|
Surt vær,
men effektiv dugnad
Første dugnaden for nytt kjøkken og kiosk gjekk i svært surt
vær med kraftig nedbør frå morgonen av. Heldigvis letta det
noko utover dagen, og det var også ein periode med god varme
lokalt på motorbanen. Arbeidet gjekk raskt og effektivt, slik
at det meste var gjort når maten kom.
Kl. 12.15 Brakkene tømt og taket
revet. Kl. 14.30 Glødane rester av
brakkene
--
Les meir og sjå fleire action-bilder --
Dugnad
laurdag 29. november kl. 09.00
Skal vi ha klart nytt kjøkken og kiosk til første løpet neste
år må ting skje raskt. Første dugnaden vert allereie laurdag
29. november. Oppgåvene blir å tøma brakkene nærmast vegen
(kjøkken og kioskbrakkene) for utstyr, demontera takplatene,
kobla frå straum og vatn og klargjera for riving/brenning.
Aktuelt verktøy er elektrisk skrutrekkjar m/pipe, brekkjern,
motorsag m/velbrukt kjede og filer, hammar og sag. Det vil bli
matservering midt på dagen. Nærmare informasjon ved leiar i
anleggskomiteen, Steinar Høyvik, tlf. 52777138 eller 90061073.
Alt
for få medlemmer på årsmøtet
Berre 26 av over 150 medlemmer hadde funne vegen til årsmøtet
som vart halde i Røde Kors-huset i Haugesund. Årsmøtet vart
ellers greitt avvikla. Det som skapte mest debatt var kor ein
skal plassera eit nytt kiosk-/klubblokale. Til slutt vart det
valgt ein byggekomite som i samarbeid med hovedstyret får
ansvar for å plassera bygget. I første omgang planlegg ein å
setja opp 4 brakker med kjøkken/kiosk og lager. Ellers
takka Steinar Høyvik av som leiar, men han flyttar i staden inn
som leiar i anleggskomiteen og fortset i styret som nestleiar.
Tom Jøran Johnsen bytte ut nestleiarvervet og vart leiar i
klubben for 2004.
-- Årsmelding 2003
(pdf-format) --
-- Referat frå
årsmøtet (pdf-format) --
Ole
Vidar Helland nr. 3 i Vestlandsmesterskapet 2003
Etter god kjøring og 4. plass i avslutningsrunden sikra Ole
Vidar Helland seg 3. plass i Vestlandsmesterskapet 2003. Det har
vore eit av måla hans etter ulykka på Gjøvik i 2001 der han
brakk ryggen. Eldstesonen, Nils Arve, sikra seg andreplassen i
VM i runden i Vikedal bak Øyvind Eikeland. Den andre sonen til
Ole Vidar, Håvard, låg lenge an til å sikra seg 3. plassen i
VM, men etter at han sklei ut i ein sving og måtte sleppa alle
framfor seg i finalen, gjekk 4. plassen i løpet og 3. plass
samanlagt til Ole Vidar.
--
Les pressemeldinga frå VM om Ole Vidar --
Ernst
Holten Leifsen vestlandsmester med same poengsum som Rune Lutsi
Det vart svært spennande då avslutningsrunden i
Vestlandsmesterskapet gjekk på Eikås ved Bergen 18. oktober.
Etter at Rune Lutsi gjekk til topps og Ernst Holten Leifsen vart
nr. 4 i finaleløpet, måtte Tore Rønneberg rekna fleire gonger
for å vera sikker på at rett mann vart utropt til
vestlandsmester i nasjonal inntil 2400 ccm. Begge fekk nemleg
same poengsum, og det vart antall seierar som vart avgjerande.
Det var Ernst som har vunne flest, og dermed nådde han målsetjinga
om å vinna VM i år, medan Rune tapte på målstreken.
Ellers var det svært skuffande
at det berre var 5 deltakerar frå NMK Vikedal som tok turen til
Bergen og avslutningsrunden i VM 2003.
--
Les pressemeldinga frå VM --
Resultata
frå løpet 12.oktober og NMK Vikedal cup
Den komplette resultatlista for løpet 12. oktober er no lagt
ut. Det same er sluttstillinga i NMK Vikedal cup 2003.
--
Resultater frå løpet 12. oktober --
--
Sluttstillinga i NMK Vikedal cup 2004 --
Årsmøtet
blir 8. november i Haugesund
Sett av laurdag 8 november til årsmøtet i NMK Vikedal. Nærmare
info. kan ein få ved å kontakta Steinar Høyvik eller følgja
med på sida her i neste veke.
Bilcrossbilen
vunnen av leiaren i MC-gruppa
Det var leiaren i MC-gruppa som vart den heldige vinnaren av ein
bilcross-bil i NMK Vikedal sitt lotteri som vart trekt på
sesongavslutninga. Om det gjer at han går over i bilgruppa er
vel heller tvilsomt. Etterom web-masteren er på langtur, kjem
resten av vinnerane i lotteriet og fullstendig resultatlister
for løpet og NMK Vikedal cup først i neste veke.
Finalen
i Vestlandsmesterskapet
Vi håpar flest mogleg tar turen til Bergen laurdag 18. nov. og
hyllar iallefall Øyvind Eikeland som Vestlandsmester i nasjonal
over 2400 ccm. Nils Arve Helland har hand om 2. plassen, medan
far Ole Vidar og bror Håvard sloss om 3. plassen i denne
klassen hvis ikkje Øyvind Tveit eller Roger Kalstad har alle
marginar på si side. Ernst Holten Leifsen har og gode
muligheter til å vinna i nasjonal inntil 2400 ccm, men Rune
Lutsi har ein mulighet til å ta han igjen. Dermed dominerer NMK
Vikedal i rallycross nasjonal klassane. I supernasjonal skal
Svein Bjarte Holten sikra seg 3. plass i klassen inntil 200 ccm.
For å ta 2. plass skal han ha maksimal flaks, medan førsteplassen
er uoppnåeleg slik stillinga er.
Vinnerane
i NMK Vikedal cup
Foto: holtenmedia
Sjølv om favorittane i NMK Vikedal Cup til slutt gjekk til
topps på Vikedal Motorbane på søndag var det spenning heilt
fram til finalen før Rune Lutsi og Ørjan Vikedal kunne
utropast som meistrar for 2003. Etter at dei begge også gjekk
heilt til topps i søndagens løp.
--
Les pressemeldinga her --
God påmelding
til finalen i NMK Vikedal cup
Det er mange påmeldte til finalen i NMK Vikedal cup for
bilcross junior og rallcross nasjonal. Dei som ikkje har sendt påmeldinga
no, må vera forberedt på å betale etteranmeldingsgebyr.
Planlagde
bil-løp til neste år
Til fristen 1. september melde NMK Vikedal inn desse løpa for
neste år:
17. april Bakkeløp
Vikedal Motorbane
18. april RC/BC
jr. Vikedal Motorbane
12.-13. juni RCN/BC
Vikedal Motorbane (søkt om kval.løp til landsfinalen)
15. august BC
Vikedal Motorbane (klubbløp?)
