm første dag av bilcross/rallycrossstemne
Det vart ein varm dag for dei aktive i Vikedal i dag laurdag. Største skuffelsen for publikum var at Oldsmobilen svikta presidenten i Hylkje Rasarlag, slik at det ikkje vart noko kjøring i dag.

Resultat så langt i bilcross

Resultat så langt i rallycross

Oppdatert startliste for BC/RCN 8.-9. juni          Sist oppdatert: 07.06.2002 kl. 15.00

Betre sanitærforhold
Representantar frå Team Higre kom under dugnaden onsdag kveld opp med ein løysning for å betra sanitærforholda. Undermottoet "Alltid beredt" har de her fått kombinert og utnyttet ressursene optimalt. Om det er dei sjølve eller andre som vil ha desse kombinerte behova ville dei ikkje ut med.

Pressemelding og tidsplan for BC/RCN 8.-9. juni
Pressemelding og tidsplan er no lagt ut på sida for løpet til helga (8.-9. juni).
Les meir her ..

Dugnad på onsdag 5. juni
Det er fortsatt ein del som skal gjerast før løpet til helga. Det vert difor dugnad onsdag kveld frå kl. 17.00. Alle vert oppfordra om å møta. Ta med grasklyppar, motorisert ljå, spade, rive og masse arbeidslyst.

Leif Roald Bjelland kjempefornøyd med resultatet
Det var Leif Roald som hadde mest grunn til å jubla etter at finalane var i mål på Lyngås. 10. plass var godt over det han håpa på før start.
Les meir her ..

Resultatliste for dei 2 største klassane

Sjekk og videoklippa på www.wrc.no. Dagens stunt på lørdag er Morten Hagen som køyrer startsvingen på 2 hjul.

Blanda start på NM-runden på Lyngås for våre medlemmer
Reportasjen om første dag er flytta inn i den nye reportasjen.
Les meir her ..

5 deltakerar frå NMK Vikedal i den første NM-runden
Alle våre aktive i supernasjonal + Ernst Harald Holten Leifsen stiller til start i den første NM-runden i rallycross på Lyngås til helga. Startlista og resultater vil du finna på NMK Drammen sine internett-sider som du finn her (velg "Nasjonale løp" i menyen til venstre). Vi håpar også og kunna gi ei oppdatering på denne sida kva som skjer med våre deltakerar, så følg med. Mest oppdatert på resultatene blir sannsynlegvis www.voieracing.com. Gå inn på "Live!" i menyen til venstre og velg "Drammen".
     Det er over 100 påmeldte til løpet som går laurdag 1. og søndag 2. juni. Det vert kjørt 2 omgangar på laurdag og 3. omgang og finalar på søndag. Dersom du har lyst til å sjå masse frisk kjøring bør du absolutt ta turen til Lyngås i helga. Tidsplan finn du og på internettsidene til NMK Drammen.

Påmeldingsfristen til neste løp går ut på onsdag
Dei som ønskjer å delta i 2-dagarsløpet i bilcross og rallycross nasjonal den 8. og 9. juni, må senda påmelding så snart som mulig for å unngå etteranmeldingsgebyr (kr. 500,-). Siste frist for påmelding er onsdag 29. mai. Alle som er registrert påmeldt via internett står på den foreløpige startlista. Påmeldingar pr. post fram t.o.m. 20. mai er og med på denne lista.
Vi minner og om at siste treninga før løpet går onsdag kveld, 29. mai, med påmelding til Geir Utaaker, tlf. 977 63354, seinast tirsdag.
Foreløpig startliste 8.-9. juni

Pressemelding frå Vestlandsmesterskapet:
Tettare i samandraget

Det blei ein forrykande tredje runde i Vestlandsmesterskapet. I begge supernasjonalklassane tetnar det til i samandraget, og fleire av favorittane fekk problemer i finalane. Det gjorde derimot ikkje Lennart Vetås, Åge Bakkerud og Terje Steinnes.
Les meir her ..

