Tørt og vått på Vikedal Motorbane

Det blei to ulike dagar på Vikedal Motorbane i helga, tørt og fint på laurdag, vått og surt på søndag. Men vinnarar vart kåra, Elling Helleberg og Hans Jøran Østreng i Norgescupen og Ørjan Strand Eikeland, Rudi Rossland og Steinar Stokke i Vestlandsmesterskapet.

Etter ei fjerdetid i første omgang hadde NMK Aurskog-Høland føraren Hans Jøran Østreng full kontroll i dei to siste omgangane.

- Etter litt problem i første blei det full klaff i de to siste og i A-finalen fikk eg stadig betre kontroll utover i løpet, kommenterer 22 åringen det som til slutt blei til siger i store nasjonalklassen i den første runden i Norgescupen. Nå er han spent på fortsetjinga.

- Det starta slik i fjor òg, men utover i sesongen måtte eg bryte tre av rundane, og det blei berre ein sjetteplass til slutt. Vonar det går betre i år. 

Hans Jøran Østreng har gått i tet i A-finalen i store nasjonal.

Østreng vann løpet føre Ove Halvorsen, NMK Gardermoen, og Steinar Stokke, NMK Bergen, med beste lokale køyrar Bjørn Magne Moland Enge, NMK Vikedal, på fjerde plass.

I rallycross nasjonal inntil 2400 kubikk var det til slutt NMK Kongsberg-føraren Elling Helleberg som kunne dra det lengste strået. Men det begynte trått.

- Hadde problem med bensintilførselen på trening og tidstrening, men det gikk betre utover i løpet, og etter ei første og andretid valde eg å stå over tredje omgang. Var fornøgd med andresporet, seier Helleberg, som i finalen kunne innkassere sin andre siger i eit Norgescupløp.

- Dette mitt tredje løp i Norgescupen totalt, eg vann finaleløpet i fjor, så to førsteplassar på tre løp er eg godt nøgd med.

Både Østreng og Helleberg gav ros til Vikedal Motorbane.

- Både en artig og god bane å kjøre rallycross nasjonal på dette. 

Hans Jøran Østreng (t.v) og Elling Helleberg til topps i den første Norgescuprunden i nasjonal.

Espen Kolstadbråten NMK Valdres og Arnfinn Bergseng NMK Fluberg kom på dei neste plassane, med Arild Vik på ein åttande plass, som beste førar frå NMK Vikedal.

Fekk retta bilen

Etter at Norgescupen gikk i fint, men litt kaldt vårver på laurdag, endra dette seg til søndag, då det var vått og surt. Men opninga av Vestlandsmesterskapet gjekk etter planen og i store nasjonal var det Steinar Stokke som kunne innkassere sigeren til slutt.

- Fekk det betre til i dag enn i går. Har fått ny motor i bilen og den er litt annleis å starte med, men i dag begynte eg å få konroll på dette.

Team-kompis i Osterøy Rasarlag, Rudi Rossland, gjekk på ein skikkeleg smell under Norgescuprunden på laurdag, og det såg stygt ut for vidare deltaking.

- Ramma var skeiv og bilen måtte i jigg, men det fiksa Suldal Billakkering og Ernst og Johannes Holten Leifsen, som jobba til klokka fire natt til søndag for å få bilen klar, seier Rossland, som på toppen av det heile kunne innkassere sigeren i søndagens løp.

- Ja, i dag hadde eg full kontroll både i innleiande omgangar og finalen. 

Glade vinnarar i Osterøy Rasarlag, Steinar Stokke (t.v) og Rudi Rossland gjekk til topps i Vestlandsmesterskapet. Framme to nye blad Stokke, Casandra og Aleksander.

Bak dei to førarane frå Osterøy Rasarlag var det mykje NMK Vikedal. I klassen under 2400 kom Sigmund Lutsi, Lars Reidar Frøyland og Arild Vik på dei neste plassane medan Håvard Helland, Bjørn Magne Moland Enge og Geir Harald Skeie kom på plassane bak Steinar Stokke i den store klassen.

I supernasjonal var det berre Bjørn Stormo, NMK Bergen, som fullførte i toliterklassen, og Håkon Gjesdal Nilsen, NAF Gjesdal, i store super.

God start for Eikeland

NMK Vikedal-føraren Ørjan Strand Eikeland fekk ein god start på Vestlandsmesterskapet i bilcross junior. I fjor blei han Vestlandsmester i klassen, og på søndag vann han første runde i ein nytt meisterskap.

- Har fått skifta alle leidningane til innsprøytningsanlegget, så i dag fungerte bilen perfekt, seier han, som vann to av sine innleiingsomgangar og leia finalen frå start til mål.

KNA Klepp-føraren Gunnleiv Kvål blei nummer to i klassen, medan NMK Vikedal-førarane Ole Rasmus Solheim, Kennet Kaldheim og Anja Andersen kom på dei neste plassane.