Status pr. søndag 13. desember

Sidan det er vanskeleg å få tatt bilder i mørkret i vekedagane, måtte me ta ein tur opp søndag 13. desember for å sjekka statusen. Ryktene sa at utvidingane var klar og asfalteringa godt i gong. Det er viktig å få ferdig asfalteringa før frosten evt. kjem.
Bilda vart tatt rett før det mørkna rundt kl. 15.30, så difor vart dei litt fargelause.

Heilt opp hit og nedover resten av startplata vil det bli lagt ny asfalt. Skøyten kjem dermed ovanfor den vesle hola som har gjort svingen ekstra spennande for ein del og kostbar for nokre få.

Nedkjøringa til startplata vert flytta litt lengre bak slik at det skal bli litt enklare å stilla opp på start. Det vil og bli asfaltert heilt bak til muren som de ser.

Grusparti til venstre for den nylagde asfalten er den auka bredden på startplata.

Det vert påstått at enkelte har klatra på kurbsen i innersving i startsvingen pga. plassmangel. For å unngå dette vil inngongen bli utvida litt og kurbsen forlenga tilbake mot start og sandfella. Dermed håpar ein at det skal bli plass til alle rundt første sving.

I heile målsvingen er den gamle kurbsen fjerna og innersvingen utvida. Det vil bli laga ny kurbs på innsida av den nye asfalten og posten må nok og flyttast litt lenger vekk frå banen.

Her ser me inngongen til målsvingen sett frå andre sida med inngongen til alternativsporet til høgre (bak betongelementa)

Her eit bilde tatt nesten på målstreken der ein ser utvidinga av målsvingen. Den gamle asfalten er skoren, så me er litt usikre på om all den nye asfalten er utviding.