Våt og langdryg VM-runde i Bergen
3. runde i VM og 1. runde i Værsting cup i bilcross gjekk på Eikås Motorsenter i Bergen på laurdag. Resultata gjer at det er blitt enno tettare i teten i alle klassane i VM. Av NMK Vikedal sine medlemmer var det Team Steinnes som gjorde det best med dobbeltseier til Geir Harald Skeie i bilcross junior og Terje Steinnes i rallycross nasjonal.

Terje Steinnes og Geir Harald Skeie var godt fornøgd med klasse-seierane i Bergen.

Med nærmare 150 deltakerar vart det eit langt stemne med kjøring frå kl. 10.30 til siste finale var i mål kl. 19.15.

Les reportasje om og resultatene i bilcross her.
Les reportasje om og resultatene i rallycross her.
Uoffisiell VM-stilling etter 3 rundar
Stillinga i Værsting cup i bilcross

Spennande før 3. runde i VM i Bergen 25. mai
Det er tett i teten i dei fleste klassane i Vestlandsmesterskapet etter 2 rundar. Etter det vi veit er dei fleste påmeldt og stiller til start på Eikås på laurdag. Vinnaren i rallycross nasjonal i Vikedal, Øyvind Tveit, stiller dessverre ikkje, fordi det vart oppdaga feil på topplokket etter løpet. Dette har han dessverre ikkje fått ordna enno, men han kjem forhåpentlegvis sterkt tilbake. Terje Steinnes har fått fiksa bakstillinga, og Svein Bjarte har bytta frå innsprøytning til forgasserar. Begge har testa litt på treningar etter løpet, men det vert nok ein siste sjekk på treninga onsdag kveld (22/5). Du kan lesa meir om stillinga i VM i pressemeldinga her ...

      For mange av bilcross-førerane vert det sesongopning i Bergen. Det er manga som har jobba flittig i garasjen i vinter og ikkje minst i vår. Siste rapportane går ut på at Øyvind Eikeland, som dominerte i fjor, slit med å få bobla til å gå og har tilkalla ekstern assistanse. Fleire av dei andre har vore på treningane og testa, og det går iallefall ikkje seinare enn i fjor.

Vi håpar at flest mogleg tek turen til Eikås og heiar på medlemmene våre. Du finn meir informasjon om Eikås Motorsenter og løpet på heimesidene deira her. For dei som ikkje har høve til det, vil vi prøva å ha klar eit lite referat på web-sida her seinast dagen etter løpet som går på laurdag.

Ny ekstra trening laurdag 18. mai
Det blir ei ekstra trening laurdag 18. mai. Frammøte seinast kl. 11.00 som vanleg, med litt dugnadsarbeid først. Start trening kl. 14.00 med avslutning ca. kl. 16.00. Kontaktperson: Audun Gaard, tlf. 976 53450.

Motocross-treningane er no i rute
Det vert no arrangert motocross-trening kvar laurdag kl. 12.00 - 15.00 framover. I tillegg kan det etter avtale med aktivitetsleiar trenast onsdagar kl. 18.00 - 20.00. På grunn av andre arrangement vert det ikkje treningar laurdag 8. juni og laurdag 29. juni. Liste over aktivitetsleiarar finn du under linken "Treningar" i kolonna til venstre.

Ekstra trening laurdag 4. mai
Det blir ei ekstra trening laurdag 4. mai. Frammøte seinast kl. 11.00 som vanleg, med litt dugnadsarbeid først. Start trening kl. 14.00 med avslutning ca. kl. 16.00. Kontaktperson: Svein Bjarte Holten, tlf. 98283791.
Pga. det korte varselet oppmodar vi alle om å spre dette vidare.

Påmelding til løp 25. mai i Bergen
Det var 94 deltakerar på løpet i Bergen i helga, så det kan bli begrensningar på deltakarantalet i neste løp. Vi oppfordrar dermed dei som har tenkt seg nordover til å melda seg på så snart som mulig. Løpet er 3. runde i Vestlandsmesterskapet og 1. runde i Værsting Cup i bilcross senior.
Påmeldingane skal sendast til : NMK Bergen, Postboks 45, 5871 Nyborg. Det er ikkje etablert internettpåmelding enno. Dei som manglar kort kan skriva ut dette, eller ta kontakt med ein i bilgruppa for å få tilsendt kort.