19. sept. RC/BC
Vikedal Motorbane
10. okt. Bakkeløp
Frakkagjerd Industriområde (både BC og RC)
Dei som har sterke meiningar om dette kan kontakta bilgruppa
v/Johannes Holten Leifsen før måndag 29. sept. for diskusjon.
Pressemelding:
Tøff kamp om poenga
Sjølv om Øyvind Eikeland alt har avgjort at han blir
Vestlandsmester i den største nasjonalklassen, er ingenting
avgjort i dei andre klassane. Knut-Erik Ludvigsen og Morten
Hagen har føringa i supernasjonal, medan Ernst Holten Leifsen
er i tet i minste nasjonal.
--
Les meir --
Øyvind
Eikeland klar som Vestlandsmester
Øyvind Eikeland er allereie klar som Vestlandsmester i
rallycross nasjonal over 2400 ccm. Nils Arve Helland er også
klar på andreplass i same klassen.
I klassen under 2400 leiar fortsatt Ernst Holten Leifsen, men
Rune Lutsi nærmar seg, og det vert ein tett kamp på sista løpet
i Bergen 18. oktober. I supernasjonal er det Morten Hagen som
ligg best til i den største klassen og Knut Erik Ludvigsen i
den minste klassen, men ingenting er avgjort.
--
Resultatene frå rallycrossløpet --
--
Stillinga i VM for rallycross nasjonal --
--
Stillinga i VM for supernasjonal --
Fleire
styrka stillinga si i VM med resultata i bakkeløpet
Det var fleire som styrkja sine sjansar til samanlagtsiger i VM
etter bakkeløpet i dag. Både Ernst Holten Leifsen (RCN
i/2400), Knut Erik Ludvigsen (SN i/2000) og Morten Hagen (SN
o/2000) auka leiinga si i VM etter at dei vann sine klassar i
bakkeløpet i Vikedal i dag. Ingenting er likevel avgjort, men
om resultata blir som enkelte av dei ynskjer i morgen, kan
kanskje enkelte slå fast at dei blir Vestlandsmestrar i år. I
RCN o/2400 var det Nils Arve Helland som vann etter sterk kjøring
i prefinalen. Øyvind Eikeland vart nr. 3, noko som gav han
sigeren i bakkeløpscupen i VM. Knut Erik Ludvigsen kom berre
0,25 poeng bak og Rune Lutsi var berre 0,25 poeng bak han igjen,
så her var det tett.
--
Resultatene i bakkeløpet --
Det
ser ut til å bli fyldige og gode startfelt til helga
 Alt
ligg tilrette for spennande duellar til helga med totalt 44
deltakerar. Nokre av dei beste førerane frå Sørlandet tar
turen til Vikedal for å visa vestlendingane kven som er best. I
tillegg kjem det eit par austlendingar med Stian Haugan (bildet
til høgre) i spissen som nok heller ikkje har tenkt å gi ved dørene.
Då gjeld det berre å kryssa fingrane for opphaldsver og fine
forhold for alle partar. Følg linkane over til dei føreløpige
startlistene.
Siste nytt: Morten Hagen stiller og til
start i store supernasjonalklassen.
NMK
Vikedal gratulerer Eivind Nevland med seieren på Lyngås.
--
Les meir på Motorsportavisen --
Informasjonssida
for VM-rundane 20-21/9 er klar
Tilleggsreglar, invitasjon, foreløpig startlister og anna
informasjon er nå lagt ut på sida for løpa 20-21/9 er no lagt
ut. Følg linken i lista over eller under.
-- Les meir
--
Sluttstillinga
i Værsting Cup i bilcross etter finalen 17. august
Resultata
frå 17. august
NMK
Vikedal gratulerer Jostein og Gisle Morten
NMK Vikedal gratulerer Jostein Skjerve, NMK Bergen, med seieren
i NM-runden i rallycross på Flisa og Gisle Morten Hetland, NAF
MS Gjesdal, med åttendeplass i landsfinalen for bilcross i
Uvdal.
Tommy Bakkerud, KNA Bergen, vart
nr. 3 i sin klasse på Flisa, medan Knut Erik Ludvigsen vart nr.
6 og Åge Bakkerud nr. 7, begge frå NMK Bergen.
-- Les
meir om NM-runden på Motorsportavisen --
-- Les meir om
landsfinalen på bilcross.no --
(sjekk logoen for bilcross-kavalkaden med det samme. Nokon
som kjenner seg igjen?)
Knattecross:
Barnas Dag på Helganes søndag 31. august 2003
Karmøy MAU inviterer alle knattecrosskjørere til Barnas Dag
på Helganes Motorsportsenter søndag 31. august 2003. Vi vil
arrangere løp for alle klasser (inkludert 4-hjulinger) fra
50ccm laveffekt opp til og med 85ccm. Interesserte må melde seg
på til Espen S. Westre på esw@knutsenoas.com, eller 52704084
innen torsdag 28. aug. (husk fullt navn og type sykkel). I
tillegg vil det bli servert grillpølser og brus til barna, og
de voksne kan få seg en kopp kaffe og noe å bite i. Da vi har
begrensninger på antall påmeldte, ber vi folk om å melde seg
på snarest! Her blir det kamp om plassene!
PS! Husk å ta med skikkelig sikkerhetsutstyr! Og til alle
Minicrossere: Den som kjører mest blir BEST!!
Pressemelding:
Såg avgjerda i speilet
Ikkje uventa var det i bilcross juniorklassen at spenninga var
størst då NMK Vikedal arrangerte finalen i Værstingcup 2003
på søndag. Då Morten Lavik gjekk på taket i finalen var det
Ørjan H. Vikedal som kunne utropast til vinnar i cupen for
juniorane. Bjørn-Arve Hjelmås frå NMK Bergen vann
seniorklassen samanlagt.
--Les heile pressemeldinga frå Holtenmedia --
Vikedal
og Hjelmås til topps i Værsting cup
Ørjan H. Vikedal og Bjørn Arve Hjelmås gjekk til topps i Værsting
cup 2003 etter ein dramatisk dag på Vikedal Motorbane søndag.
Det var i junior-klassen det vart
mest dramatikk. Ørjan sleit både med bil og kjøring i dei
innleiande omgangane, og hadde berre 5. spor i B-finalen.
Leiaren i Værsting cup, Morten Lavik frå NMK Bergen hadde
beste spor i A-finalen. Ørjan tok starten i B-finalen, og kjørte
kontrollert og sikkert til mål. I A-finalen fekk han ein ny
kjempestart og gjekk rett i tet. Etter litt problemer i starten
kom Morten Lavik seg opp på 2. plass og hadde kontroll på Værsting
cup heilt til nest siste sving. Der hektar han i innesvingen og
vippar over på sida. Ettersom alle dei andre bilane i finalen
kjem seg forbi, vert han nr. 6. Ettersom Ørjan heldt teten til
mål, var det han som kunne sikra seg førsteplassen i Værsting
cup. Stian Tysnes vart nr. 2 i løpet, og vart med det nr. 3 i Værsting
cup. Per Inge Sandvik, som låg likt med han før dette løpet,
fekk ei punktering i A-finalen og måtte ta til takke med 5.
plass i løpet og vart dermed nr. 4 i cupen.
