Bakkeløp 14. september
Bilcross jr. og rallycrossløp 15. sept. 2002

-- Innbydelse --       -- Tilleggsregler  --          -- Tidsplan --          -- Resultater --

-- Foreløpig startliste: Bakkeløp - Rallycross --    -- Pressemeldingar --    -- Overnatting --

Dette bilde er frå målpasseringa i den største klassen under den 2. VM-runden i Vikedal i april. Jostein Skjerve vann då, men det er Eivind B. Nevland (som vart nr. 2) som leiar samanlagt i Vestlandsmesterskapet 4 poeng framfor Skjerve.

Innbydelse:
Det er sendt ut innbydelse til dei aller fleste som har delteke i Vestlandsmesterskapet og ein del andre i tillegg. Innbydelsen inneheld skisse over bakkeløpstraseen, stillinga i VM så langt samt tilleggsreglar og påmeldingskort. Er det nokon som ikkje har fått denne, kan dei lasta den ned i Acrobat-format (.pdf) her ...

Kart over traseen:

Starten er på startplata, men vi køyrer opp bakken mot dommarane ned rundt målsvingen og inn på bilcrosstrassen og rundt svingen. Når vi kjem til post 2 rundar vi denne inn på rallycrosstraseen og følgjer denne til mål.

Tidsplan:
Foreløpig tidsplan for helga:
Laurdag 14. sept.:
                kl. 13.00  1. kval. omgang
                kl. 14.20  2. kval. omgang
                kl. 15.40  Prefinale
                kl. 16.30  Finale
                kl. 17.25  Premieutdeling

Søndag 15. sept.:
                kl. 10.15           Trening, BC jr.
                kl. 10.25           Trening, RC
                kl. 11.00-12.00  Kyrkjepause
                kl. 11.45           Førarmøte
                kl. 12.30           Start, 1. omgang
                ca. kl. 15.35      Finalar
                ca. kl. 16.35      Premieutdeling

Tilleggsreglar:
Her kan du laste ned tilleggsreglane i Acrobat-format (.pdf):

Bakkeløp

Rallycross               Bilcross jr.

-- Til toppen --

Pressemeldingar:

Finalen i Vestlandsmesterskapet
Spenning og topp deltaking

Det blir topp deltaking når NMK Vikedal til helga arrangerer fjerde runde og finalen i Vestlandsmesterskapet. Over 40 deltakarar er påmeldt i dei tre rallycrossklassane, med Tommy Bakkerud og Eivind B. Nevland i spissen.  
Det er ein svært fornøgd primus motor for Vestlandsmesterskapet, Tore Rønneberg, som no kan konstatere at denne serien på Vestlandet er i ferd med å bli skikkeleg etablert. 
- Me har halde liv i Vestlandsmesterskapet sidan 1997, dei første åra med låg deltaking, og det er først dei siste par åra at deltakartalet har slått ut i full blomst, seier Rønneberg og legg til at reint avviklingsmessig er ein no også i ferd med å finne den rette forma. 
- På grunn av ferjer og bomstasjonar er det dyrt for førerane å drive med bilsport på Vestlandet, og modellen med to løp på ei helg, bakkeløp på laurdagen og rallycross på søndagen, som me no skal ha i Vikedal, er det som vil bli malen for neste år då det blir fire slike helger i mesterskapet, pluss ein avsluttande finale i Bergen, seier han, og peikar på at sidan det no er fleire som køyrer alle rundane, blir det også stadig tettare i toppen. 
- Før dei to siste løpa er ingenting avgjort i nokon av dei tre klassane, og det blir spenning til siste slutt om kven som kan klatre til topps på pallen som Vestlandsmester 2002.

Bakkerud utfordrar 
I fjor var Tommy Bakkerud suverén i klassen  Supernasjonal inntil 2000 kubikk. I år har han ikkje vore like heldig og må finne seg i å liggje på ein andre plass før finalehelga, tre poeng bak Ole-Kristian Nøttveit. Men Bakkerud viste fine takter under finalen i NM i sist helg, der han køyrde inn til ein andre plass, og det skal vel mykje til om ikkje Tommy Bakkerud også i år vil vere med i kampen om Vestlandsmesterskapet. 
Spennande blir det og om NMK Vikedal førarane Svein Bjarte Holten og Leif Roald Bjelland kan køyre seg opp samanlagt. Så langt ligg dei på ein sjette og åttande plass, men med to gode resultat på heimebane bør ei pallplassering kunne vere innan rekkevidde.


