Ørjan Vikedal vann BC jr. og Geir Harald Skeie nr. 4 i senior
Etter
litt problemer med påmeldingane enda Team BC jr. NMK Vikedal
opp med 5 deltakerar i Bergen i helga. Det var Knut Endre F.
Ringhagen (svart/oransje Sierra på bildet under), Ørjan
Vikedal (raud/kvit Sierra), Per Inge Sandvik (raud/kvit Volvo),
Stian Tysnes (svart/lilla Sierra) og Stian Lilleskog (gul/raud
Escort). I tillegg deltok Geir Harald Skeie (blå/gul Peugeot
t.v. på bildet), Per-Gaute Østbø (gul Skoda t.h. i bildet) og
Tom-Jøran Johnsen (Fiat Abarth utanfor bildet). I rallycross
nasjonal debuterte Jostein Hannisdal frå Osterøy, som er
medlem i NMK Vikedal, i ein strøken Volvo PV.
Tom-Jøran Johnsen var uheldig og starta i det første heatet i
bilcross. Banen var då ikkje vatna, noko som gav store støv-
og siktproblem for dei som låg bak. I depotsvingen havna han
oppå kurbsen før han såg den, og velta rundt og opp på sida
igjen. I eit av dei seinare heata kjørte Geir Harald Skeie inn
til seier, medan Per-Gaute Østbø vart nr. 5 etter at Skodaen
ikkje ville gå reint. Det vart forsøkt med nokre andre
tennpluggar (Bosch) utan at det hjalp, men når han fekk låne
ein gammal Denso-plugg av ein konkurrent gjekk motoreren nesten
slik den skal. Men då var 2. omgong kjørt.
I junior
klassen var Stian Lilleskog først ute. I debut-løpet sitt var
det nok litt sommarfuglar i magen, og etter ei snurring vart det
4. plass i det heatet. Ørjan H. Vikedal hadde og ein liten
snurr i sitt heat, men berga i land 2. plassen. I siste heatet
var det 3 frå NMK Vikedal. Per Inge Sandvik tok starten framfor
den andre debutanten, Knut Endre F. Ringhagen. Stian Tysnes var
overraskande nede på 3. plass. Litt ut i heatet smatt Knut
Endre forbi Per Inge, samstundes som også Stian måtte sleppe
ein forbi seg. Dermed vann Knut Endre framfor Per Inge med Stian
Tysnes på 4. plass. Etterpå viste det seg at Stian hadde litt
for lite luft i dekka, slik at det kom grus mellom dekket og
felgen og enno meir luft lek ut.
Tom-Jøran
hadde fått fiksa Fiaten slik at den var klar til andre omgong,
men alt var tydelegvis ikkje i orden. Etter ein halv runde måtte
han gi seg etter at panseret tok nedi batteripolane slik at
gnistspruten stod. Geir Harald kjørte framleis godt og klarte
no ein 2. plass. Stian Lilleskog gjorde det også betre og vart
nr. 3 i sitt heat. Ørjan og Knut Endre var i same heat, og der
vart det Ørjan som trakk det lengste strået og vann framfor
Knut Endre. Per Inge fekk verkeleg til startane i sin Volvo, og
tok Stian Tysnes i starten og slapp han aldri forbi.
I 3. omgang
sikra Geir Harald seg ein ny heat-seier. Tom-Jøran sin Fiat
gjekk ikkje skikkeleg etter rundvelten, medan Per Gaute vart nr.
2 etter at Skodaen gjekk noko betre med lånt plugg. Etter ein
snurring i første omgang fortsette Ørjan å kjøra sikkert og
godt og vann sitt heat "enkelt".