I senior-klassa var det større
avstandar i Værsting cup, så når både Bjørn Arve Hjelmås
og Per Arne Blindheim sikra seg plass i A-finalen var det
allereie avgjort. Ein annan som kjørte svært godt var Glenn
Olav Lothe. Han hadde sikra seg 3 heat-sigrar før finalen med
Asconaen sin, og etter ein kjempe start gjekk han rett i tet i
A-finalen og. Det var ingen som kunne trua han, slik at det vart
ein etterlengta siger for Glenn Olav. Per-Gaute Østbø, som og
hadde 3 heat-sigrar, hadde problemer med girkassa i finalen og måtte
gi seg før målgong. Nærmast Glenn Olav kom Per Arne
Blindheim, medan Frode Aas vart nr. 3. Martin Tveit, som vann både
C- og B-finalen, kjørte inn til 4. plass. Cup-vinnaren, Bjørn
Arve Hjelmås vart nr. 5.
Dugnad
onsdag 13. august kl. 17.00
Ein god del arbeid skal gjerast før løpet så det vert dugnad
onsdag 13. august kl. 17.00 og utover.
Ørjan
nr. 2 og Per Inge nr. 3 på Eikås på laurdag
Ørjan H. Vikedal vart nr. 2 og Per Inge Sandvik nr. 3 i 3.
runde i Værsting cup for BC junior på Eikås Motorsenter i
Bergen på laurdag. Det var heller ikkje denne gong noko å
gjera med Morten Lavik, NMK Bergen, som kunne kjøra inn til ein
kontrollert siger. I senior-klassa var det berre 2 deltakerar frå
NMK Vikedal, Geir Harald Skeie og Per-Gaute Østbø. Geir Harald
hadde skrudd heile natta i forvegen pga. motorproblemer og kom
til start med ein motor som fuska litt innimellom. Per-Gaute
hadde som vanleg uflaks i Bergen og fekk berre kjørt eit par
hundre meter.
-- Les
meir --
--
Resultater --
--
Stillinga i Værsting cup --
Knut
Endre nr. 11 i Smådøla-festivalen
Knut Endre Fønnebø Ringhagen vart nr. 11 og sist i B-finalen
blant 30 deltakerar i jr. klassa i Smådøla-festivalen i Uvdal
sist helg. Han vann sitt heat i første omgong, før det vart 3
tredjeplassar. Det var nok til 2. sporet i B-finalen, der det
til slutt vart siste plass. Vinnaren av B-finalen, Steffen
Bjerknes (NMK Hønefoss), vann forøvrig og A-finalen.
--
Resultatlister --
--
Reportasje på bilcross.no --
Sjekk
bildegalleriet frå Gol på bilcross.no
NMK Vikedal-førerane gjorde seg såpass bemerka på Gol at dei
fleste er komne med i bildegalleriet på bilcross.no. Både
rundvelten til Geir Harald med Johannes sin bil,
rekkverksjusteringa til Tom Jøran, parkeringa oppå rekkverket
til Aleksander Stople og fleire andre er med.
--
Les meir og sjå bildene på bilcross.no her --
(velg Fotogalleri nederst i artikkelen)
(logoen til venstre er frå Vikedal)
Pressemelding:
En fantastisk motorsportshelg på Gol!
 Kyllesføreren
Rune Lutsi satte prikken over i-en for NMK Vikedal ved å vinne
rallycrossfinalen i klassen inntil 2400 kubikk. NMK Vikedal
hadde førere representert i finalene i samtlige klasser.
--
Les meir --
Triveleg
helg på Gol og Rune Lutsi vann RCN i/2400.
Ein stor delegasjon frå NMK Vikedal tok turen til Gol for å
delta på Goldags-løpet. I år var det over 290 deltakerar i eitt av løpa i sesongen med mest prestisje innan bilcross
etter landsfinalen.
--
Les meir --
God
sommar !
Ettersom web-ansvarleg har hatt det svært travelt på jobb, har
det tatt litt tid med oppdatering av sida i det siste, men vi håpar
å vera litt meir ajour framover. Vi nyttar høvet og ynskjer
alle medlemmer og andre interesserte ein god sommar. Samtidig
ynskjer vi den store delegasjonen som skal delta på Goldagsløpet
19. og 20. juli lykke til.
Neste løp på Vestlandet er 3.
runde i Værsting Cup på Eikås den 9. august. Dette er eit
reint bilcross-løp (senior/junior). Dei som skal delta der bør melda
seg på i god tid, då det kan bli avgrensa deltakarantal. Meir
info. finn de her...
På
biltransportbilen vi skal leiga for junior-laget er det eit par
ledige plassar. Dei som er interesserte i å vera med på denne
kan kontakta Johannes, tlf. 98283794. Andre juniorar vil bli
prioritert.
Gløym heller ikkje påmelding
til finalen i Værsting Cup som går i Vikedal 17. august. Dette
er og eit reint bilcross-løp. Dei som ikkje skal delta gir sjølvsagt
beskjed til Rita Skeie (tlf. 52761230 el. 90021178) om at de kan
vera med som vakter.
Ernst
Holten Leifsen nr. 3 på Konsmo
Ernst Holten Leifsen vart nummer tre i rallycross nasjonal
inntil 2400 kubikk under Mestermøtet til NMK Konsmo i helga. I
tillegg køyrde han inn til fjerde i Superfinalen. Rune Lutsi
vart nr. 5 etter at han fekk tekniske problemer i finalen.
I rallycross nasjonal over 2400 vart Nils Arve Helland nummer
åtte, medan Geir Harald Skeie kom til D-finalen og vart til
slutt nummer 19 i bilcrossklassen.
--
Les pressemeldinga frå Holten Motorsport --
Svein
Bjarte Holten nr. 13 i 2. NM-runden i rallycross
Etter flott kjøring på laurdag med 5. tid i 1. omgang og 10.
bestetid i 2. omgang låg Svein Bjarte på 5. plass før 3.
omgang. Der vart det berre 15. bestetid, noko som gav beste
startspor i C-finalen. Der måtte han sleppe både Åge Bakkerud
og Ole Kristian Nøttveit framfor seg. Alt i alt var det likevel
ei oppløftande helg der han fekk visa at bilen og sjåføren
kan hevda seg blant dei beste. Neste NM-runde går i Solør
16.-17. august.
--
Les pressemeldinga frå Vestlandsførerane her --
Rune
Lutsi vann RCN i/2400 i Kvinesdal
Rune Lutsi vann sin klasse i rallycrossløpet i Kvinesdal i
helga der han deltok i staden for i klubbløpet i Vikedal.
Flott
Motormarked, men vått klubbløp dagen etter
Også i år fekk vi fint ver på Motormarkedet. Det var litt
mindre besøk enn i fjor, men litt fleire utstilte bilar.