Rapport frå bilcross/rallycross nasjonal i Bergen
"Team Higre hadde for å roa nervene, sendt Lars Reidar til Bergen forkleddt som publikum, for å sjekka forholda der. Tilhøva er møkje likt i fjor, adle boblene er ikkje spiker ennå, halve A-finalen, Asconaen til Mjåtveit går styggfort, motoren til Ove gav seg på startplata, men lova å komma grusomt tilbake (som vanleg), Presidenten hadde laga et nytt drog, som me ikke har heilt klarhet i ka e. Ellers går det rykter om møkje "olme" Nasjonalbilar, Hylkjegjengen helsar, og ser fram te dyst 25. mai."

Steinar Stokke i VW vann, framfor Finn Endre Skår, VW, og Per Arne Blindheim, Opel. Fleire resultater finn du på Endre Nilsens Motorsportsider. Det kjem vel etterkvart litt informasjon på Hylkje Rasarlag sine sider og, men som på banen er dei litt trege av seg.
Jostein Hannisdal, frå Valestrandsfossen, var einaste deltakar frå NMK Vikedal ifølge startlista.

Rolf Andrè Eilertsen ved godt mot etter armbruddet
Rolf Andrè Eilertsen er ved godt mot etter armbruddet i finalen i bilcross jr. på søndag. Han er allerede påmeldt til neste løp og bilen er og klar. Gipsen, frå fingarne til skuldra, skal etter planen fjernast rett etter pinse, og då er det fortsatt 2 veker igjen til 2-dagars løpet 8. og 9. juni. Vi ønskjer han god bedring og lykke til i neste løp.

Referat frå sesongopninga i Vikedal
Her er endeleg referatet frå sesongopninga i Vikedal.
Les meir ...  (oppdatert 29/4 med bilde av dei 3 beste i BC jr.)

Uoffisiell stilling i VM
Uoffisiell stilling i VM finn du her ...

Pressemelding etter løpet i helga
Pressemeldinga frå Vestlandsmesterskapet med bilder er no lagt ut på web-sida for løpet. Følg linken på toppen av sida (Neste arr.: 21. april .....) eller denne ...

Kjempeløp i Vikedal i dag
Masse publikum og spennande duellar i Vikedal i 2. runde i Vestlandsmesterskapet i dag. Reportasje kjem litt seinare.

Resultatene finn du her ...

Sluttspurten pågår for mekanikerane
Det er ein del rallycrossførerar som er seint ute med klargjering av bilane, men no ser det ut til å ordna seg for dei fleste. Holten Motorsport er klar med Escorten som Ernst Harald Holten Leifsen skal kjøra, og motoren i Svein Bjarte Holten sin Focus er vel og komen på rett plass i bilen i dag. Leif Roald Bjelland hadde hatt sin nye motor varm på tirsdag. Terje Steinnes har fått på plass sin overhalte motor, og det same trur me Joar Torsen har i sin nyinnkjøpte Volvo 240. Det vert sannsynligvis muligheter for litt forsiktig innkjøring på Vikedal Motorbane torsdag kveld. Interesserte kan kontakta Svein Bjarte for nærmare opplysningar.

Pressemelding før løpet til helga
Pressemeldinga før løpet er no lagt ut på web-sida for løpet. Følg linken på toppen av sida (Neste arr.: 21. april .....) eller denne ...