Ørjan Vikedal i tet i 3. omgong
Så
kom det som seinare vart friskt diskutert i depotet. Det er nye
reglar i år slik at starten går når det raude lyset vert slått
av. I dette heatet var det litt uroligheter på start før
mannen med 30 sek. skiltet har gått over banen. Starten vert
avbrutt og startaren slår av det raude lyset. Knut Endre og ein
annan førar trur dermed starten går og kjører i veg. Den
andre deltakaren er visstnok og nokså nærme mannen med 30 sek.
skiltet. Dei kjører ein runde før dei blir stilt opp på start
igjen og heatet vert kjørt. Knut Endre tek starten framfor Per
Inge, men må etterkvart sleppa Per Inge forbi seg og stillinga
held seg til mål. Etterpå vert dei to som tjuvstarta diska for
denne episoden, noko som dei fleste meinte var urimeleg ettersom
førerane jo var konsentrert om lyset og kjørte når lyset vart
slått av. Etterpå endra startaren rutinane sine, og gav klare
teikn til førerane at starten var avbrutt før han slo av lyset
og starta startprosedyren på nytt. Dermed gjekk Knut Endre
glipp av plassen i A-finalen som han hadde fortjent etter strålande
kjøring i debutløpet.
Per Inge Sandvik i tet framfor Knut Endre F. Ringhagen i 3.
omgong
I det siste heatet i 3. omgong tok Stian Tysnes starten med
Stian Lilleskog på 3 .plass. Etter ein runde vart Stian Tysnes
forbikjørt, noko som han likte så lite at han skulle ta igjen
alt i ein sving. Dermed gjekk han rett ut i autovernet og fall
ned til 4. plass. Stian Lilleskog sikra seg 2. plass.
Finalane
Stian Tysnes og Stian Lilleskog var våre deltakerar i B-finalen
for junior. Stian Tysnes tok starten framfor Stian Lilleskog, og
når ingen av dei gjorde nokon feil heldt stillinga seg slik til
mål. I A-finalen var svært jamnt og tett ut frå start. Det
var Ørjan som kom først fram til svingen framfor Stian Tysnes
og Morten Lavik frå NMK Bergen i VW Golf. Per Inge var også
lenge med heilt i teten, men framfor dommartårnet hoppa
coil-ledningen av og dermed var han ute av dansen.
Ørjan kjem litt langt ut og Stian smett forbi på innsida
Etter 2 rundar kjem Ørjan litt langt ut i depotsvingen, og
Stian smett forbi på innsida. Men ein liten runde seinare er
det Stian som gjer ein liten feil og må sleppe Ørjan forbi
seg. Litt seinare må Stian og sleppe Morten Lavik forbi seg, og
denne stillinga heldt seg til mål. Dermed vart det første
seier til Ørjan H. Vikedal, framfor Morten Lavik og Stian
Tysnes. Per Inge Sandvik vart nr. 6 og Stian Lilleskog nr. 7.
Ørjan Vikedal framfor Morten Lavik, NMK Bergen, og Stian
Tysnes noko som og vart stillinga i mål
Det
var i A-finalen for senior at den store dramatikken skulle oppstå.
Finn Endre Skår i boble (den einaste i A-finalen) tok teten ut
frå start, med Per Arne Blindheim i Opel og Geir Harald Skeie
like bak. Han opparbeide seg litt avstand til dei bak, der det
var 4 bilar som slåss om 2. plassen. Etter ein dryg runde er
Geir Harald oppe på sida av Blindheim, men Sigbjørn Hannisdal
nyttar sjansen og kjem også tett oppi dei. Dermed vert det ein
kjempesmell i svingen, og Geir Harald vert ein av dei
tapande partane. Det var ikkje mange flate platebitane igjen på
Peugeoten etter samanstøtet med ein Kadett og ein PV.
Eit uskarpt bilde av ein maltraktert Peugeot på 4. plass bak
Harald Roger Tuft
Han kjem seg likevel vidare, og slåst til siste meter om
pallplassen, men må ta til takke med 4. plass. Finn Endre Skår
vinn, framfor Sigbjørn Hannisdal og Harald Roger Tuft.
I rallycross nasjonal vart Jostein Hannisdal nr. 10 etter at
motoren ikkje gjekk heilt skikkeleg i dei siste heata.
Oppsummering
Lagleiar Johannes H. Leifsen var godt nøgd med resultata i
bilcross jr. Dei sjølve var også svært tilfredse med
resultata og ser fram til neste løp i Vikedal om 14 dagar.
F.v. Per Inge Sandvik (blå kjøredress), Stian Tysnes, Ørjan
Vikedal (blå caps), Stian Lilleskog (bak) og Geir Harald Skeie
(framme) saman med nokre supporterar.