--
Les meir om Motormarkedet her --
I klubbløpet var det Arild Riise som trakk det lengste strået,
eit løp der dei fleste sleit med vannplaning i 3. omg. og
finalane. Johan Andre Øverland vann bilcross junior sjølv om
han hadde litt tekniske problemer, medan Øyvind Tveit vann
rallycross nasjonal.
--
Resultatliste --
Kun
brødrene Skeie deltok i Bergen
Det var berre Aleksander og Geir Harald Skeie frå NMK Vikedal
som deltok i bilcrossløpet i Bergen på laurdag 21. juni. Aleksander
vart heilt utan poeng i dei innleiande omgangane, medan Geir
Harald var kvalifisert til C-finalen etter å ha rydda i
dekkstablane (ref. bildene). Der nådde han ikkje opp, og måtte
ta til takke med sisteplass og dermed 16. plass totalt. Det var
Terje Sundland som vann løpet framfor Roar Stokke og Michael
Seilen etter litt klabb og babb på glatt føre. Les meir og sjå
bildene på nettsidene til Eikås Motorsenter her
...
Påmelding
til klubbløpet (BC/RCN).
Det er no lagt klar for påmelding til klubbløpet for BC og RCN
på Påmeldings-sida. Påmeldingsfristen er søndag 22. juni.
Kontaktperson er Steinar Høyvik, tlf. 90061073.
Mestermøtet
er avlyst. Blir erstatta av klubbløp.
På grunn av kollisjon med ein NM-runde i rallycross og generelt
litt for lite interesse, blir Mestermøtet avlyst i år og
erstatta av eit klubbløp. Nærmare informasjon om klubbløpet
kjem etterkvart.
Pressemeldinga
etter 2-dagarsløpet
Det vart vist mykje fin bilcross på Vikedal Motorbane i helga
då NMK Vikedal arrangerte todagars bilcross laurdag og søndag.
NMK Bergen førarane Morten Lavik og Kjell Askeland gjekk til
topps i dei to bilcrossklassane, medan NMK Vikedal og Rune Lutsi
tok heim sigeren i rallycross nasjonal.
---
Les meir ---
Resultater
frå 2-dagarsløpet
Resultata frå 2-dagarsløpet er no lagt ut på nett.
Poengsamandraga i NMK Vikedal cup og Værsting cup er og
oppdatert etter resultata i dag. Løpet var kvalifisering til
NMKs Landsfinale i bilcross som går 24. august i Uvdal i
Buskerud, og dei 6 beste i bilcross senior er no sikra plass
der.
Resultata
frå bilcross
Resultata
frå rallycross nasjonal
Stillinga
i NMK Vikedal cup (BC junior og Rallycross nasjonal)
Stillinga
i Værsting cup (BC junior og senior)
Mange
deltok i treningsløpet i Sauda
Det var 9 deltakerar frå motocross-gruppa i NMK Vikedal som
deltok i treningsløpet i Sauda sist laurdag.
---
Les meir her ---
Dugnad
onsdag den 4. juni kl. 17.00
Det vert dugnad onsdag denne veka for at forholda skal bli
best mogleg til løpet i helga. Dugnaden tek til kl. 17.00. Alle
aktive, spesielt dei som har ført seg opp på lista for denne
veka, bes møta.
Svein
Bjarte Holten vart nr. 14 på Lyngås
Resultatet var vel greit, men heller ikkje meir for Svein Bjarte
på Lyngås. Etter 16. beste tid i første omgang, vart det 14.
beste tid i andre omgang. I tredje omgang gjekk det enno litt
raskare med 12. beste tid og siste spor i C-finalen. Etter ein
grei finale vart det 14. plass bak Åge Bakkerud. Best av
vestlandsførerane vart Knut-Erik Ludvigsen med 4. plass, med
Tommy Sølvberg rett bak. Tommy Bakkerud derimot hadde ingen god
helg med ein dårleg første omgang og eit mulig motorhavari i
andre omgang. Håvard Helland vann sitt heat i første omgang
etter ein knallstart, men måtte stå over andre omgang med
lekkasje i differensialen. Han kjørte ikkje så godt i 3.
omgang, fekk 38. beste tid og dermed 37. plass. Arild Vik fekk
det betre til i andre omgang etter nokre justeringar på støtdemperane.
Etter 38., 29. og 21. beste tid, vart det 33. plass på Arild i
bilen til Terje Heggøy.
3
deltakerar i NM-runden i RC frå NMK Vikedal
Svein Bjarte Holten, Arild Vik og Håvard Helland skal
delta i den første NM-runden i rallycross på Lyngås i helga.
Arild skal låna bilen til Terje Heggøy. Leif Roald Bjelland
var og påmeldt, men han er i Hammerfest i jobb-samanheng og har
meldt avbud. I tillegg skal Geir Utaaker delta i norgescupen i
crosskart som går laurdag på Lyngås. Resultata i NM-runden
finn du på www.motorsportavisen.no
under "Live! Service"
Pressemelding
etter løpa i Bergen
Her finn du pressemeldinga etter løpa i Bergen.
Oppdaterte samanlagtlister finn du på www.vestlandsmesterskapet.no
--- Les meir ---
Betre
resultater for våre i rallycrossløpet
Det gjekk betre for våre førerar i dagens
rallycrossløp enn i bakkeløpet i går. I rallycross nasjonal
inntil 2400 ccm tok Ernst Holten Leifsen starten frå 4. spor i
A-finalen og kontrollerte til mål. I klassen over 2400 ccm vart
Øyvind Eikeland nr. 2 etter at også han tok starten frå 4.
spor. Han måtte sleppe Roger Karlstad, NMK Sundfjord, forbi
seg, men hadde kontroll på Nils Arve Helland som vart nr. 3.
Svein Bjarte Holten i Supernasjonal under 2000 ccm, sleit heile
dagen med startane og stod i 6. spor i finalen. Han kunne ikkje
gjera noko med Knut Erik Ludvigsen som vann suverent, men klatra
etterkvart opp på 3. plass. Ole-Kristian Nøttveit vart nr. 2
og Leif Roald Bjelland kom på ein gledeleg 4. plass etter bra
kjøring. Tommy Bakkerud sleit med punktering i finalen, stoppa
og vart nr. 6. Supernasjonal over 2000 ccm vart vunnen av Morten
Hagen framfor Jostein Skjerve og Lennart Vetås.
Vi kjem tilbake med fyldigare dekning når vi får
pressemeldinga frå Vestlandsmesterskapet.
Litt
informasjon fra bakkeløpet i Bergen laurdag
Medan vi ventar på resultata frå VM-rundane
i Bergen, har vi litt opplysningar om bakkeløpet laurdag. I den
minste klassen i nasjonal vart Ernst Holten Leifsen nr. 7, etter
snurring i prefinalen og regn i finalen. Ernst Roald Lutsi vart
nr. 8, og dermed leiar Ernst Holten Leifsen forsatt samanlagt før
dagens runde i rallycross. Øyvind Eikeland skrur febrilsk etter
at ein vippearm knakk i går. Han vart likevel nr. 3 eller 4.
