Tøff kamp om poenga
Tekst/foto: Sivert Ole Holten, holtenmedia

Sjølv om Øyvind Eikeland alt har avgjort at han blir Vestlandsmester i den største nasjonalklassen, er ingenting avgjort i dei andre klassane. Knut-Erik Ludvigsen og Morten Hagen har føringa i supernasjonal, medan Ernst Holten Leifsen er i tet i minste nasjonal.

Det blei kamp om poenga i Vestlandsmesterskapet då førerane samla seg til bakke- og rallycrossløp på Vikedal Motorbane i helga. I den minste supernasjonalklassen vart det som venta ein kamp mellom Knut-Erik Ludvigsen og Tommy Bakkerud. Ludvigsen kom best i gong og vant bakkeløpet laurdagen, men med berre fire hundredeler ned til Tommy Bakkerud. Det same såg ut til å skulle gjenta seg i rallycrossløpet søndagen, der Ludvigsen nok ein gang gikk hardt ut og vant første omgong, framfor nettopp Tommy Bakkerud. Bakkerud svarte med bestetida i andre, men Ludvigsen sette likevel Bakkerud på plass i same heat i tredje omgong og sikra seg bestesporet i finalen. Ludvigsen som framfor finalen håpa at han skulle kunne ta Bakkerud, blei satt på plass. - Eg må berre innrømme at eg ikkje hadde mulighet i starten, seier Ludvigsen som er skuffa over dette, men likevel nøgd med det som skjedde i helga totalt sett. - Det store målet mitt denne sesongen er å bli Vestlandsmester og muligheten til dette er fortsatt så absolutt til stades, så nå er det berre å avgjera det heile i Bergen.

Tommy Bakkerud vant rallycrossløpet, men vart slått av Ludvigsen i bakkeløpet. Her er han i kamp med Ole-Kristian Nøttveit, med Svein Bjarte Holten på plassen bak.

I store super hadde Stian Haugan tatt turen over frå Telemark for å gi vestlandsførerane kamp på Vikedal Motorbane. I vår var også Haugan på plass i Vikedal, og kjørte då inn til andre plass i bakkeløpet bak Eivind B. Nevland. Då Haugan gjennom kvalifiseringa og prefinalen i bakkeløpet hadde kjørt seg skikkelig inn på traseen og var klar til å ta opp kampen mot Morten Hagen og Jostein Skjerve som så langt var dei beste, kom regnet. - Ja, det blei ein skikkeleg nedtur og vi hadde mest lyst til å forlate Vikedal og reise heim etter dette. Men Haugan blei til rallycrossløpet søndag og viste at han duger her og. Det blei bestetider både i første og andre omgong, og frå pole position hadde han ein kanonstart og var framfor Jostein Skjerve før første sving. Dette vart også stillinga over mål - Ja, i dag er eg meir tilfreds og i tillegg til resultatet har vi fått testa både dekk og innstillingar på bilen, så nå føler eg at det fungerar, var Stian Haugan sin kommentar til søndagens oppgjer.

Stian Haugan og Morten Hagen delte broderleg. Haugan vant rallycrossen, medan Hagen vant bakkeløpet på Vikedal Motorbane.

Morten Hagen var nok den i store super som var mest tilfreds med det som skjedde i helga, etter seier i laurdagens bakkeløp vart det nemlig ny pallplassering og tredjeplass i rallycrossen. - Ja, ein kan ikkje vera misnøgd med ein pallplass frå femtespor. Nå ser Hagen fram til finalen i Bergen, der han leiar med ni poeng ned til Kjetil Møn, med Jostein Skjerve på tredjeplass.

NMK Vikedal dominans
Medan det er bergensdominans i supernasjonal for tida, er NMK Vikedal i ferd med å gjera reint bord i nasjonal. I minste nasjonalklassen leiar Ernst Holten Leifsen framfor Rune Lutsi i samandraget, og i den største klassen har førerane frå helgas arrangørklubb lagt beslag på dei fem første plassen sammenlagt.

Etter løpa i helga kunne Øyvind Eikeland utropas til Vestlandsmester i store nasjonal. Bak skimtar vi Nils Arve Helland i sin Volvo.

Etter helgas løp kunne Øyvind Eikeland utropas til Vestlandsmester i store nasjonal, i tillegg til at det og er klart at Nils Arve Helland blir nummer to. Det var då og desse to som vant helgas løp på Vikedal Motorbane. Nils Arve Helland kjørte inn til bestetid i laurdagens bakkeløp, det samme gjorde Øyvind Eikeland i søndagens rallycross. Det blir likevel kamp om tredjeplassen samanlagt, der far Ole Vidar Helland har to poengs leiing på sonen Håvard. - Etter at det gjekk bra i dei første løpa i vår bestemte eg meg for å kjøra om en plass på pallen samanlagt, og det står fast, er Ole Vidar Helland sin kommentar til kva ein har i vente under finalen i Bergen i oktober. I den minste nasjonalklassen var det Ernst Holten Leifsen som dominerte under første dag på Vikedal Motorbane. Han vant bakkeløpet, og det såg ut til at han skulle nå målet sitt, nemlig å avgjera Vestlandsmesterskapet på heimebane. Men slik gjekk det ikkje og etter problemer i innleiande omgongar i søndagens rallycross, vart det full stopp i B-finalen etter problemer med straumen. - Ja, først stoppet viftene på radiatoren og da blei motoren så varm at det berre var å stoppe, sa ein skuffa Ernst Holten Leifsen. Framleis leiar han Vestlandsmesterskapet i sin klasse og sjølv om den verste konkurrenten i samandraget, Rune Lutsi, vant søndagens rallycross og tok innpå.