Geir Harald vann i Egersund
Geir Harald Skeie var einaste deltakar i junior-klassen i bakkeløpet i Egersund søndag, men fekk likevel pokal for seieren. Han betra tida si for kvar omgang, og kunne vore på 6. plass i seniorklassa med si tid, 1.16.51. I rally-klassen fekk Arne. B. Handeland, som kjører for NMK Vikedal men bur i Stavanger, 3. plass i sin Escort MK I, bak Ole Andreas Langaard i Mazda RX-7 og Tommy Nodland i Peugeot 309. I rallycross nasjonal sleit både Audun Gaard og Øyvind Våge med festet i den våte og glatte bakken på Tengs. Øyvind hadde 1.15.97 som beste tid, medan Audun hadde 1.14.00 som si beste tid. Best var Ørjan Lutsi med 1.08.25, framfor Thomas Fjeld og Roy Kenneth Holmen. Rune Lutsi låg an til ei god tid i finalen, men slo borti fortauskanten og knekte ein drivaksling.
       I supernasjonal inntil 2000 ccm var Pelle Erland frå Konsmo i Mazda RX-7 suveren med 1.04.04. Nærmast kom Ole Kristian Nøttveit frå Bergen i BMW M3 med 1.06.61. Stian Søsæther frå Egersund i VW 1303 vart nr. 3 med 1.07.48. Både Leif Roald Bjelland og Svein Bjarte Holten vart programheltar ettersom bilane enno ikkje er klare til bruk.

       I den største klassen vart det ein tett kamp mellom Stian Haugan, Notodden, og heimefavoritten Eivind B. Nevland i sin nye gule Volvo 940 (ex. Morten Bermingrud). Stian klarte nesten å ta igjen Eivind i finalen, men kom eit tidel for seint. Eivind vant med 1.02.12 framfor Stian med 1.02.23. Bakkeløpspesialisten Kjetil Grøterud, Modum & Sigdal, sleit på det glatte føret og vart nr. 3 med 1.05.10.

Les pressemeldinga med fleire resultater og bilder etter 1. runde i Vestlandsmesterskapet her ...

Masse folk på "aktivitetsdagen"
Det var fint vær og god stemning denne laurdagen også. Nærmare 20 bilar deltok på treninga etter dugnaden. Før det var det motocross-trening.

Ny "aktivitetsdag" laurdag 13. april
"Adle me selar å bur, kom te Vikedal på lørdag ein tur, dugnad fra kl. ti, kom ut av hi, ta med verktøy & godt humør. Trening for 2 & 4 hjul ittepå."
Dette var meldingen som gjekk ut til alle mobiltelefonar i medlemsregisteret seint torsdag kveld frå sjefslyrikar Steinar Høyvik. Vi håpar på like fint vær, like mykje arbeidslyst og like god stemning som sist laurdag.  Kurbsen vart støypt torsdag kveld, men det er fortsatt ein del arbeid igjen før banen er klar til løpet. På motocrossbanen gjenstår vel og litt før den er slik den bør vera. Det bør vera ein fin oppladning til første runde i Vestlandsmesterskapet i Egersund på søndag.

Reportasje i Grannar frå lisenskurset ++
Også lokalavisa Grannar var på plass på lisenskurset på laurdag. Deira reportasje finn du her ...

Lisenskurs/dugnad/trening 6. april

Strålande vær skapte ei fin ramme rundt den første skikkelege aktivitetsdagen i Vikedal i år. På bilde til venstre ser vi interesserte deltakerar (og foreldre) på bilcross junior kurset som vart avslutta med praksis i helga. Litt trening for dei erfarne vart det og tid til. På bildet til høgre ser vi Rikard Særsten sin nybygde Golf fremst og Frode J. Saltvedt i sin Rover Vitesse. I bakken bak ventar Frode Aas og Ørjan Vikedal på tur.

Oppdatering av foreløpig startliste 21. april
Startlista for RC/BC jr. 21. april vert oppdatert fortløpande. Siste oppdatering 12.04.2002.
Startlista finn du på web-sida for løpet her ...

Tilleggsreglane for løpet 21. april er no lagt ut
Tilleggsreglane for 2. runde i VM er no lagt ut. Dei er foreløpig merka med "Foreløpig", men det vert berre mindre endringar (lisensnr., tidsplan o.l.). Du finn dei ved å følgja linken over ("Neste arr.").