Det er Ole Kristian Nøttveit i BMW M3 NAF Nordhordland som leiar Supernasjonal inntil 2000 kubikk. Klarar han å halda Tommy Bakkerud bak seg, eller kjem det andre og trugar leiinga hans?

Sin første siger
I store supernasjonal var det kampen mellom Jostein Skjerve og Eivind B. Nevland som var den store publikumsgodbiten då andre runde i Vestlandsmesterskapet vart avvikla på Vikedal Motorbane i april. Det er då også desse to som er best  i samandraget i store Supernasjonal, med fire poengs leiing til Nevland. På nasjonalt nivå har Eivind B. Nevland hatt suksess denne sesongen. Under Supernasjonalklassen sin gjesteopptreden under EM-runde på Lyngås, vart Nevland nummer to og beste nordmann, og no i helga køyrde han inn til fjerde plass i NM-finalen og bronseplass samanlagt. Eivind B. Nevland har ennå til gode å vinne eit rallycrossløp på Vikedal Motorbane. Kanskje kjem den seieren nettopp på søndag ?

Lokal siger ?
Rallycross nasjonal er den klassen som veks fortast på Vestlandet for tida og stadig nye førarar kjem til. På søndag er heile 25 førarar påmeldt i denne klassen, og det er her arrangørklubben NMK Vikedal har dei sterkaste korta på handa. Etter Ørjan Lutsi frå NAF Gjesdal følgjer NMK Vikedal førarane Ernst Harald Holten Leifsen, Øyvind Våge, Nils Arve Helland og Audun Gaard som perler på ei snor, med berre sju poeng mellom første og femte mann. Ernst Harald Holten Leifsen, som berre har tre poeng fram til Ørjan Lutsi, er likevel nøktern i sine forhåpningar om å klatre heilt til topps i meisterskapen i sin første sesong i rallycross.
- Det er klart at det er det som er målet, men så langt har eg berre køyrt rallycross og eg er spent på korleis eg greier å hevde meg i bakkeløpet. Målet mitt er å forsvare andreplassen samanlagt og blir det ei pallplassering totalt er eg nøgd med sesongen. 
|

Ernst Harald Holten Leifsen ligg på ein andre plass i samandraget i rallycross nasjonal. Målet er å forsvara denne plassen gjennom finalehelga.

At Ole Vidar Helland er tilbake i ein rallycrossbil på Vikedal Motorbane til helga vil nok glede mange. Helland fekk ein alvorleg skade i ryggen under ein NM-runde på halvanna år sidan og miste mesteparten av førligheten i beina. At han no er tilbake i rallycross er noko som har utvikla seg over tid.
- Aldri meir rallycross var nok det første eg sa etter ulykka. Men etterkvart som eg såg at eg kunne køyre ein vanleg bil, har eg også sett at muligheten til å hanskast med ein rallycrossbil igjen burde vere til stades. I helga vil eg prøve det ut og så får me sjå korleis det utviklar seg, seier ein spent Ole Vidar Helland.

I tillegg til klassane i Vestlandsmesterskapet blir det under bakkeløpet på laurdag ein eigen klasse for rallybilar, medan juniorane på søndag køyrer sin tredje runde i NMK Vikedal Cup.

Overnatting:
Her er ein liten oversikt over plassar der du kan få overnattingsplass i rimeleg nærhet til Vikedal Motorbane:
I Vikedal:
Skeie Camping                tlf. 52 760134             Hytter
Grimås Camping              tlf. 52 760184             Hytter
Vikedal Camping             tlf. 52 760138             Hytter
Haugen Herberge             tlf. 52 760192             Hytter, rom
Sommerhaven Motel        tlf. 52 760113             Rom

Ølen (25 km):
Ølen Gjestegård              tlf. 53 766100             Rom

.-- Til toppen --