|
Fleire av dei som kjørte i
denne klassen i fjor, er no så gamle at dei vil delta i andre
klassar. Påmeldinga til lisenskurset er god, med deltakerar frå
Vikedal, Vats, Tysværvåg, Sagvåg og yrkesskulen i Sauda. Dette
er det vi har snust opp juniorane: I Vikedal har Rikard Særsten
ein ny Golf klar, Ørjan Vikedal har fiksa litt karrosseriskader på
Sierraen, Arnt Richard Andreassen fortset med sin Volvo og det
blir 2 nye førerar i Per Inge Sandvik (eigenbygd Ford Escort MK
III) og Ingar Utaaker (sannsynligvis i Volvo 360). I Sandeid har
nok Ragnvald K. Bjelland bytta motor i sin Golf etter litt
problemer i fjor haust og Geir Harald Skeie skal fortsetja med den
Peugeot 205 GTI-en han overtok frå Johannes H. Leifsen. Stian
Tysnes fortset i sin Fiat 131. I Ølensvåg er Marius Vaka Lothe
involvert i eit Escort-prosjekt, men om han skal kjøra den eller
fortset med Peugeoten veit vi ikkje enno. ”Sierra-kameratane”
i Røyksund (Rolf Andrè Eilertsen og Roald Johan Saltvedt) trur
vi kjem sterkt også i år. Det kanskje mest gledelege i år er at
det sannsynlegvis kjem fleire nye både frå Vats og Sagvåg. Team
Higre i Tysvær har fått eit juniormedlem i år. Åsmund Susort
skal på lisenskurs, men det er visst ikkje heilt avklart kva bil
han skal køyra. I Vats er Roger Dale klar med ein nyinnkjøpt
Ascona, og i tillegg er det 4 gutar til som skal delta på
lisenskurset. Frå Sagvåg er det 3 gutar som er påmeldt. Dei
fleste har vel no fått med seg at det er ein bilcross-bil under
bygging på Sauda vidaregåande skule og at rektor skal kjøra den
(men ho er ikkje junior). I tillegg er det fleire av elevane som
skal løysa lisens. Men vi manglar fortsatt jenter. Finnes det
ingen jenter som har lyst til å kjøra billøp? Bilcross,
damer: Her har vi tru på at det
finnes mange som har lyst, men vi treng ei som kan gå litt i
bresjen. Ta kontakt så skal vi leggja forholda til rette. Kanskje
mødrene til nokon av juniorane er interessert? Det er mogleg å
dela same bil mellom dei 3 bilcross-klassane. Bilcross,
herrer: Øyvind Eikeland, som kanskje
var best av våre i fjor, skal køyra same bobla som i fjor. Team
Higre held fram med sine Escortar. Lars Reidar Frøyland har rett
nok bytta Escort frå den som vart mishandla i Bergen til den
”gamle” RC-nasjonal bilen til Øyvind Våge. I tillegg er
teamet utvida med 2 nye, aktive medlemmer, Tore Hundsnes og Jarle
Lilleskog. Tore Hundsnes køyrde ikkje i fjor etter å ha selt
bilen til Terje Steinnes. I år stiller han i den gamle Skodaen
som Johannes H. Leifsen hadde. Johannes skal køyra
”gamle-bilen” til broren, Ernst Harald. Jarle Lilleskog har kjøpt
ein Escort frå Fitjar. Tom Jøran Johnsen har selt Sierraen og kjøpt
seg ein Toyota Corolla som tidlegare har vore brukt i rally. Det er og ein del andre som allereie er klar, både nye og enkelte som
gjer comeback. Joar Torsen har kjøpt tilbake bobla som Rune Nes køyrde
i fjor. I tillegg har han ei boble til som snart er klar. Oddvar
Kalland frå Haugesund er klar med ein Volvo 240 etter press frå
barnebarna, og Roald Bjordal frå Vikebygd er klar med Opel Ascona. Rallycross
nasjonal: Dette vil nok bli ein hard klasse i 2002. Det går rykte om at fleire bergenserar kjem med Escort MK II med store Volvo-motorar. I tillegg har nok ikkje Lutsi-gjengen kvilt på laurbæra. Terje Steinnes var nok svært skuffa over å tapa VM med så knapp margin som han gjorde. Kva lurt han har på gong veit vi ikkje, men målet er nok VM i år og. I Haugesund vert det arbeidd med ein Mercedes 190 som det er snakk om skal brukast både til racing og rallycross. Det er Ben Inge Hammer som er ansvarleg for denne. Planen er å ta eit garasjebesøk der ettersom ryktene fortel om fleire spennande prosjekter, så den som følgjer med på internettsidene får sjå.
På Fitjar har Nils Arve
Helland kjøpt Terje Heggøy sin Volvo 240 og skal køyra nasjonal
med den. Broren Håvard Helland har overteke bobla som Nils Arve
har køyrt med før, og den bobla han heldt på å byggja opp, har
han selt til ein kamerat. I Vikedal er Ernst Harald Holten Leifsen
klar og skal køyra i denne klassen med gamlebilen til Bjørn
Lunde og den gamle motoren til onkel Svein Bjarte. Han skal og køyra
eit par NM-rundar saman med Svein Bjarte.
Rallycross
supernasjonal i/1600 ccm: Dette blir i år eigen klasse i Vestlandsmesterskapet. Håpet er at dette kan vera ein billigare klasse, når det no ser ut til at det vert satsa sterkt også i nasjonal klasse. Aktuelle bilar er VW Golf, Boble, Peugeot 205, Ford Fiesta o.l. Terje Steinnes har sin "gamle" Peugeot 205 GTI ståande for sal, så dei som interessert kan ta kontakt med han. I tillegg er det ein Golf til sals i Kvinnherad, men vi er usikre på om den har 1600 eller 1800 ccm motor. Rallycross
supernasjonal i/2000 ccm: Her var det stort sett Leif
Roald Bjelland og Svein Bjarte Holten som deltok frå oss i fjor.
Begge var nok svært skuffa over det som skjedde i fjor og
revansjelysten er nok stor. Leif Roald har ny motor under bygging
hjå Rune Ørke på Frakkagjerd. Svein Bjarte sin motor svarte
ikkje til forventningane og har vore tilbake hjå Per Gulbrandsen
for å få ytelsen opp mot det den skal og må vera. Bergenserane
vert nok sterke i år og. Tommy var dominerande i fjor og det vert
spennande å sjå om det er nokon som kan ta opp konkurransen med
han i år. Det var broren, Åge, og Gorm Olsen som kom nærmast i
VM i fjor. I tillegg til våre eigne er vel Kjetil Møn i ein ny
BMW M3 og Ole Kristian Nøttveit i den ”gamle” M3’en til
Kjetil dei skarpaste utfordrerane. I tillegg dukkar det nok opp
fleire nye bilar. Rallycross
supernasjonal o/2000 ccm: Etter litt att og fram ser det fortsatt ut til at fjorårsbilen til Eivind Nevland frå Egersund endar på Fitjar. Det er Terje Heggøy som satsar på grommare redskap for å kunna ta opp kampen med dei beste. Ole Vidar Helland vurderer og å selja sin Volvo 460. Alternativet er å setja inn ein automatkasse og køyra sjølv. Knut Olav Skaar skal ta vidareutdanning og har selt sin Volvo 240 til Joar Torsen. Joar satsar dermed både på bilcross og rallycross i år. I bilcross er visst målet å kvalifisera seg til landsfinalen og køyra den. I rallycross skal han køyra VM og NM-runden på Lyngås. |