Litt frå teknisk kontroll 2. påskedag
Det var mange nye og gamle bilar på den teknisk kontrollen i Haugesund 2. påskedag. På bildet til venstre ser vi Øyvind Tveit som har bygd opp den gamle asfaltbilen til Frode J. Saltvedt til rallycross nasjonal. I tillegg var det ein Opel Rekord E i bilcross pluss Sierra, Golf, BMW osv. Dei kanskje finaste bilane var Bjørn A. Tvedt sin Opel Vectra og Svein H. Kristoffersen sin Holden Commodore. Begge desse er asfaltbilar og Bjørn A. Tvedt skal delta i NTCC med sin Vectra. Kva Svein H. Kristoffersen skal gjera med sin Commodore er usikkert, men eit tips kan vera å sjå litt på kva Jostein Skjerve har gjort med sin Holden som gjer det bra i supernasjonal over 2000 ccm.
        Ellers er det fleire som er litt i tidsnød med nye eller oppgraderte motorar. Ben Inge Hammer ventar på ein topp til sin Mercedes, og både Leif Roald Bjelland og Ernst Harald H. Leifsen sine motorar er hjå Rune Ørke og er fortsatt ikkje heilt klare. Svein Bjarte Holten sin motor er hjå Svein Kristiansen på Hadeland og er lova ferdig til bakkeløpet i Egersund dersom delene kjem som bestilt.

Opel Vectra'en til Bjørn A. Tvedt vart flittig studert.

Fakta og rykter om aktive og bilar før sesongstart
I løpet av vinteren har det skjedd ein del endringar blant bilar og førerar. Ut frå det vi har snappa opp, ser det ut til å bli ein svært spennande sesong. Vi har prøvt å laga ein liten oversikt over det vi veit og det vi har høyrt rykter om, men vi kan ikkje garantera at dette stemmer 100%. Dette er ein oppdatert versjon av det som stod i Grusspruten 1/02. Dersom nokon ser noko feil, så kan de gi beskjed så skal vi retta det opp.
---- Les meir her ----

Husk påmelding til løpa !
Sesongstarten nærmar seg og påmeldingane byrjar å komma. Det første løpet i vårt distrikt er opningsløpet i Vestlandsmesterskapet i Egersund den 14. april. Det er viktig at alle som har planar om å kjøra det løpet melder seg på før påske. Påmeldingsfristen er rett etter påske, og dersom påmeldinga er laber kan løpet bli avlyst. Det kan vera lurt å delta her og få eit lite forsprang på bergenserane i VM sidan alle dei nok ikkje deltek i Egersund. Tilleggsreglane til bakkeløpet i Egersund finn du på web-sidene deira her ... under "Arrangement".
       Vi oppmodar også alle til å senda inn påmelding til løpet i Vikedal 21. april så snart som mogleg. Det gjer det enklare for arrangementskomiteen som slepp å gjera alt siste veka.

Opplegget for mestermøte 30. juni er klart
Søndag 30. juni 2002 arrangerar NMK Vikedal mestermøte i rallycross og bilcross i høve 20 årsjubileet. Det er meininga å samla dei beste på Vestlandet i bilcross og dei beste i landet i rallycross for å skapa eit spennande arrangement både for deltakerar og publikum. Målet er at dette skal bli eit fast, årleg løp for dei beste førerane innan bilsport. Les meir om det her ...

Ny teknisk kontroll hjå BTM i Haugesund
Det blir ein ny sjanse til å få kontrollert bilen hjå BTM Totalservice i Ørpetveitsveien 59 i Haugesund (Caravansenteret) den 1/4 (2. påskedag) kl. 12.00. Påmelding innan 29/3 til Bjørn Olaf Wiik på mob.tlf. 99160181eller e-post btm2talservice@yahoo.no.

Status på baneforholda 17. mars.
Søndag 17. mars var det fortsatt snø over heile banen i Vikedal. Det er ikkje tjukke laget som ligg, men det gjer at banen under ikkje får tørka opp slik at det blir brukbare forhold. Dermed vert det sannsynlegvis ingen kjøring på bilbanen før treninga laurdag 6. april. Praksiskjøringane til lisenskursa vert og kjørt denne dagen. Om det vert starta treningar for motocross før den tid er ikkje sikkert enno. Vi får håpa på tørt, fint vårvær med litt vind framover slik at vi får fine forhold til trening og løp.

