Vestlandsmesterskapet 2003

Eikeland igjen
Tekst/foto: Sivert Ole Holten, holtenmedia

Sjølv om det ikkje var planen dukka Øyvind Eikeland likevel opp i Egersund til den fjerde runden i Vestlandsmesterskapet, og kjørte inn til sin tredje seier av tre moglege så langt i den store nasjonalklassen. Ellers vann Pelle Erland som venta Supernasjonal inntil 2000 kubikk, medan Ernst Roald Lutsi og Frode Holte vann dei to andre mesterskapsklassene.

Øyvind Eikeland takkar både bobla og sponsorane for at han har kome så godt i gong med sesongen.

Dermed gjekk det som frykta for Eivind B. Nevland, som etter tre seirar så langt på bortebane, endeleg skulle få vise seg fram for heimepublikummet. Sjølv om det vart ein andre plass på Egersundgutten, var det tydelig at han ikkje var tilfreds med det. - Nei, eg fekk ikkje bremsane til skikkeleg og det fungerte ikkje optimalt under tønnevendingane, var hans kommentar til dette. Og når det til overmål er tre tønnevendingar i Egersund vart Nevland til slutt slått av NMK Konsmo føraren Frode Holte med fire sekunder. Med tida 1.01.83 var også Holte totalraskast i løpet, sjølv om Pelle Erland i klassen under kom hakk i hel med tiden 1.02.11. At det var vått og glatt såg ikkje ut til å affisere Konsmo kjøraren. - Alt fungerte i dag og at det var glatt var jo likt for alle. Sjølv med sine 20 år har Frode Holte nokre år på nakken i bilsport. - Eg starta då eg var 15 år og dette er andre sesongen min i rallycross, sa Holte som dermed har fått testa redskapen og ser fram mot åpninga av bakkeløps NM som startar i Skien til helga. 

NMK Konsmo føreren Frode Holte satte alle på plass i store Supernasjonal og ble til slutt også totalraskest i bakken.

I Supernasjonal inntil 2000 kubikk vart dagen ein parademarsj for Pelle Erland som også var ute for å teste redskapen framfor ein viktig NM-sesong. - Eg har gjort mange endringar på bilen framfor denne sesongen og eg fekk konstatert at bilen er enno betre enn tidlegare, kunne Erland fortelje, ein førar som har sett seg store mål før sesongen. - I fjor vart eg norgesmester i bakkeløp medan eg vart nummer tre i rallycross, og målet i år må vera å ta heim mesterskapet i begge disiplinane.

Pelle Erland hadde gjort mange endringar på sin Mazda RX 7 i løpet av vinteren, og kunne konstatere at ting fungerte.

Ein mann som overraska både seg sjølv og andre var Ernst Roald Lutsi som igjen stod med ein vinnarpokal i handa etter at det var 15 år sidan sist. - Før sesongen kjøpte eg ein Golf som hadde gått i asfalt slik at eg kunne vera med og ha det litt løye. Men nå ligg eg jo på tredjeplass i Vestlandsmesterskapet så nå blir eg med på resten av moroa, sa ein tilfreds Lutsi som altså tar turen til Bergen om tre veker.

 