Svein Bjarte Holten vart nr. 4 i sin klasse bak Knut Erik
Ludvigsen, Tommy Bakkerud og Ole Kristian Nøttveit. Meir
informasjon kjem utpå kvelden søndag.
Informasjon
om 2-dagers bilcross/RCN
Du finn meir informasjon om kvalifiseringsløpet
til Landsfinalen i bilcross ved å følgja linken over eller
denne her
...
Jostein
Skjerve i form
Til helga er det klart for 5. og 6. runde i
Vestlandsmesterskapet. På laurdag er det bakkeløp inne på Eikås
Motorsenter ved Begen, og søndag er det rallycross same stad.
Ein som ser ut til å ha formen inne er Jostein Skjerve, som
vann dei 2 første NM-rundane i bakkeløp i Skien.
---
Les meir ---
Fin
innsats av V & S Volvo Racing på Kinnekulle
Team V & S Volvo Racing, frå Tysvær, kom heim med 2
fjerdeplassar i sin klasse etter eit 3-timars og eit 8-timars løp
forrige helg. Teamet, som består av Jarle Velde og brørne
Arild, Jon Inge og Gunnar Søvold, kjører ein tilnærma
standard Volvo S40 i den minste klassen.
---
Les meir ---
Treningsløp
i motocross i Sauda 15. mai
Treningsløpet i Sauda 15.mai blei avvikla i
flott vær og med mange fornøyde deltakarar. Alle i
knatteklassen fekk pokal (eller får seinare.....ettersom dei
gjekk tom). Tilsaman 11 gassglade/gale ungar stilte
til start i denne klassen.
Ole Andre Høiland og Anders Mæland frå NMK Vikedal deltok i
klassen over 12 år.
Glade knattecrosserar frå NMK Vikedal, f.v. Håkon Høiland,
Joakim Rønnevik, Jan Andre Vaka, Alexander Hegerland og Simon
Hegerland.
Svein
Bjarte nr. 10 i 2. NM-runde i bakkeløp
Holten Motorsport fann ikkje ut av problema, og sjølv om det
gjekk litt betre søndag, så gjekk ikkje bilen heilt som den
skulle. Tommy Bakkerud vart nr. 4 og Knut Erik Ludvigsen vart nr.
5 i løpet på søndag. Johny Sandmo og Pelle Erland hadde lik
bestetid og andretid, slik at det var kval. tida som vart
avgjerande for at Pelle Erland gjekk til topps. Dermed bytta dei
plass i forhold til laurdag. Herbjørn C. Haug kom på
tredjeplass begge dagane.
Jostein Skjerve
klarte å vinna den store klassen på søndag og, etter at han
var nede på 4. plass før finalen. Dermed har han fått ei lita
luke med sine 40 poeng ned til Stian Engh som har 34 poeng etter
2 andreplassar. Dei 2 neste rundane i NM i bakkeløp går i Trøndelag
den 14. og 15. juni.
---
Resultater under "Live ! Service" på Motorsportavisen.no ---
Svein
Bjarte Holten nr. 14 i 1. NM-runde i bakkeløp
Svein Bjarte Holten kom på ein litt skuffande 14. plass i 1.
NM-runden i bakkeløp i Skien lørdag. Focus-en gjekk ikke
skikkeleg, men dei håpar no å ha løyst problemet før andre
runden som går søndag. Tommy Bakkerud vart nr. 5 og Knut Erik
Ludvigsen vart nr. 6.
Ein
annan bergenser, Jostein Skjerve imponerte og vann ein jamn kamp
i klassen over 2000 ccm i sin store Holden Commodore. Bakken i
Skien passa nok den motorsterke Holden til Skjerve.
Aleksander
Skeie og Per-Gaute Østbø vann
Aleksander Skeie og Per-Gaute Østbø dominerte og vann alle
sine heat inkludert finalane i eit vått klubbløp. Nesten alle
årstider var representert under klubbløpet, frå strålande
solskinn til haglebyger og stri-regn.
Aleksander Skeie tok starten i
jr.-finalen, og hadde full kontroll. Bak han var det kamp om
plasseringane. Både Stian Lilleskog, Ole Johannes Stople og
Ingar Utaaker var
høgt oppe før dei fall bakover i feltet. Til slutt vart det
Roald Johan Saltvedt som vart nr. 2 framfor Stian Lilleskog på
tredjeplass. Aleksander Stople stilte ikkje til start i finalen
etter at han knekte ein drivaksling i 3. omg.
Også Per-Gaute Østbø hadde
full kontroll i seniorane sin finale. Nærmast han ut frå start
var vinnaren av B-finalen, Tore Hundsnes. Etter hard kamp med
Tom Jøran Johnsen om andreplassen vart Tore ståande, og runden
etter ville ikkje motoren i Fiaten til Tom Jøran gå rundt
lenger heller. Dermed vart det Geir Harald Skeie som tok
andreplassen framfor Harry Aas, som var "vikar" for
sonen Frode. Lars Reidar Frøyland måtte stå over finalen
etter problem med ein vippearm.
---
Resultatliste ---
Klubbløpet
utsett 1 time. Start kl. 11.00
Klubbløpet er flytta 1 time slik at 1. omgang startar kl. 11.00
laurdag 10. mai.
Tidsplanen er oppdatert i tilleggsreglane som du finn her
...
--
Foreløpig startliste 10. mai (klubbløp i bilcross) ---
Eikeland
igjen i Egersund
 Sjølv
om det ikkje var planen dukka Øyvind Eikeland likevel opp i
Egersund til den fjerde runden i Vestlandsmesterskapet, og
kjørte inn til sin tredje seier av tre moglege så langt i den
store nasjonalklassen. I den minste nasjonalklassen vart Rune
Lutsi nr. 2 etter onkel Ernst Roald, medan Ernst H. Holten
Leifsen vart nr. 3. Svein Bjarte Holten vart nr. 2 i
supernasjonal inntil 2000 ccm, bak fjorårets norgesmester i
bakkeløp, Pelle Erland frå NMK Konsmo.
---
Les meir ---
Knattecross-sykkel
tilsalgs
Som ny 2003 mod Yamaha PW-80 til salgs Sykkelen er brukt ca. 2
måneder Passer for 6-9 år. Selges pga. overgang til større
sykkel.
Interesserte kan ta kontakt med: Geir Heggen 5580 Ølen Tlf.
53-768602
Oppdaterte
tilleggsreglar for klubbløpet.
Tilleggsreglane er endra slik at det vert "rallycross-oppstilling"
på start i finalane.
--- Les meir
---
Pressemelding
før bakkeløpet i Egersund
Kollisjon med konfirmasjonar er eit problem for mange i månadskifte
april/mai. Blant dei som ikkje stiller til start pga. dette i
bakkeløpet i Egersund på søndag er Leif Roald Bjelland og Øyvind
Eikeland.
---
Les meir ---
Klubbløp
i bilcross 10. mai.