Klubbløpet 17. mars utsett.
På grunn av baneforholda vert det planlagte klubbløpet utsett inntil vidare. Som tidlegare meldt er baneforholda dårlege, og veret dei siste par vekene har ikkje betra dei. Om klubbløpet vert arrangert seinare i vår eller til hausten er førebels ikkje avgjort.

Endeleg cup for bilcross senior.
Bilgruppa har nå klart å få til "Værsting cup" i bilcross. Dette er ein cup over 4 løp, 2 i Bergen og 2 i Vikedal, for bilcross senior og er eit samarbeid mellom NMK Bergen og NMK Vikedal. Ansvarleg for opplegg og poengsamandrag er bilgruppa i NMK Vikedal v/Leif Roald Bjelland. Reglane finn du her...

Eigne sider for første løpet 21. april.
Våren nærmar seg med lysare tider og finare forhold for motorsport. Sikre vårteikn som svarte parallelle strekar på asfalten er alt meldt frå indre Tysvær. Sesongen opnar søndag 21. april med 2. runde i Vestlandsmesterskapet i rallycross og 1. runde i NMK Vikedal cup for rallycross nasjonal og bilcross jr. 
Her finn du meir opplysningar om det første løpet i år søndag 21.april.

Nye dreneringsrøyr kan skape problem for klubbløpet og treningane framover.
I januar vart det lagt ned nytt dreneringsrøyr frå parc fermè til elva. Dei store nedbørsmengdene i rett i etterkant av dette, har skapt litt problemer. Massen som ligg over røyrene er no svært ustabil, og ein kjem nesten ikkje over med bil. I første omgang fører dette til at praksisen til lisenskursa og treninga laurdag 2. mars blir utsett. Avhengig av korleis veret vert framover (det er i dag ca. 30 cm. snø) kan treninga 9. og klubbløpet 17. mars bli utsett. Dei som har tenkt seg på trening dei neste vekene bør ta kontakt med treningsansvarleg før dei tar turen til Vikedal. Meir oppdatert informasjon kjem her på internett-sidene.

Bra frammøte på medlemsmøtet i Haugesund.
I overkant av 30 personar møtte fram til medlemsmøtet laurdag 16. feb. Det vart orientert om aktiviteten i dei forskjellige gruppene. I bilgruppa vert det jobba m.a. med ein bilcross-cup som skal gå over 4 løp, 2 i Bergen og 2 i Vikedal. Det vert også jobba med eit lotteri, rabattavtalar og sponsordag i september. Nærmare informasjon kjem etterkvart som ting fell på plass.
       Anleggskomiteen har mykje arbeid på blokka. Det vart lagt ned ny dreneringsrøyr frå parc fermè til elva i januar pga. at den gamle var tett. Nytt tak over sanitærbygget er no snart klart, og det skal og lagast "curbs" i dommarsvingen. Dette vil kreva ein del dugnad for at det ikkje skal bli for dyrt, og det vert no sett på korleis ein kan få spre arbeidet på flest mogleg av medlemmene. På litt lengre sikt vert det arbeid med planar om eit nytt bygg som skal gi rom for kjøkken, kiosk, opphaldsrom, sekretariat og lager. Planen er at me skal få godkjent planane i løpet av året, slik at vi kan søkja om tippemidlar neste år.

Litt motocross-info.
Bryn Rønnevik arbeider med eit større samkjøp frå Crossenteret Snellingen, hovudsakleg av mini-crosserar. Medlemmer som har lyst til å nytta seg av fordelen med samkjøp(= lågare pris) kan ta kontakt med Bryn på tlf. 52-797134(a), 52-760300(p), mob. 977-06036 eller e-post brynr@c2i.net.
Bryn er også ansvarleg for aktivitetsleiarkurs for barneidrett (5-10 år). Andre som kan tenkja seg å bli aktivitetsleiar for barn må kontakta han snarast.

Teknisk årskontroll for bil
Det blir arrangert 2 årskontrollar for bil i år. Vask bilen, les boka og gjer det som er nødvendig for at bilen skal bli godkjent FØR du møter til kontroll.
Haugesund:

Søndag 17. februar frå kl 12.00 hjå BTM -Totalservice, Ørpetveitsveien 59 i Haugesund (Caravansenteret). Kontakt evt. Bjørn Olaf Wiik på 99160181 dersom du ikkje veit kvar det er.
Sandeid:
Laurdag 23. februar kl. 10.00 - 14.00 hjå Suldal Billakkering.