NMK Vikedal i støtet
Etter fire rundar i Vestlandsmesterskapet har førerane frå NMK Vikedal markert seg sterkare enn på mange år, og etter at fire rundar no er kjørt leiar Øyvind Eikeland, Ernst Holten Leifsen og Svein Bjarte Holten kvar sine klassar. I Egersund var det Øyvind Eikeland som gjorde det best og kunne kjøra inn til sin tredje strake seier. - Ja, sjølv om eg fikk vatn i tenningssystemet i prefinalen var det denne tida som heldt til seier til slutt, sa ein svært glad Eikeland som no ser med spenning framover mot fortsetjinga. - Vi kan jo stryke eit løp når status skal gjerast opp og med tre seirar i boks er det berre å kjøre på vidare. For Holten Motorsport-førerane Svein Bjarte Holten og Ernst Holten Leifsen vart det også pallplasseringar, men medan Svein Bjarte Holten kjørte seg opp til ein andreplass i finalen vart det to plassar ned for Ernst Holten Leifsen. - Eg leda på mellomtida, men bomgira på returen og dermed tapte eg eit sekund. Likevel var begge fornøgd med innsatsen, og med to poengs leiing i samandraget føler Svein Bjarte Holten at han har lagt eit bra press på Tommy Bakkerud før dei to neste rundane som går på Eikås Motorsenter ved Bergen. - Det er klart at Tommy Bakkerud er den største favoritten, men målet no må vera å leggja eit skikkeleg press på han når vi møtest i Bergen i slutten av mai.

Knut Erik Ludvigsen hadde tatt den lange turen frå Bergen for å kjempe om Vestlandsmesterskapspoeng. Han måtte nøye seg med ein fjerde plass.

 

Resultater bakkeløp i Egersund 4. mai 2003
Rallycross nasjonal inntil 2400 kubikk
1. Ernst Roald Lutsi NAF Gjesdal
2. Rune Lutsi NMK Vikedal
3. Ernst Holten Leifsen NMK Vikedal
4. Jon Vatland NAF Gjesdal
5. Odd Byberg NMK Sandnes&Jæren

Rallycross nasjonal over 2400 kubikk
1. Øyvind Eikeland NMK Vikedal
2. Stig Tore Lian NAF Gjesdal
3. Nils Arve Helland NMK Vikedal
4. Rune Refsland NMK Egersund
5. Øyvind Tveit NMK Vikedal

Supernasjonal inntil 2000 kubikk
1. Pelle Erland NMK Konsmo
2. Svein Bjarte Holten NMK Vikedal
3. Geir Røyrås NMK Konsmo
4. Knut Erik Ludvigsen NMK Bergen
5. Ole Kristian Nøttveit NAF Nordhordland
6. Cato Andersen NMK Konsmo

Supernasjonal over 2000 kubikk
1. Frode Holthe NMK Konsmo
2. Eivind B.Nevland NMK Egersund
3. Ørjan Lutsi NAF Gjesdal
4. Per Magne Røyrås NMK Konsmo
5. Kjetil Møn NAF Nordhordland

Stillinga i Vestlandsmesterskapet etter fire rundar:

Rallycross nasjonal inntil 2400 kubikk
1. Ernst Holten Leifsen NMK Vikedal 73
2. Rune Lutsi NMK Vikedal 70
3. Ernst Roald Lutsi NAF Gjesdal 62
4. John Vatland NAF Gjesdal 37
5. Steinar Stokke NMK Bergen 30
6. Bjørn Stormo NMK Bergen 26

Rallycross nasjonal over 2400 kubikk
1. Øyvind Eikeland NMK Vikedal 63
2. Nils Arve Helland NMK Vikedal 47
3. Ole Vidar Helland NMK Vikedal 30
4. Øystein Verlo NMK Bergen 26
5. Øyvind Tveit NMK Vikedal 25
6. Håvard Helland NMK Vikedal 24

Supernasjonal inntil 2000 kubikk
1. Svein Bjarte Holten NMK Vikedal 47
2. Knut Erik Ludvigsen NMK Bergen 43
3. Tommy Bakkerud KNA Bergen 42
4. Ole-Kristian Nøttveit NAF MS Nordhordland 37
5. Jan Gabrielsen KAK 25
6. Leif Roald Bjelland NMK Vikedal 22

Supernasjonal over 2000 kubikk
1. Eivind B. Nevland NMK Egersund 58
2. Kjetil Møn NAF MS Nordhordland 38
3. Jostein Skjerve NMK Bergen 30
4. Morten Hagen NMK Bergen 29
5. Terje Heggøy NMK Vikedal 24
6. Frode Holthe NMK Konsmo 21