Fin åpning på Klepp
Tekst/foto: Sivert Ole Holten, holtenmedia

Det vart eit noko amputert stemne då første runde i Vestlandsmesterskapet blei avvikla på Klepp Kart Ring på søndag. Det som i utgangspunktet såg ut til å bli eit stemne med 30-40 bilar hadde skrumpet ned til i overkant av 20 da startskotet gjekk, men stemnet vart fint avvikla og Eivind B. Nevland viste at han blir ein mann å rekne med i år og.

Ein rekordtidleg start av Vestlandsmesterskapet i år må nok ta noko av skylda for at deltakinga på løpet ikkje blei den aller beste, men Gisle Kverneland frå arrangørklubben strålte som ei sol etter løpet.

- Ja, dette gjekk bra og når eg sjølv greidde å gå til topps i min klasse blei jo dagen perfekt, var hans kommentar like før premieutdelinga. Kverneland gikk nemlig til topps i klassen Special Saloon over 2500 kubikk i sin nyinnkjøpte Audi TT. 

Gisle Kverneland gjekk til topps i største Special Saloon-klassen i sin nybygde Audi TT

For fjorårets Vestlandsmester i store Supernasjonal var løpet på Klepp starten på ein lang sesong.

- Ja, med vestlandsmesterskapet, NM-runder og fem EM runder blir det vel snakk om en 10-15 løp før sesongen er over, seier Nevland som er fornøyd med løpet på gokartbanen som han vant utan nemneverdige problem.

- Litt svingete blir det og stort sett akselerasjon og bremsing, men etter vinteren er jo det kjempefin trening.

Nevland har ikkje gjort all verden med bilen etter fjorårssesongen, selv om bilen har vore plukka ned og gått over.

- Den blei bygd opp framfor fjorårssesongen slik vi ville ha den og vinteren har stort sett gått med til overhaling og lakkering.

Eivind B. Nevland viste at formen er i anmarsj

Spennende i nasjonal

Det var i rallycross nasjonal at deltakinga var størst på Klepp, og sjølv om Ernst Holten Leifsen slo Rune Lutsi med nesten eit sekund på tidskjøringa, sleit han med Lutsi i starten. Men både i innleiande omgang og finalen greidde Holten Leifsen å ta seg forbi. Han stilte også til start i røverheatet og også her gjekk ungguten frå Vikedal til topps. Holten Leifsen har i løpet av vinteren fått på plass ein Cosworth-motor i sin Escort MK II og med 270 hester under panseret blei dette ei heilt ny oppleving.

Ernst Holten Leifsen hadde problemer med Rune Lutsi i starten, men her er han i ferd med å distansera Kylles Racing - føraren

- No var det berre å dra bilen gjennom svingen med motorkraften, noko som eg ikkje kunne gjera med den gamle toliteren, seier han, som no er spent på korleis fortsetjinga blir på grusen heime i Vikedal der dei to neste rundane i Vestlandsmesterskapet går.

I tillegg vant Gerry Edland Special Saloon inntil 2500 kubikk medan Svein Bjarte Holten vant Supernasjonal inntil 2000 kubikk.