Første utgåve av Grusspruten i år
Første utgåve av Grusspruten er no på veg ut til alle medlemmer. Dei som ikkje kan venta, kan lesa han her ...

Oppsettet for treningar for bil er klart
Treningskomiteen er klar med oversikt over treningane i 1. halvår. Treningane vert på laurdagar og onsdagar.
Tidspunkt:  Laurdag   14.00-16.00   Påmelding seinast kl. 13.30
                 Onsdag   17.00-19.00   Påmelding dagen før til ansvarleg
Treningane vert tredelt, med fritrening ein bil omgongen, starttrening med lys og bakkeløp med tidtaking. Treningsplanen finn du under treningar i menyen.


Ope medlemsmøte med minimesse 16. februar

Det blir medlemsmøte laurdag 16. februar kl. 13.00 hjå Neumann Bygg på Bakarøy i Haugesund. Lokalene opnar kl. 12.00 slik at det vert rom for litt uformell prat før møtet startar. I tillegg vil Suldal Billakkering og Haugaland MC visa fram litt av det dei har å tilby innan utstyr til motorsport. Alle motorsportsinteresserte er hjarteleg velkomne.
Agenda:
    - Ny organisasjonsplan                       Steinar/Svein Atle
    - Info. vedr. planar om nybygg              Styret
    - Innspel til aktive og litt om internett    Svein Erik
    - Kurs 2002                                        Tom Jøran
    - Enkel servering
    - Dugnad                                            Øyvind
    - Info. frå MC-gruppa                            Jan
    - Info. frå bilgruppa                               Leif Roald
        - Trening, bil                                   Svein Bjarte
        - Motordag/mestermøte status         Steinar
    - Eventuelt                                          Dag

NMK Vikedal cup i rallycross nasjonal 2002.
Reglane for NMK Vikedal cup i rallycross nasjonal 2002 er no klar. Dei er stort sett lik dei som var i fjor med 4 teljande løp. Reglane finn du her ...

NMK Vikedal cup i bilcross junior 2002.
Reglane for NMK Vikedal cup i bilcross junior 2002 er no klar. Dei er stort sett lik dei som var i fjor med 4 teljande løp. Reglane finn du her ...

Lisenskurs for billøp.
Dersom du er interessert i å kjøra billøp kan du nå melda deg på lisenskurs. NMK Vikedal arrangerer lisenskurs for bilcross junior og hastighet. Meir informasjon om lisenskursa finn du under Kurs i menyen. Litt meir om krava for å kjøra billøp:

  • Bilcross junior.
    Du kan starte med bilcross junior det året du fyller 16 år. For å kunne delta på treningar og løp må du gjennom eit lisenskurs som består av både teori, teoriprøve og praktisk køyring på bane.
  • Bilcross senior.
    Du treng ikkje eige kurs for å køyra bilcross. Du må ha førarkort og fylla ut eit søknadskjema som skal sendast til Bilsportforbundet. Ta kontakt dersom du treng hjelp.
  • Rallycross / asfalt / bakke (hastighet)
    Konkurransekøyring med bil på rallycross-, asfaltbane eller i bakke. For å kunne starte med rallycross / asfalt / bakke må du ha førarkort, og i tillegg må du gjennom eit kurs som består av både teori og praksis. Dersom du tar teoridelen, og kan dokumentere at du har deltatt i seks bilcrossløp, kan du òg løyse lisens.

    Meir informasjon om lisensar og regelverk kan du finna på www.bilsport.no (Norges Bilsportforbund)




Vikedal Mur & Anlegg A/S

Bauge Auto A/S

Sandeid Cement A/S

Nyheter frå 2001 finn du her ...

Dei 3 siste nyhetene i 2001 var:

  • Suldal Billakkering startar sal av motorsportsutstyr

  • Midlertidig stopp i motocrosstreningane 

  • Nyttig årsmøte