For å gi eit tilbod til seniorar som driv med bilcross, vil
bilgruppa prøva å få til eit klubbløp i bilcross laurdag 10.
mai. Samtidig vil det bli trening for rallycross. Det er no opna
for påmelding via internett også. Hugs at du MÅ ha med
namn på 2 vakter som stiller 10. mai.
--- Les meir
---
Pressemeldinga
etter løpa
Her er pressemeldinga frå holtenmedia etter VM-rundane i
Vikedal.
---
Les meir ---
Johan
Andrè Øverland vann BC jr. igjen
 Johan
Andrè fortsette der han avslutta fjorårssesongen, nemleg med
å vinna bilcross junior klassa. Som einaste førar med 3
heatseierar var han favoritt, og var aldri truga i finalen. Ørjan
H. Vikedal kom nærmast etter hard kamp med Stian Tysnes, ein
kamp Stian tapte etter eit over-ivrig forbikjøringsforsøk i
siste sving som førte til femteplass i staden. Knut Endre Fønnebø
Ringhagen (som debuterte i Bergen for 14 dagar sidan) vart nr.
3, Anders Nytveit, NMK Bergen, nr. 4, Stian Tysnes nr. 5 og
debutanten Aleksander Stople nr. 6.
---
Resultater ---
NMK
Vikedal dominerte i nasjonal
Øyvind Eikeland fulgte godt opp seieren frå bakkeløpet, og
vann også dagens rallycrossløp i nasjonal over 2400 ccm
framfor Ole Vidar Helland og Nils Arve Helland. Ernst Harald
Holten Leifsen vann den nasjonal inntil 2400 ccm framfor Ernst
Roald Lusti, NAF MS Gjesdal, og Rune Lutsi.
---
Resultater ---
Bakkerud
og Nevland vann supernasjonal
Det var favorittane som vann i supernasjonal. Tommy Bakkerud
dominerte som vanleg klassen inntil 2000 ccm, men Svein Bjarte
Holten var ikkje langt bak i finalen. Knut Erik Ludvigsen vart
nr. 3. I klassen over 2000 ccm vann Eivind B. Nevland, NMK
Egersund, framfor Morten Hagen, NMK Bergen. Jostein Skjerve, NMK
Bergen, vart nr. 3.
---
Resultater ---
Vinnerane i rallycross, f.v. Eivind B. Nevland, Tommy
Bakkerud, Ernst Holten Leifsen og Øyvind Eikeland.
Øyvind
Eikeland vann debutløpet
Etter ei knalltid i prefinalen gjekk Øyvind Eikeland til topps
i nasjonal over 2400 ccm i bakkeløpet i dag. Rune Lutsi vann
nasjonal under 2400 ccm, medan Ernst Harald Holten Leifsen måtte
ta til takke med 3. plass bak Steinar Stokke frå NMK Bergen i
boble. I supernasjonal inntil 2000 ccm vart Svein Bjarte Holten
nr. 4. Som vanleg vann Tommy Bakkerud, KNA Bergen, framfor Jan
Gabrielsen, KAK, som var 7 hundredeler framfor Knut Erik
Ludvigsen, NMK Bergen. Eivind B. Nevland, NMK Egersund, hadde
også ei knalltid i 2. omgong som gjorde at han vann framfor
bakkeløpspesialisten Stian Haugan, KNA Telemark. Det var svært
fuktige forhold i starten av bakkeløpet, men det tørka opp
framover mot finalen.
---
Resultatliste ---
Vi
ønskjer deltakerar og publikum velkommen til bakkeløp og
rallycross/bilcross jr. i helga.
--
Foreløpig startliste 26. april (bakkeløp) ---
--
Foreløpig startliste 27. april (rallycross/bilcross jr.) ---
Trening
med bil på forespørsel
Dei som har ønskje om å trena med bil kan kontakta Svein
Bjarte Holten, tlf. 52767377(a), 52760505(p) eller 98283791, for
å melda behovet. Han organiserer då trening enten onsdagar kl.
17.00-18.00 eller laurdag 11.00-13.00 etter nærmare avtale.
Hvis de er raske, kan det bli trening onsdag 24. april (før
dugnaden).
Dugnad
på onsdag
Det vert dugnad onsdag 24. april frå kl. 18.00. Det er fortsatt
ein god del arbeid som skal gjerast før anlegget er klart til
bruk.
Pressemeldinga
før løpet
Her er pressemeldinga som er sendt ut før løpet.
---
Les meir ---
Klubbløp
i bilcross 10. mai.
For å gi eit tilbod til seniorar som driv med bilcross, vil
bilgruppa prøva å få til eit klubbløp i bilcross laurdag 10.
mai. Samtidig vil det bli trening for rallycross.
--- Les meir
---
Påmelding
og startlister for 26-27/4
Påmeldingsfristen for bakkeløpet 26. april og
rallycross/bilcross jr. 27. april nærmar seg (16. april), så
dei som vil unngå etteranmeldingsgebyr må få sendt påmeldinga
snarast.
Pressemeldinga
etter VM-runden på Klepp
Her er pressemeldinga frå Vestlandsmesterskapet etter runden på
Klepp.
---
Les meir ---
Skuffande
deltaking på Klepp
1. runde i Vestlandsmesterskapet gjekk med skuffande lite
deltaking på Klepp søndag. Holten Motorsport gjorde det svært
bra ved at Svein Bjarte Holten vann supernasjonal i/2000 ccm og
Ernst Harald Holten Leifsen rallycross nasjonal i/2400 ccm.
---
Les meir --
Fine
resultater i Bergen
Ørjan Vikedal vann BC jr. og Geir Harald Skeie nr. 4 i senior i
1. runde i Værsting cup i Bergen på laurdag.
---
Les meir ---
Tilleggsreglar for 26. og 27. april lagt ut
Tilleggsreglane for 26. og 27. april er no lagt ut. Bakkeløpet
vil i år bli kjørt i ein litt annan trase enn i fjor. Det
opnar med ein vanleg runde på rallycrossbanen før ein tar ei
tønnevending på startplata og kjører over bakketoppen og ned
til mål igjen. Bakkeløpet blir dermed ca. 1240 m. langt. Det
vil bli kjørt etter NM-reglane, dvs. ein kvalifiseringsrunde,
prefinale og finale. Hugs påmeldingsfristen som er onsdag 16.
april.
---
Tilleggsreglar ---
Påmeldingsrutina på nett klar til bruk
Muligheten til å melda seg på løpa over nettet
er no klart til bruk. Rutinen er litt endra i år, slik at du
automatisk får melding tilbake med kopi av dei opplysningane du
har sendt. Dermed får du ei kvittering på at du er påmeldt.
--- Påmeldingsskjema
---
Klare for asfalt
Palmesøndag er det klart for første runde i
Vestlandsmesterskapet på Klepp Kart Ring ved Stavanger. Etter eit
testløp i fjor haust er det KNA Klepp Karting saman med KNA
Stavanger som står som arrangører av årets første
mesterskapsrunde.
