Jostein Skjerve i form
Tekst/foto: Sivert Ole Holten, holtenmedia

Etter at fleire av førerane frå Vestlandet var i Skien forrige helg og kjørte dobbel NM-runde i bakkeløp, er det tilbake til Vestlandsmesterskapet med bakkeløp og rallycross på Eikås ved Bergen. Jostein Skjerve er nok den som er høgast oppe om dagen, etter at han sette alle førerane på plass i store supernasjonal i begge NM-rundane, og dermed fekk ei perfekt oppladning for ny innsats på heimebane.

Etter solid innsats i NM i bakkeløp ser Jostein Skjerve fram til kjøring på heimebane.

Sjølv om målet for Jostein Skjerve framfor NM-åpninga i bakkeløp var å kvalifisera seg til finalane, gjekk det mykje betre enn han sjølv hadde venta. - Ja, det vart jo ei helt fantastisk helg og eg synest det var ein fin bane som passa min bil svært bra. Skjerve og den store Holden Commodoren hans har blitt eit trekkplaster for publikum på løpa i Vestlandsmesterskapet, og at det i tillegg nå også blir gode resultater i NM skulle ikkje gjera interessa mindre. - Planen min før sesongen var å starte i NM både i bakkeløp og rallycross, og at eg nå leiar i bakke gir skikkeleg inspirasjon for vidare satsing. Jostein Skjerve har i fleire år jobba med sin litt spesielle rallycrossbil og føler at Vestlandsmesterskapet har vore ein fin arena for å få testa ut og videreutvikla bilen. - Det er klart at dette gir mykje kjøretrening og er eit godt tilbud for oss, seier Skjerve som legg til at han kanskje vil vera ein litt meir forsiktig førar framover. - Eg er vel kjent for å ta skikkeleg i, men med så tett program både her på Vestlandet og i NM, kan det fort bli mykje skruing om du satsar alt inn mot første sving. Men på heimebane til helga er eg heilt klart på jakt etter to nye topplasseringar. 


Ørjan Lutsi dukka opp i Egersund med ein ny Volvo og kjørte inn til tredjeplass i store supernasjonal. Nå blir det supernasjonalkjøring resten av sesongen.

Deltakinga i store supernasjonal har vore litt tynn så langt år, men i Egersund dukka NAF Gjesdal-føraren Ørjan Lutsi opp med ein Volvo som han hadde vore i Sverige og henta. - Planen var eigentlig å bruka bilen i nasjonal, men nå har eg bestemt meg for å kjøre supernasjonal i Vestlandsmesterskapet ut sesongen, seier Ørjan Lutsi som blei nummer tre i Egersund.

Bakkerud klar
I supernasjonal inntil 2000 kubikk var både Tommy Bakkerud, Knut Erik Ludvigsen og Svein Bjarte Holten på plass i Skien, men sjølv om det ikkje blei nokon pallplass på desse, var dei alle tilfreds med resultata. Både Bakkerud og Holten hadde problemer med bensintilførselen, noko som blei utslagsgivande i den raske bakken. Bakkerud har funne feilen og har vore og testa bilen heime på Eikås. - Ja, no i ettertid har vi funne litt rusk i eit filter i bensinpumpa. Litt dumt for resultata i NM, men no er eg i alle fall skikkeleg klar for Eikås. 


Svein Bjarte Holten håpar å ha løyst problema som dei hadde i Skien med Focus'en.

Det er Svein Bjarte Holten som leiar Vestlandsmesterskapet i denne klassa og ein topplassering her sammenlagt er målet for sesongen. - Eg har kjørt alle løpa så langt og håpar å vera i toppen når sesongen er over. I tillegg kjører eg nokre NM-rundar når det passer slik, seier NMK Vikedal-føraren som og regnar med å vera på plass på Lyngås i månadsskiftet når rallycross-NM startar.

Tett i nasjonal
Også i nasjonalklassen har førerane frå NMK Vikedal kome godt i gong med sesongen, og både Ernst Holten Leifsen og Øyvind Eikeland, som leiar nasjonalklassane, er på plass i Bergen for å vera med i kampen om poenga vidare. Medan Eikeland har sikra seg ei solid leiing i samandraget til NMK Vikedal førerne Nils Arve og Ole Vidar Helland er det tettere i den minste nasjonalklassen der Holten Leifsen leiar med tre poeng på Rune Lutsi. Han kjører ikkje i Bergen, men det gjer Ernst Roald Lutsi som vant i Egersund og no ligg på tredjeplass i samandraget - I utgangspunktet hadde eg ikkje tenkt å ta dette så alvorleg, men eg har vore heldig med føret så langt, så no blir det tur til Bergen.

Stillinga i Vestlandsmesterskapet etter fire rundar:

Rallycross nasjonal inntil 2400 kubikk
1. Ernst Holten Leifsen NMK Vikedal 73 poeng
2. Rune Lutsi NMK Vikedal 70
3. Ernst Roald Lutsi NAF Gjesdal 62
4. John Vatland NAF Gjesdal 37
5. Steinar Stokke NMK Bergen 30
6. Bjørn Stormo NMK Bergen 26

Rallycross nasjonal over 2400 kubikk
1. Øyvind Eikeland NMK Vikedal 63 poeng
2. Nils Arve Helland NMK Vikedal 47
3. Ole Vidar Helland NMK Vikedal 30
4. Øystein Verlo NMK Bergen 26
5. Øyvind Tveit NMK Vikedal 25
6. Håvard Helland NMK Vikedal 24

Supernasjonal inntil 2000 kubikk
1. Svein Bjarte Holten NMK Vikedal 47 poeng
2. Knut Erik Ludvigsen NMK Bergen 43
3. Tommy Bakkerud KNA Bergen 42
4. Ole-Kristian Nøttveit NAF MS Nordhordland 37
5. Jan Gabrielsen KAK 25
6. Leif Roald Bjelland NMK Vikedal 22

Supernasjonal over 2000 kubikk
1. Eivind B. Nevland NMK Egersund 58 poeng
2. Kjetil Møn NAF MS Nordhordland 38
3. Jostein Skjerve NMK Bergen 30
4. Morten Hagen NMK Bergen 29
5. Terje Heggøy NMK Vikedal 24
6. Frode Holthe NMK Konsmo 21