NMK Vikedal vann alle klassar

NMK Vikedal sine førarar vann alle klassar på Vikedal Motorbane. Sondre Hundseid Eikeland, Knut Endre Ringhagen, Johannes Holten Leifsen og Ingvar Auestad gjekk til topps.

Det var Sondre Hundseid Eikeland som drog det lengste strået til slutt i junior klassen under den tredje runden i Vestlandsmesterskapet på Vikedal Motorbane i helga.
Etter to andre plassar og tre heatsigrar i dei innleiande omgangane, hadde han andresporet ved sidan av Sindre Vikedal. Sondre køyrer sin første sesong i bilcross junior i ein VW Golf.
-Bygde bilen i vinter og i helga verka den svært bra, seier han
Med dette resultatet er Sondre Hundseid Eikeland også oppe på ein tredjeplass i Vestlandsmesterskapet. Gøran Spartveit NMK Vikedal leiar meisterskapen, medan Atle Nordpoll Teigland NMK Bergen ligg på andre. Sondre stiller i Bergen for å forsvare posisjonen.
-Reiser til Bergen til helga, så får me sjå.
Sindre Vikedal og Andrè Hustoft Nesheim kom på dei neste plassane i løpet.


Sondre Hundseid Eikeland gjekk til topps i bilcross junior framfor Sindre Vikedal (t.v) og Andrè Hustoft Nesheim.

I bilcrossklassen hadde Knut Endre Ringhagen sikra seg høgast poengsum etter dei innleiande omgangane. Finalen vann han føre Per Gaute Østbø, NMK Vikedal og Nils Kleven, NMK Jørpeland.
Med dette resultatet overtok også Ringhagen leiinga i Vestlandsmesterskapet, og har no to poeng å gå på klubbkamerat Joakim Bruland, som ikkje hadde full klaff i helga og vart nummer 13. NMK Bergen-føraren Torbjørn Østerbø Veland ligg på tredjeplass.

Knut Endre Ringhagen vann bilcross framfor Per Gaute Østbø (t.v.) med Nils Kleven på tredje plass.

Manglar effekt
I rallycross vart det til slutt Johannes Holten Leifsen som tok med seg løpsigeren. Etter ein snurr i første omgang vann han dei tre siste omgangane, i sikra seg bestesporet i finalen føre Hallvard Finnvik, også han frå NMK Vikedal.
- Traff godt både i starten og i alternativsporet i finalen, og sjølv om Hallvard Finnvik låg føre meg ei stund, greidde eg å ta meg forbi, seier Johannes, som dermed tok sin første siger i sin Ford Focus. Likevel har han meir inne.
-Får ikkje full effekt i motoren, noko me ikkje finn årsaken til, men som me kjem til å jobba vidare med fram mot løpet i Bergen til helga.


Johannes Holten Leifsen sikra seg sin første seier med den nye Focusen i rallycross nasjonal inntil 2400 ccm.

I største klassen var det berre to bilar som stilte til start. Geir Harald Skeie var best i dei innleiande omgangane, medan Ingvar Auestad vann finalen etter at Geir Harald kom best ut. Skeie fekk ein stopp på grunn av brudd på ein bensinslange. Ingvar Auestad var nøgd.
-Planen var å teste ut nye dekk under løpet i Vikedal, og då eg til slutt enda på toppen er jo det ein skikkeleg bonus, seier han, som no er endå betre budd til løpet i Bergen neste helg.
-Me har gjort eit nytt dekkval, og gjort ein del ting med bilen som me meiner gjer den betre.


Ingvar Auestad tok seieren i den store klassen etter at Geir Harald Skeie måtte gi seg med tekniske problem.

Allereie på søndag er det klart for ny runde i Vestlandsmesterskapet på Eikås Motorsenter ved Bergen. Med førarar frå NMK Vikedal i leiing i alle klassar.