--- Les meir ---
Uttaket til BC jr. teamet er klart
Det vart Stian Tysnes, Ørjan Vikedal, Knut Endre Fønnebø
Ringhagen, Stian Lilleskog, Aleksander Skeie og Per Inge Sandvik
som kvalifiserte seg til NMK Vikedal sitt BC jr. team som får
fri transport til 1. runde i Værsting cup palmelaurdag.
--- Les meir ---
Godt med folk på dugnaden
Det var godt med folk på dugnaden på laurdag, så det vart utført
masse nyttig arbeid. Døra i speakerbua vart bytta, div. anna
snekkerarbeid vart utført, masse rekkverk vart retta opp og
forsterka, premieringsplass vart laga og publikumsplassar bak
speakerbua påbegynt. Midt på dagen var det matpause med
lapskaus frå Westcon, noko alle sette pris på.
Oppdatert reportasje frå enduroløpet
Vi har fått nokre bilder frå Jan Hegerland som no er lagt ut
saman med reportasjen frå enduroløpet.
--- Les meir ---
Team BC junior uttaket
Juniorar som er interessert i å kjempa om plass på Team BC jr.
og gratis transport til Bergen, må melda seg på løpet i Bergen
for å unngå etteranmeldingsgebyr. Ved spørsmål kan du
kontakta Johannes på tlf. 98283794. Bergenserane aksepterte
ikkje å få namna på måndag. Dei som evt. ikkje får plass på
laget kan melda avbud etter at uttaket er klart, kostnadsfritt.
Påmeldingsfristen er torsdag 3. april. Sjekk her
for meir info. om påmeldinga til Bergen.
Hugs påmelding til 1. runde i VM
 Det
er foreløpig litt lite påmelding til 1. runde i
Vestlandsmesterskapet som går på Reve Kart Ring på Klepp søndag
13. april. Dei som planlegg å kjøra og ikkje er påmeldt enno,
må ta kontakt med arrangøren snarast mogleg.
---
Les meir på Vestlandsmesterskapet.no ---
Tilleggsreglar
i pdf-format
Vestlandsmesterskapet i Enduro:
Ole Eirik Mæland vann junior-klassa
Me gratulerer ein av dei flittigaste motocross-utøverane våre, Ole Eirik Mæland
frå Etne, som vart gledeleg overraska då det viste seg at han vann
junior-klassa (under 23 år) i Vestlandsmesterskapet i enduro som vart
arrangert på Helganes Motorsenter i helga. Enduro er ein
uthaldningsgrein der det vart kjørt samanhengande i 2,5 timar i
terrenget. Som de kanskje har sett i Haugesunds Avis, vart det
ein sølete affære. Senior-klassa vart
vunne av ørken-reven Pål Anders Ullevålseter. Bror til Ole
Eirik, Anders Mæland, deltok og i oppvisningsklassa for 85 ccm.
--- Les meir
(inkl.
bilder)
på arrangøren sine Web-sider ---
Sure forhold under lisenskjøringa
Det var sure forhold som møtte kursdeltakerane på lisenskursa
laurdag 29. mars. Etter lengre tid med fint vær starta regnet
om morgonen. Sjølv om det vart tekniske problemer med nokre av
bilane, fekk dei fleste kjørt nok til at det vart godkjent.
---Les
meir ---
Hugs påmelding
til dei første løpa
Det er på tide å tenkja på påmelding til dei første løpa.
Bilcross: 1. runde i Værsting cup i bilcross (både
junior og senior) går på Eikås Motorsenter i Bergen laurdag
12. april. Arrangør er KNA Bergen, og du finn ytterlegare
opplysningar på web-sidene deira her
... Reglane for Værsting cup finn du ved å følge linken
over. Løpet har og klasse for Rallycross Nasjonal.
Rallycross: 1. runde i Vestlandsmesterskapet går på
Reve Kart Ring på Klepp søndag 13. april. Nærmare informasjon
finn du på Vestlandsmesterskapet sine heimesider her...
Rykter
om bilar og aktive i rallycross
Det er nok ein del som er spent på kva som kjem ut av dei mange
garasjane til dei første løpa. For å lette litt på spenninga
har vi laga ei lita liste over det vi veit eller har funne ut
via internett-sider eller andre uautoriserte kjelder.
--- Les
meir ---
Ikkje
gløym konkurransen her
...
Dugnads
- og treningshelg 4.-6. april
Anleggskomiteen i samarbeid med treningskomiteen for bil vil
helga 4.-6. april arrangera ei kombinert dugnads- og
treningshelg. Målet med dette er å få ein godt samansveisa
gjeng før sesongstart, samstundes som det blir gjort ein del
nyttig arbeid.
Tidsplan:
Fredag 4. april
Dugnad frå kl. 17.00 - 21.00
Snikkerarbeid, maling, rydding, grøfting, steinplukking osv.
Kontaktperson: Leif Roald Bjelland, tlf. 52761529/91534212
Laurdag 5. april
Dugnad frå kl. 10.00 - 16.00
Snikkerarbeid, maling, rydding, grøfting, steinplukking osv.
Felles matservering
Kontaktperson: Øyvind Eikeland, tlf. 52765917/97534405
Søndag 6. april
Trening for bil, kvalifisering til Team BC jr. (sjå lenger ned)
Frammøte seinast kl. 12.00
Kontaktperson: Svein Bjarte Holten, tlf. 52760505/98283791
Det er fint om dei som kan tar med håndverktøy, motorsag,
ryddesag o.l
Er det nokon i nærheten som kan ta med traktor m/skuffe,
tilhengar eller pumpevogn er det fint om det avtalar det med
kontaktpersonane på førehand. Det vil bli søkt om løyve til
å svi av noko gras og då kan det vera fint å ha ei eller to
tankvogner med vatn i tilfelle problemer. Det er også avtalt av
vi skal ha ein gravemaskin tilstades som skal jobba både med
bil- og motocrossbane.
Kvalifisering
til Team
BC jr. NMK Vikedal.
I Værsting cup 2003 er det eigen klasse for bilcross jr. For
å hjelpa juniorar med transport til Bergen der 2 av rundane går,
vil NMK Vikedal i samarbeid med Ølen Betong Transport AS sponse
transport for 6 deltakerar. Første runden går i Bergen
allereie den 12. april, så det vert arrangert "amerikansk
uttak" på treninga den 6. april. Kvar kandidat kjører på
tid i 1,5 runde og vil få 2 forsøk. Beste tid av dei 2 forsøka
tel. Dei 6 beste vil få tilbud om fri transport til Bergen på
dei 2 rundane i Værsting cup som går der. Dei andre vil vera
reservar. Dersom de har spørsmål kan de kontakta bilgruppa
v/Johannes Holten Leifsen, tlf. 982 83794.
Mange
bilar til kontroll
Det var mange bilar som møtte til kontroll på laurdag.
I Sandeid vart det kontrollert 15 bilar, i Haugesund mellom 15
og 20.
--- Les meir
---
Ein
liten konkurranse til å korte ventetida med
For å korte ned ventetida til sesongstart har vi laga
til ein liten konkurranse.
