NMK Sandnes og Jæren arrangerte sitt tradisjonelle bakkeløp på Jærhagen, eit kjøpesenter i Klepp sentrum. Det mest spesielle med dette løpet er at det er ei sløyfa inni parkeringshuset, noko som byr på litt ekstra spenning .Det blei kjørt 3 klasser, bilcross senior, free for all opptil 2500 ccm og over 2500 ccm.

NMK Vikedal stilte med 3 førerar. I bilcross kjørte Aleksander S. Eikeland med Volvoen sin, men etter 1. omg. og prefinalen var han ikkje blant dem 10 som gjekk vidare til finalekjøringa. I denne klassen var det 20 biler med.

I free for all opptil 2500 var Sigmund Lutsi og Gisle Morten Hetland på plass med boblene i ein klasse med tilsaman 14 biler. Sigmund var ikkje heilt fortruleg med løypa, men stod etter prefinalen med 6. beste tid. I finalen klarte han ikkje å følge opp og endte til slutt på ein 10. plass. Gisle Morten trivdes godt og stod etter prefinalen med bestetid i klassen og 2. tid totalt. Men i finalen satsa han litt mykje, sladda borti ein rundballe, snurra og endte på 2. plass nokre 100-dels sekund bak Erlend Gjesdal og med Odd Byberg på 3. plass.

I over 2500 var det kun 4 bilar og Håkon G Nilsen vann, Ørjan Lutsi nr. 2 og Henning Vårdal nr. 3.

På www.lutsi.com er det lagt ut film frå stuntet til Gisle Morten Hetland og litt av den publikumsvennlege kjøringa til Ørjan Lutsi.