Surt vær, men effektiv dugnad
Første dugnaden for nytt kjøkken og kiosk gjekk i svært surt vær med kraftig nedbør frå morgonen av. Heldigvis letta det noko utover dagen, og det var også ein periode med god varme lokalt på motorbanen. Arbeidet gjekk raskt og effektivt, slik at det meste var gjort når maten kom.

Frammøte var brukbart, været tatt i betraktning med 14 arbeidssomme karar på plass. Denne dagen var det  desse som var på plass:
Tom Jøran Johnsen, Alexander S. Eikeland, Christian S. Eikeland, Ørjan Eikeland, Svein Bjarte Holten, Anton Holten, Bryn Rønnevik, Joakim Rønnevik, Knut Stølsmark, Per Gaute Østbø, Sigbjørn Østbø, Svein Erik Østbø, Svein Arne Moland og Glenn Olav Lothe. I tillegg var Geir Harald Skeie innom med nokre materialer.

Her ser de litt meir kva som vart gjort dei siste par timane minutt for minutt:

Kl. 12.15 Innhold av verdi er flytta inn i førarbrakka, taket er tatt av og brakkene er klar til riving. Straumen er forskriftsmessig kobla i frå og vatnet er kobla frå.	Kl. 12.18 Delinga av brakka mot førarbrakkene er snart klar.Joakim (med ryggen til) og Anton fylgjer med, men passar seg for motorsaga som Tom Jøran slipar på spikrane i brakka.
Kl. 12.28 Kjøkkenet og lageret er på veg vekk frå resten. Dugnadsgjengen fylgjer spent med om Svein Arne og hjullastaren får dei med seg.	Kl. 12.30 Brakka let seg flytta heile, og er no på veg inn mot innsjekksbrakka ved vegen.
Kl. 12.32 Brakka er klemt inntil den andre, og har flytta den litt framover.	Kl. 12.44 Kjøkken-/lagerbrakka er knust inn mot dei andre brakkene.
Kl. 12.47 Innsjekksbrakka vert knust og klargjort for brenning.	Kl. 12.48 Spent dugnadsgjeng lurer på korleis det skal gå når vi skal tenna på.
Kl. 12.51 Heldigvis var det ein røykjar i dugnadsgjengen som fekk oppdraget med å tenna på. Det brenn såvidt i ei gardin som er lagt inn i brakka.	Kl. 12.58 Det brenn skikkeleg i dei borterste brakkene.
Kl. 12.59 Svart røyk frå takpappen stig opp og driv mot Eikeland.	Kl. 13.00 Det er litt skremmande å sjå kor fort det går før alt er overtent.
Kl. 13.04 "Så varmt har det aldri vore på motorbanen" var ein av kommentarane.	Kl. 13.06 Det er så varmt at det dampar av bakken langt utover. Heldigvis er det litt trekk mot veien, slik at dei brakkene som skal stå litt til ikkje er truga.
Kl. 13.15 Etter 24 min. er det meste gjort og berre ein glohaug ligg att.	Kl. 13.25 Etter ein slik god jobb fortener alle litt god mat. Gryterett frå Westcon både gjorde og smakte godt.
Kl. 14.30 Det brenn fortsatt godt i glohaugen, mens opninga i brystet av dei gjenståande brakkene er tetta og isolert. Taket er støtta opp og surra fast slik at vinden forhåpentlegvis ikkje skal kunna gjera skade.