Vi har hatt ein utskremt medarbeidar på garasjereportasjetur,
men ikkje veit han kor han har vore, og ikkje frå kva bil
bildet er knipsa. Som de ser er det bakhjula som var mest
interessante. Vi ber publikum om hjelp, og rett svar blir med i
trekninga om ei gratis påmelding på eit av løpa i Vikedal i
2003 eller nokre fribillettar dersom ein ikkje-aktiv vinn. Tips
kan du senda på e-post til post@nmk-vikedal.net
Her er bilda. Trykkjer du på dei får du opp
eit litt større bilde.
Svært
god påmelding til lisenskursa
Det blir meldt om svært god påmelding til lisenskursa.
Lisenskurset for motocross som var fredag 14. mars hadde 12
deltakerar, bilcross junior kurset som startar onsdag 19. mars
har 14 deltakerar, medan hastighetslisenskurset som startar 26.
mars har 12 påmeldte deltakerar.
Teknisk
årskontroll for bil
Det vert teknisk årskontroll for bil laurdag 22. mars frå
kl. 11.00 og utover. Kontrollane vert hjå BTM Total Service i
Ørpetveitsveien i Haugesund og på Suldal Billakkering i
Sandeid. Nytt av året er det at kontrollen kostar kr. 100,- pr.
bil. For å begrensa arbeidsbyrden på kontrollantane vil årskontrollar
utanom desse kosta kr. 300,-. Har du spørsmål kan du kontakta
bilgruppa v/Johannes H. Leifsen på tlf. 982 83794.
Bilcross:
Kva kostar det med eigen bil og kva treng du
av utstyr?
Ei glad og fornøgd Irene Høyvik er
snart klar til å starta bilcrosskarriera i nybygd, rosa Sierra.
Denne bilen har du kanskje sett på vegen mellom Tysvær
og Haugesund, eller andre plassar i distriktet. Den er no i ferd
med å forlata sin jobb på offentleg veg for å bli
"racerbil" på sine gamle dagar. Vi har sett litt på
kva det kostar å byggja om frå gatebil til bilcrossbil, og kva
meir du treng.
---
Les meir her ---
Kurs
for bilcross junior og rallycross/asfalt/bakke
NMK Vikedal vil i år som tidlegare arrangere nødvendige
kurs for dei som ønskjer å delta i bilcross junior og
rallycross/bakke/asfalt - nasjonal eller supernasjonal. Vil du
vite meir om kursa kan du trykkje her,
eller du kan kontakte Sivert Ole Holten på tlf. 905 47433.
Påmeldingsfristar: Bilcross jr. 7. mars
Rallycross/bakke/asfalt 14. mars
Rune
Lutsi vann siste isløpet i Sigdal
Rune Lutsi, som no køyrer for NMK Vikedal, tok steget
heilt til topps i Rallycross Nasjonal i isløpet på Solevann i Sigdal i helga.
Du kan lesa meir om løpet og Rune sin innsats på www.bilcross.no
Reglar
for mestermøtet 29. juni
Det er lagt ut reglar for mestermøte på sida for løpet.
Der finn du og oversikt over kvalifiserte deltakerar så langt.
---
Les meir her ---
Reglar
for NMK Vikedal Cup
No er løpa og reglementet for NMK Vikedal Cup
2003 klar. Cupen går som i fjor over fire løp, men
septemberløpet for bilcross junior er flytta til
bilcrossløpet i august. Ellers gjer me merksam på at
bilcrossløpet 24. august, no er flytta til 17. august, dette
for å unngå kollisjon med Landsfinalen i bilcross
som går 23. august. Finale i NMK Vikedal Cup blir det som
vanleg i oktober.
--- Les reglane her ---
Informasjonsmøte
laurdag 15. feb. kl. 11.00 hjå Neumann Bygg i Haugesund
Det første informasjons-/medlemsmøtet i år vert som i fjor i 2. etg.
hjå Neumann Bygg på Bakarøya i Haugesund. Møtet startar kl.
11.00.
Saksliste :
- Opning og presentasjon
Steinar
- Info. vedr. planar om nybygg
Styret
- Kurs 2002
Tom Jøran
- Dugnad/lokkemiddel til meir innsats
??/Steinar
- Info. frå MC-gruppa
Jan
- Info. frå bilgruppa
-
Cupar i 2003
Johannes
-
Endringar i regelverket
Svein Erik
-
Trening, bil
Svein Bjarte
-
Treningsleir
Sivert Ole
-
Lokale kontaktpersonar
Johannes
- Eventuelt
Ta med alle motorsportsinteresserte du kjenner og kom. Alle
er hjarteleg velkomne. Etter møtet er det sett av tid til
uformelle diskusjoner og kaffi.
Ny
utgåve av Grusspruten
I helga vart det sendt ut ei ny utgåve av Grusspruten
til alle medlemmer. Hovudsaka er innkalling til medlemsmøte
laurdag 15. feb. Vi har også med foreløpig terminliste og
oppdaterte organisasjonskart. I tillegg har vi tatt med litt rykter
om kva som skjer rundt om i garasjane.
--- Les meir her
---
Deling
av rallycross nasjonal i Vestlandsmesterskapet
Etter mykje, positivt engasjement frå dei aktive, vert
det no deling av rallycross nasjonal i inntil og over 2400 ccm i
Vestlandsmesterskapet. Dersom det vert få påmeldte kan
klassane bli kjørt saman i innleiande omgangar. Dei oppdaterte
reglane finn du her
...
Denne delinga kan og få konsekvensar for klassen i NMK
Vikedal cup, men det vil vi komma tilbake til.
Rune
Lutsi nr. 2 i isløpet i Sigdal i helga
Rune Lutsi, som no køyrer for NMK Vikedal, vart nr. 2 i
Rallycross Nasjonal i isløpet på Solevann i Sigdal i helga.
Roger Andy Sjøgren, KNA Nore og Uvdal, i Volvo 240 vann.
Du kan lesa meir om løpet og Rune sin innsats på www.motorsportsavisen.no
og her
på bilcross.no
Oppdateringar
av sida framover
Reglementet for cup'ane er stort sett klart. Vi håpar å
få leggja ut desse i løpet av kort tid samstundes som vi lagar
linkar til sesongens løp istadenfor fjorårets som nå ligg på
toppen her. Deretter satsar vi på oppdateringar/nyheter minst 1
gong i veka. Det kan vera at vi endrar litt på utseende av sida
og, men det kjem vi tilbake til.
Terminliste
for sesongen 2003
Laurdag 26. april Bakkeløp (2. runde i VM)
Søndag 27. april Rallycross (3. runde i VM)
Laurdag 7. juni Bilcross/rallycross
Søndag 8. juni
Bilcross/rallycross
Laurdag 28. juni Motormarked
Søndag 29. juni Mestermøte
(Bilcross/rallycross)
Søndag 17. aug. Bilcross
Laurdag 20. sept. Bakkeløp (7. runde i VM)
Søndag 21. sept. Rallycross (8. runde i VM)
Søndag 12. okt. Bilcross/rallycross
I tillegg er det planlagt 2 motocross-løp, men dato for
desse er ikkje fastsett enno.
|
