Topp deltaking i Vikedal

Over 100 bilar stiller til start til helga når NMK Vikedal arrangerer todagars bilcross og rallycross. Løpet tel med både i NMK Vikedal Cup og Værstingcup.

NMK Vikedal Cup, som er NMK Vikedal sin eigen cup, der alle løpa blir kjørt på Vikedal Motorbane før finalen i år skal køyrast som ei bakkeløp på Frakkagjerd Industriområde, blir avvikla i klassane bilcross junior og rallycross nasjonal. Første runde vart avvikla i samband med Vestlandsmesterskapsrundane i Vikedal og i bilcross junior var det Knut Endre Fønnebø Ringhagen frå Kolnes som vann første runde, og som dermed leiar cupen. Ringhagen er inne i sin andre sesong i bilcross junior og har tatt leiinga føre Johan André Øverland frå Hellandsbygd og Aleksander Skeie frå Sandeid.

Sidan det første løpet i cupen også var uttaking til NMK Vikedal sitt juniorlag, er desse tre på laget, saman med Christian S. Eikeland frå Øvre Vats, Eirik Aasbøe frå Avaldsnes og Joakim B. Hansen frå Vikebygd. I helga var dei i Egersund og køyrde første runde i Værstingcup i Egersund. Her køyrde Knut Endre Fønnebø Ringhagen inn til ein flott andreplass, medan Anette Aarre, som kom inn som reserve på laget, vart nummer ni. Også brødrene Aleksander og Christian Eikeland kom seg til finalane i Egersund og vart til slutt nummer 10 og 11.

NMK Vikedal Junior Racing Team 2004. Framme f.v. Joakim B. Hansen, Vikebygd, Knut Endre Fønnebø Ringhagen, Kolnes og Johan André Øverland, Hellandsbygd. Bak.f.v Christian S. Eikeland, Øvre Vats, Aleksander Skeie, Sandeid og Eirik Aasbø, Torvastad.

Værstingcup er bilcrossklassen sin cup på Vestlandet og for seniorane var det fem deltakarar frå NMK Vikedal som hadde tatt turen til Egersund og første runde. Glenn Olav Lothe kvalifiserte seg til A-finalen og vart nummer seks. Dermed har han eit godt utgangspunkt for vidare satsing i Værstingcup. Geir Harald Skeie og Per Gaute Østbø vart henholdsvis nr. 12 og 13. Marius Vaka Lothe vart nr. 25 etter taking i 3. omgang, medan Jarle Lilleskog sleit med forskjellige tekniske problem heile dagen og vart utan poeng.
          I fjor vart todagarsstemnet avslutta med ein spennande A-finale i bilcross der både Per Gaute Østbø og Nils Martin Hovland var på plass. Hovland vart til slutt nummer to bak Kjell Askeland NMK Bergen, medan Per Gaute Østbø vart nummer fire.

Lutsi igjen
I tillegg til bilcross og bilcross junior kan publikum også få med seg topp deltaking i rallycross nasjonal om dei tar turen til Vikedal Motorbane i helga. For denne klassen er det også andre runde i NMK Vikedal Cup, men medan denne klassen blir delt på 2400 kubikk i Vestlandsmesterskapet, blir den køyrt samla i NMK Vikedal Cup. Dermed deler Steinar Stokke frå den minste klassen, og Ørjan Lutsi, som køyrer Volvo i den store klassen, på leiinga i cupen, medan Roger Kalstad og Sigmund Lutsi følgjer bak. I fjor var det Rune Lutsi som gjekk til topps i dette løpet, i ein bil frå den minste klassen. I år er det far til Rune, Sigmund Lutsi som har overtatt denne bilen. Så spørst det om det kan bli ein ny siger på han.